Birasministeriija kansliijahoavda Hannele Pokka kommentere Deanu ođđa guolástannjuolggadusaid bloggastis. Ovddeš Lappi eatnanhearrá mielde guolástussii evttohuvvon ráddjehusaid duohkin lea fuolla Deanu luossanáliid fuones dilis.
Pokka dadjá bloggastis, ahte riikkabeivviid vuođđoláhkaváljagoddi ferte smiehttat heivejitgo evttohuvvon ráddjehusat oktii vuođđolágas dorvvastuvvon opmodaga sujiin, ja makkár váikkuhusat njuolggadusain leat sápmelaš kultuvrii.
Pokka mielde Deanu njuolggadusevttohusat leat álot gieđahallon vuođđoláhkaváljagottis, daningo Deanu čázit Suoma bealde leat priváhta olbmuid, eanáš sápmelaččaid oamastusas.
