Ođđajagiruohtta ledje čieža aktivistta Gállagis vuosttildeame ruovdemálmma roggama guovllus. Okta aktivisttain lea ceggen tealtta plánejuvvon ruvkki sádjái ja lea orron doppe jo guokte váhku.
Vurdet ođđa miellačájáhusaid
Ruvkefitnodat Beowulf Mining áigu joatkit iskanbávkalemiid Gállogis ja guovllus vurdet ođđa miellačájáhusaid. Guovllu eananeaiggát leat dieđihan bolesiidda, ahte aktivisttat lea lobiheami čuollan muoraid su eatnamiin.
Geasset ledje stuorra miellačájáhusat Gállogis, mat hehttejedje ruvkebargguid, go miellačájeheaddjit ledje earret eará botken luotta málbmaohcanbáikái.
