Scene 1: Mandir Mein Ek Sawal

(Kirtan fades to soft background hum)

Arjun :
Madhav bhaiya… hare krishna kaise ho

Madhav (smiles gently):

Hare Krishna Mai badhiya tum kaise ho?

Arjun:
mai badhiya hu , Hare Krishna Mandir Vadodara Ja raha hu

Madhav:
Mai bhi wahi jaa raha hu, Janmashtami manane

Arjun:
Buss kuch Prashna leke jaa raha hu

Madhav:

arjun Prashna ko mann mein nahi rakhte

Arjun:
kya bhagwan sach mein sabko ek jaisa dekhte hain?

Madhav:
haa aavashya dekhte hai...
tumhe ye toh malum hee hoga ki krishna sabke mann mein viraajmaan hai.

Arjun:
Buss… aise hi. Mandir aake kabhi kabhi lagta hai — itne log, sab kuchh pavitra,
sab log shuddh,hai.

Par phir sochta hoon…

Agar koi insaan... jo poore jeevan mein sirf galtiyan karta raha ho, paap mein
dooba ho…
Kya uske liye bhi koi jagah hai bhagwan ke paas?
Madhav (pauses, looks at him deeply):
Tum jaante ho Krishna sabke Hriday mein hain… phir bhi yeh Prashna?

Arjun:
Jaanta hoon… par manna kathin hai.
Kya bhagwan kisi aise ko bhi apna sakte hain… jismein duniya sirf andhkaar
dekhti ho?

Madhav (soft laugh, voice calm and deep):

Yeh Prashna tumhare akela nahi hai…
Hazaaron saalon se log sochte aaye hain — kya prem aur daya sirf gyaaniyon ke
liye hai?

Arjun (curiously):
Aur iska uttar?

Madhav (leans in, whispering like beginning a secret):

Chalo ek kahani sunata hoon.
Ek shikari ki... jo jaanwar maar ke jeeta tha.
Naam tha… Mrigari.

(Soft forest sound fades in. Lights dim on mandir, spotlight begins to shift to
forest. Transition begins.)

Scene 2:
Setting: Dense forest, sounds of chirping birds and rustling leaves. A makeshift hut
made of branches and leaves is visible. Mrigari enters, carrying a dead deer over his
shoulder, his face stern and hardened. He carelessly throws the deer to the ground.

Mrigari (to himself, with a grunt):

Aaj ka shikar theek thaak raha. Par yeh jungle… yeh jaanwar… sab tang karte hain.
Yadi thoda aur milta.

Narad Muni (his voice resonating with peace):

Narayan narayan

Mrigari (suspiciously):
Kaun ho tum? Aur mere shikar ke ilake mein kya kar rahe ho? Yahan koi sadhu-
sanyasi nahi aata.
Narad Muni:
Main Narad, devrishi Narad. Bas yahan se guzar raha tha. Par tumhe dekhkar thoda
thehar gaya.

Mrigari:
Kya dekha? Maine koi galat kaam nahi kiya. Bas apna pet bhar raha hoon.

Narad Muni:
Galat kaam? Kya tumhe is jeev ka dard nahi dikhta? Jis tarah tumne ise maara hai…
murchit hua, tadapta hua…

Mrigari (scoffs, points his knife at the deer):

Tadapte hai toh tadapne do! Mera kaam hai shikar karna, jeene ke liye. Yeh sab
gyan ki baatein mujhe mat sunao.

Narad Muni (his gaze unwavering, filled with compassion):

Par Mrigari, har jeev mein us Parmatma ka ansh hai. Jab tum ek jeev ko aadha
maarte ho, toh uske andar ka Parmatma bhi peeda paata hai. Kya tumne kabhi
socha hai, iska fal kya hoga?

Mrigari (laughs harshly):

Fal? Mera fal toh mera pet bharta hai! Aur agar koi fal milta hai toh woh mujhe nahi
milta, mere dhanush ko milta hai.

