MMEYAKANYI: NGOETJANA M.
A
DITLOŠABODUTU – MOROPA M.S.
Thagaletswalo - ngwana wa mathomo wa mošemane ka lapeng
Leitšibulo - ngwana wa mathomo ka lapeng
Potoketša - go bolela ka bokgwari
Ntshororo - boso bja go tiba, boso bja go phadima
Pshenene - go se apare diaparo, go Ponoka, go ponapona
Mekhwamelo - tša go tšwara tša ka gare
Tabakgolo/ Kgwekgwe
Go retwa moswa wa maikemišetšo/ bokamosong bja gagwe, yo a
tšeetšego a fetišiša.
Kakaretšo
Sereto se ke thetotumišo yeo e retago ngwana/ moswa yo a bego a na le
maikemišetšo
bophelong a tsena sekolo
Mohuta wa sereto
Seretotumišo sa segologolo.
Se latela fomula ya thetotumišo ya segogolo ya thumo ya: Ke tšhaba
mediti
Tshekatsheko ya sereto
Sebopego sa ka ntle sa sereto
Methalotheto
o Sereto se se bopilwe ka methalotheto ye 41
o Sereto se se se bopilwe ka methalotheto ye mekopana, ya magareng le
ye metelele.
Ditemanatheto
Sereto se se bopilwe ka ditemanatheto tše 4 tša go bopega ka tsela ye:
o Temanatheto ya 1 - Metalotheto ye 8
o Temanatheto ya 2 - Methalatheto ye 8
o Tematheto ya 3 - Methalotheto ye 8
o Temanatheto ya 4 - Methalotheto ye 17
Matseno
Sereto se se na le thekniki ya tlogelo mo go matseno go ya ka dinyakwa
tša thetotumišo ya
segogolo. Sereto se ga se sa tšea fomula ya matseno a sereto sa
thetotumišo ya
segologolo.
Kelelothalo
Mehlala:
Methalotheto ya 6 le 7
Lethabo ya ba nyakalalo –
Nyakalalo ya go thabela leitšibolo,
Methalotheto ya 17 le 18, 19 le 20
Ngwageng wa seketemakgolosenyanemasomeseswaitlhano
Senatla ntshororo leitšibolo lekgeswa,
Motho wa kgobe kgoši ya Majeremane –
Ya ba lethabo go Ngwato Morwakgomo,
Poeletšothomi
Mehlala:
Methalotheto ya 21 le 22, 23 le 24
Ke Selauwane Phathudi selaolamekome.
Ke thabangkamoka batho re thabile,
Go hlokege le wa mmapelwanasekgopi,
Go hlokege le wa go bona kwata leihlong.
Methalotheo ya 39 le 40
A tloga a tšhaba a šiile mekhwamelo,
A šiile digale mosega’thaba Leolo.
Poeletšothomi ya sekafoko
Mohlala:
Methalotheto ya 23 le 24
Go hlokege le wa mmapelwanasekgopi,
Go hlokege le wa go bona kwata leihlong.
Poeletšo ya senoko
Mehlala:
Mothalotheto wa 1: Ngwageng wa
seketemakgolosenyanemasomeseswaitee
Mothalotheto wa 17: Ngwageng wa
seketemakgolosenyanemasomeseswaitlhano
Kgokanyi/ Tlemanyithalo
Mehlala:
Methalotheto ya 6 le 7
Lethabo ya ba nyakalalo –
Nyakalalo ya go thabela leitšibolo,
Methalotheto ya 28 le 29
Ke mogwera wa Chubane le Morwamotšhe,
Morwamotšhe wa malawa Maroteng,
Seka
Mohlala:
Mothalotheto wa 3
E wele kalana Madibeng a badimo - go belegwa/ go begwa
Leswao la thaladi (-)
Mohlala:
Methalotheto ya 6 le 7
Lethabo ya ba nyakalalo –
Nyakalalo ya go thabela leitšibolo - Go hlaloša kgopolo ya gore
lethabo le le be le hlolwa ke eng
Thumo
Sereti se dirišitše fomula ya mafetšo ya thetotumišo ya segologolo e le
go:
Ke tšhaba mediti thobela!
Moya wo o fokago seretong
Go foka moya wa lethabo.
Sereti se thabišwa ke seo Kubjane e le go sona, bohlale bja gagwe, go ba
le mabjoko ga
gagwe le go ba le maikemišetšo ga gagwe bophelong.
Maikutlo a sereti
Maikutlo a lethabo.
Sereti se thabišwa ke seo Kubjane e le go sona, bohlale bja gagwe, go ba
le mabjoko ga
gagwe le go ba le maikemišetšo ga gagwe bophelong.
Molaetša
Sereti se re hlohleletša go re ge o le motho o swanetše gore o be le
maikemišetšo
bophelong. Ge o filwe mabjoko a šomiše ka bokgwari. Dira go fetiša
bao ba tlilego pele ga
gago (Ya lata e a fetiša).
