Script 1: Mehangai Se Pareshan Mahila Location:

Local Market Characters: Interviewer, Frustrated Woman

Scene 1 - Introduction

Interviewer: (Approaching a woman shopping for groceries) Namaste, madam! Aaj kal
mehngai kitni badh gayi hai, aap kya sochti hain?

Woman: (Frustrated) Haan, mehngai toh aasmaan chhune lagi hai. Har cheez ki
keemat din-ba-din badh rahi hai. Ghar chalana kitna mushkil ho gaya hai!

Interviewer: Bilkul sahi kaha aapne. Mehngai ke chalte sabko apne kharche
sambhalne padte hain. Aap kitni bachat kar paati hain?

Woman: Bachat? Ye kya hota hai? Iss mehngai ke zamane mein bachat to ek sapna
reh gaya hai.

Interviewer: Nahi matlab agar kharche thode kam ho, to bachat to hogi hi?

Woman: Dekhiye, sabhi zaroorat ke kharche hain. Bijli, paani, khana—ye sab to dena
hi padega. Aur inn sab ke baad kuch nahi bachta bas agle mahine ke intezaar karna
padta hai ki salary aaye. Aur bich mein koi zarurat aajaye toh logon se mangna padta
hai.

Interviewer: Sahi baat hai, lekin aapko pata hai, aap bijli ke bill ko lagbhag zero kar
sakti hain?

Woman: (Mockingly) Zero? Bina bijli ke toh mombattiyon mein rehna padega!

Interviewer: (Laughing) Nahi nahi, mera matlab hai agar aap apne ghar par On-Grid
Solar System lagati hain, toh aapka bijli ka bill lagbhag zero ho sakta hai.

Woman: (Surprised) Yeh kaise possible hai?

Interviewer: Haan, On-Grid Solar System lagane se aap apna bijli ka paisa bacha sakti
hain, aur jo paisa bachega, use aap aur bhi zaroori kaamon mein laga sakti hain. Na
mangne ki tension, na bachat ki.

Woman: Hai to bahut accha!

Interviewer: Government schemes bhi hain jo ismein madad karti hain.

Interviewer: Dhanyawaad madam, aapka samay dene ke liye! Aapse baat karke bahut
accha laga, aur hum aasha karte hain ki aap jald se jald bachat karna shuru karein.

Script 2: Petrol se pareshan

[Scene: A busy street, a man is riding his petrol scooty. The interviewer
waves at him to stop. The man pulls over.]

Interviewer: Bhaiya, kuch sawal puchne hain aapse.

Man: Puchiye?

Interviewer: Kya naam hai aapka aur kya karte hain?

Man: Ji, naam Rajesh hai. Sales mein hoon.

Interviewer: Accha, fir to kaafi baar travel karna hota hoga?

Rajesh: Ji, karna padta hai.

Interviewer: Petrol bhi kaafi lagta hoga?

Rajesh: Mat puchiye bhaiya, haalat kharab ho jaati hai. Jitna kamate nahi, utna to petrol
mein chala jaata hai.

Interviewer: Toh kuch samadhan socha hai apne?

Rajesh: Nahi, ab majburi hai. Kharch toh karne padenge.

Interviewer: Nahi, kharchon ko kam bhi toh kiya ja sakta hai? Ya savings ka?

Rajesh: Bhaiya, sab ekdum zaruri kharche hain. Rent, bijli, travel, apne liye kuch
bachta nahi, save kya karein.

Interviewer: Sahi baat hai aapki. Kafii pareshan lg rhe hain aap? Ek samadhan deta
hu, bijli ka bill mat bhariye.

Rajesh: kya baat kr rhe hain bhaiya? Andhere mein rhenge ab?

Interviewer: Nahi nahi, bijli ayegi bas bill nahi bharna padega apka,

Rajesh: Kaise?
Interviewer: Aap solar energy ke baare mein kya jaante hain?

Rajesh: Haan, suna toh hai maine, lekin zyada jaankaari nahi hai.

Interviewer: Agar aap solar panels lagwa lein, toh aap bijli ka bill zero tak la sakte hain.
Aur sarkar bhi subsidy deti hai solar installations par.