Narad Muni:
Yeh sansar karmon ka phal deta hai, Mrigari. Har kriya ka pratikriya hota hai. Tumne
jo peeda di hai, woh laut kar tumhare paas hi aayegi.

Mrigari (starts to feel a flicker of unease, but hides it behind bravado):

Bakwas! Main kisi fal-nisfal mein vishwas nahi karta. Ab jao yahan se, annyatha
mera agla nishana tum ho sakte ho.

Narad Muni (unfazed, takes a step closer):

Main jaoonga, par ek baat soch lena. Jab tum khud maroge, aur yahi peeda tumhe
milegi… kya tab bhi tum itne hi bahadur rahoge? Kya tab bhi tumhare paap tumhe
shanti denge?

(Mrigari freezes, his knife hand lowers slightly. Narad Muni sees the crack in his
hardened exterior.)

Narad Muni:
Ab bhi samay hai, Mrigari. Tyag do yeh hinsa ka marg. Chhod do yeh paap.
Parmatma ki sharan mein aao. Woh itne dayaalu hain ki tumhare har paap ko
kshama kar denge, agar tum sachche dil se pashchataap karo.
Mrigari (voice softer, almost a whisper):
Pashchataap? Main… main toh bas yahi jaanta hoon. Shikari hi toh hoon main.

Narad Muni:
Tum jo bhi ho, Parameshwara ki drishti mein sab samaan hain. Woh sabko
sudharne ka avsar dete hain. Bas ek baar unki taraf mud kar dekho. Ek baar is hinsa
ko tyag do.

(Mrigari looks at the half-skinned deer, then at his blood-stained hands, then at
Narad Muni's calm, compassionate face. A tear slowly forms in his eye.)

Mrigari:
Mujhe… mujhe nahi pata kaise… main toh paapi hoon.

Narad Muni:
Paapi wahi hai jo paap karta rahe. Jo pashchataap kare, woh paapi nahi rehta. Bas
tumhara sankalp chahiye. Kya tum apne jeevan ko badalna chahte ho, Mrigari?

Mrigari (nods slowly, dropping his knife):

Haan… haan main chahta hoon. Main… main is paap se mukti chahta hoon.

Narad Muni (smiles brightly, extends his hand):

Toh aao, mere saath. Main tumhe sahi marg dikhaoonga. Parmatma tumhe avashya
swikaar karenge.

(Mrigari hesitantly takes Narad Muni’s hand. The forest sounds seem to soften, and
a faint, gentle light shines on them. Mrigari's face begins to lose its hardness,
replaced by a flicker of hope and remorse.)

(Lights begin to fade on the forest scene, transitioning back to the mandir.)
Mrigari (slowly, with a newfound reverence):
Narad Muni… kya sach mein main itna badal sakta hoon? Kya mere paap dhul sakte
hain?

Narad Muni:
Paramatma ki kripa se sab sambhav hai, Mrigari. Bas ab tumhe apne purane
karmon ko tyag kar, naye aur shuddh marg par chalna hoga. Tumhe hinsa chhodni
hogi, aur sab jeevon par daya karni hogi.

Mrigari:
Hinsa… main kaise chhodunga, mera ghar kaise chalega? Yeh toh mera jeevan hai.
Par… main koshish karunga. Main ab kisi jeev ko takleef nahi doonga. Main… main
is dharti par apna bhoj nahi banunga.
 Narad Muni:
Yahi toh shuruwat hai, Mrigari. Har chhota kadam mahatva rakhta hai. Ab se tum
Shri Krishna ka naam japna shuru karo. Unka naam hi sabse bada pavitra karne
wala hai. Unki kripa se tumhara hriday shuddh hoga, aur tumhare paap mit jayenge.

Mrigari:
Shri Krishna… (He whispers the name, a new feeling stirring within him) Kya unhein
main bhi prapt kar sakta hoon?

Narad Muni:
Unhein har koi prapt kar sakta hai, jo shuddh hriday se unki sharan mein aaye.
Mrigari, yeh jeevan ek yatra hai. Ab tak tum andhere mein the, par ab Prakash ki
taraf mud rahe ho. Kya tum apne jeevan ko Shri Krishna ke charnon mein samarpit
karoge?

