Eanodatlaš Ándte Gaup-Juuso fitnii duorastateahkedis reivve ruovttus Gárasavvonis.
Reivves logai ahte ruovttus ja ránnjas visot lea bures.
– Muohta ii leat olu ja eat leat vel beassán čohkket bohccuid. Bohccuid vuovdin manná skábmamánu lohppii. Fuolkkit ja oahpásat sáddejit dearvvuođaid ja sávvet somás BB-áiggi. Joatkke seammaládje muh' vel buorebut, dearvvuođat ruovttus, čállá Ándte bearaš.
Sotnabeaivve diehtit beasságo Andte Big Brother -finálii. Big Brother -gilvvu finála lea boahtte vahku bearjadaga. Olbmot ja tihppenfitnodat jáhkket Andte vuoitit.
