Aanaarjäävri Nuárjáluovtâst 35 neljihâšmeetter stuárusâš hirssâtuuvááš tuššánij ollásávt puálust majebaargâ. Ko kááijumlágádâs peesâi pääihi oolâ, rakânâs lâi puállám ollásávt.
Suijâ cokkânmân ij lah visásmum, mut pääihi alne leijee sahhiittâlmij vuáđuld puálu ličij cokkânâm rakânâs terassist, tieđeet kááijumlágádâs.
Kyehti ulmuu uážžoin smaavâ puáluhaavijd, mon keežild karttáin eelliđ tiervâsvuođâkuávdáást. Pääihi alne lâi kyehti kááijumlágádâs kárbá, moin jođettij kááijumvievâ já časkâdemkálvudâh puálusajan. Kááijumkopter Aslak uásálistij meid paargon.
Čovgâ pieggâ já čääsist jotteem vaigâdvuođâi tiet puálusajan moonnâm lâi vaigâd.
Muttum 1.10. tme 16.05 kááijumlágádâs lasetiäđuin puállám tuuváást já pääihi alne leijee ulmuin.