Mrigari (his eyes filled with tears, falling to his knees):

Haan, Narad Muni! Main Tyaag dunga Iss Dhanush Baand ko Main Shri Krishna ke
charnon mein apna jeevan samarpit karta hoon. Main hamesha unka naam
japoonga, aur unki sewa mein apna jeevan bitaoonga. Mujhe kshama karo, he
Prabhu, main kitna bada paapi tha!

Narad Muni (placing a hand on Mrigari's head, smiling):

Utho, Mrigari. Aaj se tum naye vyakti ho. Tumhara hriday parivartit ho gaya hai. Ab
tum ek krishna bhakt ho. Tumhara jeevan ab Shri Krishna ki sewa mein hai. Jaao,
aur sabko dikhao ki Parmatma ki kripa se kuch bhi asambhav nahi hai.

(Mrigari stands, his face transformed. The hardness is gone, replaced by a deep
sense of peace, humility, and devotion. He looks at the deer, no longer with a
hunter's gaze, but with remorse and compassion. He folds his hands in prayer,
looking up at the sky.)

Scene 3
Setting: Lights slowly fade back to the mandir. Arjun is visibly moved by the Mrigari story.
The temple is quiet, kirtan still soft. The mood is now more introspective.

Madhav: yaha tak ki mrigari mein toh itna parivartan aa gaya tha ki. Jub kai varsh baad
narad muni ,parvat muni k sath, usse phirse milne aayein tub wah use dekh kar attyanth
prasann hog aye, wah ek shudh Sant ki bhaathi apna jeevan bitha raha tha, jub Narad
muni ne use pukara toh wae aashcharyachakit reh gaye kyoki wah unki taraf kuudh
kuudh k aa raha tha…. Karan puchne pe usne bataya ki wah marg mein padti hui
cheetion se bach raha tha…taaki ve uske pao talein na aa jaayein…

Yahi toh hai Sadhu Sang ka mahatva.

Arjun (softly, still processing):
Kya sach mein… ek Mrigari jaise shikari ko bhi… itna badlaav mil sakta hai?

Madhav (gently nodding):

Milta hai, jab bhakti ke beej dil mein padte hain... aur shraddha se secha jaata hai.

Arjun:
Par bhakti toh sab karte hain na… phir sab mein aisa parinaam kyun nahi hota?

Madhav (smiles knowingly):

Kya sab sach mein karte hain bhakti?
Ya kuch log sirf dikhawa karte hain?
Kisi ki pooja toh shuddh dil se hoti hai... aur kisi ki sirf shabd aur shringar se.

Arjun (intrigued):
Aap kehna chahte ho ki… bhakti ki Parichay sab mein bhinn hoti hai?

Madhav:
Bilkul.
Aur isiliye Krishna ne sadaa hriday ki shuddhta ko dekha hai — na ki vyakti ka pad,
gyaan, ya dikhawa.

Arjun:
Toh kya aisa koi udaharan hai jahan... ek gyaani haar gaya ho… ek seedhe-saadhe
insaan se?

Madhav (with a glint in his eye):

Haan... ek brahmin tha — shastron ka mahan gyaata.
Aur ek mochi — jeevan bhar chamde se juda, par mann se bhagwan se juda.

Arjun (leaning in):

aage kya hua?

Madhav (smiling):
Toh Suno Kya Hua Tha ekdin..
(Lights dim slowly again. Soundscape shifts to a village backdrop — birds chirping, a
gentle breeze. Stage splits — one side with a pandit’s tidy hut with scriptures; the other,
a mochi’s humble corner with tools and Tulsi plant. The scene prepares to portray both
characters simultaneously.)

SCENE 4:
Narad Muni:
Narayan Narayan,he Brahman dev. Aapka mukha mandal to prakashmaan ho raha
hai. Kya vishesh anushthan chal raha hai?