Rajesh: (interested) Kaise bhaiya?

Interviewer: Solar panels se aap apni bijli ki zaroorat kaafi had tak solar energy se
poori kar sakte hain. Jo paisa aap bachaate hain, usse aap petrol ke kharche mein use
kar sakte hain ya phir savings kar sakte hain.

Rajesh: (thinking) Haan, yeh toh achha idea hai. Main iske baare mein sochunga.

Interviewer: Yeh bhi sochiye, jo paisa bachega usse aap apne bachon ki padhai par
kharch kar sakte hain, ya phir dusri zaroorat ki cheezein kharid sakte hain.

Rajesh: (smiling) Bilkul, main zaroor is par gaur karunga.

Interviewer: Jaan ke accha laga aapke baare mein. Milenge phir.

Rajesh: Thank you, bhaiya!

Script 3: Future ki chinta

[Scene: Two friends sitting on a bench in the park. Friend 1, Ravi, greets Friend 2,
Ramesh, who seems a little down.]

Ravi: Kaisa hai, yaar?

Ramesh: (low tone) Theek hoon bhai, tu bata.

Ravi: Kya hua? Pareshan lag rahe ho.

Ramesh: (sighs) Haan yaar, kuch samajh nahi aa raha. Mera beta 5 saal ka ho gaya
hai. Jaise-jaise uski classes badh rahi hain, waise-waise kharche badh rahe hain. Abhi
toh bas shuruat hai, future ke baare mein soch ke hi pareshan ho jaata hoon.

Ravi: (nodding) Haan, Jab bacche bade hote hain na, toh har cheez ka kharcha badh
jaata hai.

Ramesh: Pehle socha tha thoda save karenge, vo bhi ni ho pata, ab lagta hai future ke
kharchon ka kya hoga. Tuition fees, sports classes, aur baaki expenses, sab kuch
badhta hi jaa raha hai.
Ravi: (thinking) Samajh sakta hoon yaar. Bacche ka future secure karna sabse zaroori
hota hai, lekin tumne apne kharchon ko thoda control karne ka socha hai?

Ramesh: (frustrated) Sab zaroori cheezein hain, bijli, rent, grocery, sab kuch ka dhyaan
rakhna padta hai. Toh savings kaise karoon?

Ravi: (casually) Tumne socha hai apne bijli ke bill ko kam karne ka?

Ramesh: Bijli ka bill? Kaise?

Ravi: (lightly) Are, solar panels lagwa lo. Vo apne bagal wale sharma ji hai na? Unhone
lagwaya hai, Solar se unki bijli ka bill almost zero hohogya hai. Tum bhi karo aur Jo
paisa bachaoge, usse tum apne beta ke future ke liye save kar sakte ho.

Ramesh: (surprised) Solar? Dekha toh hai, lekin kabhi seriously nahi socha tha.

Ravi: Bhai dekho, tmhara khud ka ghar hai, badi family hai, lekin limited salary hai, and
+ bacchon ka future, to tmhe koshish krni chaiye ki tum jada se jada expense cut kro,
baki kharche to jaruri hai, lekin sabse bada kharcha tmhare bijli pr jata hai, solar se
tumhara bijli ka bill kam hoga aur jo paisa bachaoge, usse future ke kharchon ko
manage karna aasan hoga. Tumhare paas extra paise honge jo tum apne beta ki
education, sports, ya koi aur zaroorat ke liye use kar sakte ho.

Ramesh: (thinking) Yaar, tera idea accha lag raha hai. Agar bijli ka bill kam ho jaaye,
toh thoda paisa bacha sakte hain. Future ke liye tension thodi kam ho jayegi. Main is
baare mein sochunga.

Ravi: (smiling) Haan, zaroor sochna. Tumhare liye accha hoga!

Ramesh: (grinning) Thanks bhai, to hmesha help krta hai.

Ravi: (laughing) Bhai hum dost kiss baat ke hain?

Ramesh: Haha, Haan bhai!

[Scene ends with Ramesh smiling, feeling more hopeful about managing his
future expenses with the savings from solar energy.]