Zirlai 2na Isua Krista chatuan Lungpui
Thuhmahruai:
Kan zirlai hmasaah khan Pa Pathian chu chatuan mi a ni thu kan zir tawh a, Vawiin ah chuan
lsua Krista chu chatuan lungpui a nih thu kan zir dâwn a dawn a ni.
1. Chatuan lungpui Krista chu:
Bibleah hian tehkhin thu tam tak hmuh tur a awmin tehkhin thu pawh an lo hmang thin
a,heta Chatuan lungpui chu Krista a tih pawh hi tehkhin thu asawina ni, awmzia chu Isua Krista
chatuan lungpui tih a sawi hi hi lung tak tak a ni tihna ni lovin Isua krista chu innghahna tlâk, mi
nghet leh mi tlo a nihzia sawina a ni a, Isua krista chu chatuana nghîng ve lo tûr a ni a, harsatna
leh manganna kan tawh hun lai ber pawha kan belh tlat tur chu Isua Krista a hi a ni.
Thuthlung Hlui leh Thuthlung Tharah lamah pawh Pathian chu lungpui a nih thu hi vawi
tam tak kan hmu a tawh in a rinawm a, Isua hi lungpui nêna tehkhin a ni fo bawk (Rom 9:33; 1 Kor
10:4).
Chatuan lungpui Krista tih pawh hi “Kristiante hla ngaihhlut tak, 'Chatuar lungpui, aw
Krista' tih Augustus Montague Toplady-a'n a phuah atanga lâk a ni a. England rama Somarset bial
a Blagdon-a kohhran hruaitu Toplady-a hian, Burrington Combe-ah thlipui na tak mai a rawn
thawk a, a inphenna atân lungpui keh kârah a biru a, a him phah ta a. Chu a thil tawn atang
chuan kum 1763-ah he hla ropui tak hi a lo phuah chhuak ta a ni
Chatuan lungpui Krista hi Pathian thuthlung chatuana nghîng ve ngai lo tûr chhe thei lo,
Keini mi sual boral tûrte inphenna leh inhum himna nghet a ni a. Isua Krista phênah chauh lo
chuan keini mi sual ânchhe dawng, thiam loh chang tawh hian sual ngaihdamna leh thiam chantîrna
a nei lo tih he hla hian a puang chhuak a ni.
2. Isua Krista chu chatuan mi a ni:
Isua khawvêla a rawn pian khan , kraws-ah khenbeh a nih thleng chiah ngaihtuahtu te tân
chuan chatuan mi a nih thu hi hriat thiam a har mai thei.Mahse Bible in a sawi dan chuan Chatuan
mi a nih na hi kan pawm tlat tur leh kan rin reng tur a ni.
Chanchin Tha Johana ziakah chuan Chiang takin a in ziak a “A tir in Thu a awm, Thu chu
Pathian hnenah a awm, Thu chu Pathian a ni," tiin min hrilha (Johana 1:1)
Heta Thu a tih hi Khawvelah eng mah awm hma a, a tîra awm, Pa Pathian nêna pumkhat;
mahse. hrang bawk si a nihzia Johana hian a sawina a ni.
Isua khawvela a lo pian thu sawi nân, "Tin. Thu chu tisaah a lo chang a, kan zîngah a lo
awm ta a," tiin min hrilh zuia (Jn 1:14).
A tîra awm tawh Thu kha mihringte anga lo piangin khawvêlah a lo kal a, a mite tân
chhandamna ropui tak a rawr thlen ta a ni.
Isua Krista chu chatuan mi a nihna thu hi mi hrang hrang bulah mai a sawi lo a, Isua ngei
pawhin a insawi dân a ni thîn. Abrahama awm hma daih pawh khan Isua hi a lo awm tawh thu
bibleah chiang takin kan hmu a ni.
Isua hi a thi lo a, Mi nung a la ni reng a, kumkhua atân a nung reng a ni, Isua hi chatuan
a mi nung Bul leh tawp nei lo chatuan a tan a kan in nghahna a ni tih hi kan rin tlat tur a ni.
3. Isua Krista - kohhran innghahna lungpui:
Lungpui tih hi Roman Catholic Kohhran chuan Petera sawina niin an ngai a, Keini siamthat
kohhrante chuan Isua Krista sawina atân kan hmang a ni.
Peter tih hi Greek tawng chuan petros tihna a ni a, Lung tihna a ni, Petra tih ve thung hi
chu Greek tawng atanga lak ve tho niin Lungpui tihna ve tho a ni
Petros tih hi Thuthlung Tharbu pum puiah vawi 156 lai hman a ni a, Isua zirtîr zing a mi
Petera hming a hman vek a ni
Petra tih erawh ve thung hi chu vawi khat mah Petera sawi nân hman a ni ngai lo va, lsua
chatuan lungpui kâwk a hman a ni.
Isua a sawi danin He lungpui chungah hian ka kohhranho ka rem chho vang a," a tih khan
kohhran innghahna lungpui chu Isua ngei a nih zia sawina a ni“ Isua Krista chu lungpui nghet leh
tlo, nghîng ve mai mai ngai lo tûra kohhran leh ringtute innghahna lungphûm chu a ni.
Chatuan lungpui Kristaa innghat ringtute chu thlêmna thlipuiten nuaiin, harsatna leh buaina
tuipuiten chîm ve thîr mah se, an rinchhan lungpui hi a ngheh êm avângin an ding nghet thei thîn
a, a tâwpah chuan ropuia ngamtu leh hnehtu an ni thîn tih hi kan rin tlat tur a ni.
1. Chatuan lungpui - Isua Krista tih hi eng nge a awmzia?
Ans:-Chatuana nghing ve lo tur, harsat leh mangan lai ber pawha belh tlak chu Isua Krista a ni
tih sawina a ni.
2. Chatuanlungpui , Aw Krista' tih hla phuahtu khan eng vanga he hla hi phuah nge a nih?
Ans:- kum 1763 ah Augustus Montague Toplady an a phuah a. Burrington Combe-ah thlipui na
tak laka inphenna atan lungpui keh karah a biru a, a him phah ta a. Chu a thil tawn atang
chuan a phuah a ni.
3. Grik tawnga Petros leh Petra danglamna eng nge ni?
Ans:- Petros Lungpui sawina
Perea Lung sawina
4. Kohhran innghahna lungpui kha tunge?
Ans:-Lungpui nghet leh tlo Isua Krista hi a ni
5. Petros tih hi Thuthlung thar pumpuia vawi engzat nge hman a ni.
Ans : Vawi(156)
6. Bible-in Petra leh Petros a hman dan kha engtin nge?
Ans : Petros (lung) - Isua zirtir Petera hming sawinan
Petra (lungpui) - Lal Isua sawinan.“
7. Abrahama awm hma pawh a awm tawh kha tunge?
ans : Isua Krista