Brahman (haath jodte hue, ghamand mein):

Swagat hai Narad Muni. Main to nitya ved paath aur sandhya vandan mein lipt rehta
hoon.
Ki Kub Prabhu K darshan Ho…

Narad Muni (muskarate hue):

Main Vaikunth lok jaa raha hoon, prabhu Narayan ke darshan hetu.

Brahman (utsuk hokar):

Vaikunth?! Wah! To ek kripa kijiye... prabhu se puchhiyega ki main kab mukti
paunga?

Narad Muni:
Zaroor puchhoonga. Aapka sandesh main prabhu tak pohochaa doonga.

Brahman (garv se):

Main to hardin niyam se snan, sandhya, jap, tap sab karta hoon. Ab to Vaikunth
nishchit hai!

Narad Muni:Thik hai mai chalta hu, Narayan Narayan!

Mochi: hare krishna Hare Krishna…

Narad Muni:
Narayan narayan,Aapka bhaav dekha, to mann prasann ho gaya. Itni shanti to
devlok mein bhi mushkil se milti hai.

Mochi (turant uthkar jhukta hai):

Narad Muni! Aapka aagman mere jaisa paapi ke liye to punyafal hai.

Narad Muni:
Haan mochi, Bhagwan Narayan ka darshan karne jaa raha hoon.

Mochi (vinamr bhav se):

Mere prabhu se bas ek baat keh dena – main kab mukti paaoonga, yeh puchh
lena. Main to bas yeh janna chahta hoon ki unki kripa mujh par kab hogi.
 Narad Muni (aankh mein aansu le aate hain):
Zaroor bhakt. Main tumhara sandesh lekar avashya pohuchaunga..

🎬 Scene 2: Vaikunth Dham – Vishnu Bhagwan ke saamne

(Chamakta hua Vaikunth ka set. Bhagwan Vishnu asan par virajmaan hain. Narad
veena bajate hue pravesh karte hain.)

Narad Muni (pranam karte hue):

Narayan Narayan! Prabhu, prithvi lok ke do bhakton ka sandesh laaya hoon. Ek
Brahman, doosra ek mochi. Dono puchhte hain – unki mukti kab hogi?

Mujhe toh lagta hai brahman is k lia purn yogya hai

Bhagwan Vishnu (muskurate hue):

Narad, tumne dono ka hriday dekha? Nahi na?
To suno – mochi to is janm ke baad mere paas aa jaayega.
Aur Brahman… use to abhi kai janmon tak prithvi mein bhatakna padega.

Narad Muni (chakit hokar):

Par prabhu! Brahman to ved paath karta hai, niyam se jeeta hai. Aur mochi to ek
sadaran vyakti hai.

Bhagwan Vishnu (komal swar mein):

Narad, gyaan bina vishwas vyarth hai. Tum wapas jao. Jab ve tumse puchhein –
“Bhagwan kya kar rahe the?”
To kehna –
“Prabhu ek haathi ko sui ke chhed se piroh rahe the.”
Tab tum khud jaan jaaoge kaun sacha bhakt hai.

🎬 Scene 3: Brahman ke saath punah mulaqat

(Brahman aangan mein dhyan lagaakar mantra jap kar raha hai. Narad aate hain.)

Narad Muni:
Namaskar Brahman dev. Prabhu ke darshan karke wapas aaya hoon.

Brahman (utsuk hokar):

To kya kaha prabhu ne? Main kab Vaikunth aa raha hoon?

Narad Muni:
Prabhu ne kaha – abhi kai janm baaki hain aapke.
 Brahman (jhatka kha kar):
Kya?! Yeh to anyaay hai! Main to brahmacharya palan karta hoon, vedon ka gyaan
rakhta hoon!

Narad Muni:
Prabhu ne yeh bhi bataya – jab main gaya tha tab wo ek haathi ko sui ke chhed
se piroh rahe the.

Brahman (haansi udate hue):

Kya parihaas hai! Aisa upahaas aapko shobha nahi deta? Haathi aur sui?! aapmuje
mujhe murkh samajhte ho?

