Jåhkågasska čearru Johkamohkis gáibida 1,3 miljon Ruoŧa ruvnnu vahátbuhtadussan Jokkmokk Iron Mine -fitnodagas. Čearru čuoččuha, ahte ruvkefitnodat ozái mannan dálvvi lobihaga málmma čearu dálveeatnamiin Gálloga-guovllus.
Fitnodat hilgu buhtadusgáibádusa
Jokkmokk Iron Mines ii lean čearu mielde dieđihan bargguid birra ja dan dihte muhtin dálvesiiddat eai sáhttán olles dálvvis guođohit sin dálveguohtuneatnamiin. Fitnodat mieđiha ahte sii ohce logi beaivve málmma dohkkehuvvon bargoplána haga, muhto ahte sii heite dalán, go ášši bođii ovdan. Jokkmokk Iron Mines maiddái hilgu buhtadusgáibádusa oalát.
