तुम्हाला त्यांची मतं पटोत, न पटोत @UrmilaMatondkar ह्यांची @abpmajhatv वरची सहज मुलाखत पहाताना वाटलं महाराष्ट्राची सुसंस्कृत अभिजनता काही विलक्षणच आहे.. संपन्न मराठी परंपरेची हलकीशी झलक त्यांच्या मुलाखतीतून जाणवली.
पेट्रोल ११२ आणि डिझेल १०३ रूपये लीटर होईल ह्याची कधी कल्पनाच केली नव्हती. परंतु, त्याचबरोबर किंमती कितीही भरमसाठ वाढल्या तरीही लोक प्रश्न विचारणार नाहीत किंवा रागावणार नाहीत, ह्याचीही कधी कल्पना केली नव्हती.
अमेझॅान ला मराठी ला मानावं लागलं ही लढाई तर आपण जिंकली.. त्याबद्दल महाराष्ट्र सैनिकांचं मन:पूर्वक अभिनंदन.. आता त्याचा - तिथल्या मराठी पर्यायाचा - वापर करण्याची जबाबदारी समस्त मराठी माणसाची.. जय महाराष्ट्र !
मुंबईवरून गुजरात आणि महाराष्ट्राचा झगडा सर्वांना माहीत आहे.. त्यात ज्या दिवशी मुंबई महाराष्ट्राला मिळाली त्याच दिवशीचा मुहूर्त साधून मुंबईतलं आंतरराष्ट्रीय वित्त केंद्र गुजरातला हलवलं गेलं.. मराठी माणूस ही घटना, त्यामागची माणसं आणि त्यामुळे भळभळलेली जखम कधीही विसरणार नाही..
मराठी वृत्तपत्रं आणि माध्यमांना विनंती की ज्ञानाच्या क्षेत्रात जगात अदभुत गोष्टी घडत असतात. जसं की जेम्स वेब्ब दुर्बिणीनं विश्वाच्या एका टोकाची काढलेली छायाचित्रं.. अशांचंही वृत्तांकन मराठीत यावं.. किती दिवस आपण फक्त खड्डे, पूर, गेलेले आमदार, आलेले खासदार ह्याची चर्चा करत बसणार?
“हरलात की तुम्ही ईव्हीएमबाबत तक्रार घेऊन येता” अशी सर्वोच्च न्यायालयाची टिप्पणी मनाला पटत नाही.
फक्त निवडणूक लढवणाऱ्यांच्या नव्हे तर सर्वसामान्य मतदारांच्या मनातही शंका आल्याचं ह्यावेळी दिसलं. ती शंका रहाणं बरोबर नाही.
#ईव्हीएम#निवडणुका
२७ वर्षांपूर्वी आजच्या दिवशी रात्री किल्लारी (लातूरजवळ) ला भूकंप झाला. भूकंप झाल्या झाल्या काही तासांतच लातूरला पोचलो ते नंतर पुनर्वसनाचं काम पूर्ण होईपर्यंत दोन-सव्वादोन वर्ष होतो.. अगदी प्रेतं काढण्यापासून घरं बांधून लोकांच्या ताब्यात देण्यापर्यंत.. खूप शिकलो. आज आठवण आली.
सुमारे तीस वर्षांपूर्वी टेस्लासारख्या कंपनीला देशात कार्यालय, संशोधन केंद्र सुरू करायचं असतं तर त्यांनी प्राधान्यानं महाराष्ट्राचा विचार केला असता. आज महाराष्ट्रानं प्रयत्न करूनही त्यांनी कर्नाटकचा विचार केला.. आपण सर्वांनी गंभीर होत ह्याचा विचार केला पाहिजे..
त्याच त्याच पक्षाच्या त्याच त्याच लोकांना पुन्हा पुन्हा मतं देऊन काय मिळालं आपल्याला? पुणे पदवीधर मतदारसंघात रूपाली पाटील-ठोंबरे ह्यांना उमेदवारी देऊन महाराष्ट्र नवनिर्माण सेनेनं नवा रस्ता दाखवला आहे आणि उत्तम संधी दिली आहे.. त्याचं सोनं करा.. जय महाराष्ट्र !
आपण वर्षानुवर्ष पाहिलं की कृषी उत्पन्न बाजार समित्यांची मक्तेदारी हीच शेतकरी वर्गावर अन्याय करते आहे. त्याचा बिमोड करायचा म्हणून संसदेत तीन कृषी विषयक कायदे मंजूर झाले, आता इथून सरकारनं माघार घेतली तर शेतकरी पुन्हा भ्रष्टाचारी व्यवस्थेत भरडला जाईल.. सरकारनं माघार घेऊ नये.
