Ohcejoga girkosiiddas, Sieidegeainnus bulii ássandállu maŋŋebárgga. Gaskavahku iđđes guđa áigge báikki alde lei vel gádjunlágádusa ovttadat muhto buollin lea dan muttus, ahte dan šat čuvvot amas lassivahágat šaddat.
Buollin fuomašuvvui maŋŋebárgga diibmu 14 iige gádjunlágádus bastán bissehit dola leavvama.
Gádjunlágádusas muitalit, ahte buollimis eai leat šaddan olmmošvahágat. Dálu ássiguovttos ja sudno beana besse dálus ieža eret, go dállu buollái.
Dállu lea sullii 200 njealjehašmehtera sturrosaš.
Gohcci buollinmeašttir Timo Nyholm muitalii maŋŋebárgga eahkedis diibmu 20 sulain, ahte čáskkadanbarggut joatkašuvvet. Čáskkadanbargguin leat mielde oktiibuot ovcci ovttadaga Avvilis, Ohcejogas, Njuorggámis ja Deanušaldis Norgga bealde.
Čáskkadanbargguid váttásmahtii 28 gráđa buolaš. Gádjunbargiid čáhcebumpat ja -šláŋŋat, ja maid biillat gálbmojedje buollašis, čilge Lindholm.
Buollima sivas ii leat vel diehtu.
Ođas beaiváduvvon diibmu 20.14 ollásit.
Beaiváduvvon diibmu 21.30: Timo Nyholm namma divvojuvvon.
Ođas beaiváduvvon diibmu 26.11. 6.15.