Narad Muni (mann mein):

Yeh gyaan nahi, ahankaar bol raha hai...

🎬 Scene 4: Mochi ke paas wapas

(Mochi mandir ke paas baitha hai, bhajan gaa raha hai – “Govind bolo, Hari Gopal
bolo…”)
Narad Muni aate hain.)

Narad Muni:
Narayan Narayan.

Mochi (aankhen chamak jaati hain):

pranam Narada muni !Aap sach mein Vaikunth gaye the?

Narada : haan mochi!

Mochi: Kya kar rahe the mere prabhu?

Mujhe to bas unka naam sunke hi anand ah jata hai!

Narad Muni (muskurakar):

Unhone kaha – tumhari mukti is janm ke baad hi ho jaayegi.

Mochi (aankhon mein aansu ke saath):

Yeh to meri jeevan ka sabse bada sammaan hai, Narad muni.
Prabhu ne mujhe yaad kiya…

Narad Muni:
Aur jab main gaya tha, prabhu ek haathi ko sui ke chhed se piroh rahe the.

Mochi (kandhon tak haath jodkar):

Kya baat hai! Mera prabhu kya nahi kar sakta! Wah!
Narad Muni (hairan):
Tumhe vishwas hai?

Mochi (haaste hue):

Narad muni, main to is vat vriksh ke neeche baithkar dekhta hoon – har beej mein
ek bada vrikhs chhupa hota hai.
Jab Prabhu ek chhoti si guthli mein poora vat vriksh samaa sakte hain, to haathi ko
sui se pirohna kya mushkil hai?

Narad Muni (bhavuk ho kar): naaraayan naaaaraaayan…

Tum hee sacha bhakt ho. Tumhara prem aur vishwas hi tumhe prabhu tak le
jaayegaaa, mochi… tum dhannyaa ho..

SCENE 5:

Madhav: :Madhav (gambhir aur bhaavuk swar mein): “Sadhu Sanga” ka arth sirf
sadhu ki moorti dekhna nahi...

Balki unke hriday se judna hai — jahan Krishna naam ki jyoti jalti ho, Aur jahan
prema aur daya ki ganga behti ho.

Aaj aapne dekha — Mrigaari jaise paapi ka jeevan ek sadhu ke sang se badal
gaya...

Aur ek mochi ne prem aur shraddha se Bhagwan ko prapt kar liya, Jabki ek gyaani
braahman, apne ahankaar ke kaaran, mukti se door reh gaya.

Yeh sabhi kathaayein humein yaad dilati hain — Bhagwan pad, jaati, aur gyaan nahi
dekhte… Wo to shuddh hriday dekhte hain.

Aur isiliye, Janmashtami jaise pavitra avsar par, Jab poora jagat Shri Krishna ke
janmotsav mein ramta hai, Tab hum sabke liye bhi ek naya janm sambhav hota hai
— Bhakti ka janm, parivartan ka janm, atma ke nayi yatra ka aarambh.

Aaj raat sirf Krishna ka janm nahi manayein... Apne andar bhi ek nayi chetna ka
janm hone dein. Kyuki jis tarah Krishna ne andhakaar ke beech Mathura mein janm
liya, Waise hi aaj unka prakash hamare hriday ke andhkaar ko bhi chhed sakta hai,
Agar hum unka naam lein, seva karein, aur sadhu sanga mein judein.

To rukiye… Yeh drama ek prarambh tha, ant nahi.

Agle ansho mein aapka jeevan bhi ek kahani ban sakta hai… Krishna ke prem se
bhara hua ek jeevant charitra.
Aur ab, Jo bhakti ka beej aapke mann mein boya gaya hai, Usmein aur jal dene ke
liye , kya aap sub taiyaar hai, shuddhi k lia , chetna k lia parivartan k lia, toh sub
bolia mere sath

Hare krishna hare krishna krishna krishna hare hare hare rama hare rama rama
rama hare hare (Kirtan zor se bajta hai – “Hare Krishna Hare Krishna Krishna
Krishna Hare Hare...” Audience claps, lights fade out slowly.)