Indian Navy Ka Naya MULTI PURPOSE VESSEL
Dosto jaisa ki aap jaante hai ki 14 October ko L&T ke Kattupalli Shipyard me Indian Navy ke naye
Multi Purpose Vessel INS Samarthak ko launch kiya gaya hai. Ye ship Indian Navy me
commission hone wali apni type ki pahli ship hogi joki Indian Navy ko nayi capabilities dega. Isliye
aaj ke iss Guarding India video me hum apko Indian Navy ki Nayi Multi Purpose Vessel INS
Samarthak ki sabhi capabilities ke baare me detail me batayenge. To start karte hai phir.
Indian Navy ke Multi Purpose Vessel ke baare me baat karne se pahle mai apko ye bataunga ki
Multi Purpose Vessel kya hote hai aur inka kya kaam hai. Multi Purpose Vessel ko Navy ne MPV
kaha jata hai. Koi bhi Naval ship ek main role aur kai secondary roles ke liye banaya jata hai jaise
ki Indian Navy ka Visakhapatnam-class destroyers ek Guided Missile Destroyers hai joki enemy
ships ko destroy karne ke saath hi baki ships ko 100 km rane wali Barak-8 missile ka use karte
huwe Air Defence bhi provide karate hai. Indian Navy ke Kamorta-class corvette mainly anti-
submarine role ke liye bane hai wahi Deepak-class fleet tanker baki ships ko refuel karne aur
resupply karne ke liye kiya jata hai.
Ek Multi Purpose Vessel yani MPV ek saath bina kisi modification ke kai role me kaam kar sakta
hai jiske chalte ek saath kai ships ka kaam kar sakti hai jaise maritime surveillance, patrolling aur
recovery task bhi kar skati hai. Ab mai apko Indian Navy ke naye Multi Purpose Vessel ke baare
me batunga.
Defence Ministry ne 25 March 2022 ko Indian Navy ke liye L&T Shipyard ko 2 (do) Samarthak-
class Multi Purpose Vessel yani MPV ka order diya tha. Iss deal ki total cost 887 crore hai yani ek
ship ki cost sirf 445 crores rupees hai. Samarthak-class Multi Purpose Vessel ke pahle ship ka
naam INS Samarthak aur dusre ship ka naam INS Utkarsh hoga.
Samarthak-class MPV ka weight 3,750 tons hai. Iski length 106 meters aur width 16.8 meters ahi.
Iss ship me 2 x disel engine lage honge joki isse 15 knots yani 28 kilometers per hour ki speed
dete hai. Ek baar me Samarthak-class MPV 4,500 Nautical Miles yani 8,300 kilometres tak ki
range cover kar sakta hai.
Iss ship me Navigation radar, Surface search radar, surveillance radar aur fire control radar lage
honge. Isme ye satellite communication, Radio communication, Electronic Warfare and Decoy
system aur Kavach anti-missile decoy system lage honge hai. Ye sabhi system Indian honge aur
inhe Bharat Heavy Electricals Limited yani BHEL banayegi.
Ab baat karte hai Samarthak-class MPV ke weapons ki. Mai apko ye batana chahunga ki
Samarthak-class MPV me short range weapons ka use kiya jayega kyoki Samarthak-class MPV
war me baki ships ke saath deploy kiye jate hai.
Iss ship ka sabse bada weapon hoga isme lagi 2 (do) CRN-91 30mm guns jiski range 4 kilometres
hoti hai aur ye 550 rounds per minutes tak fire kar sakti hai.
Samarthak-class MPV ka dusra sabse bada weapon hai isme lagi 2 (do) 12.7 mm SRCG guns
remote controlled guns jiski range lagbhag 2 kiloleters tak hoti hai.
Apne Air Defence ke liye Samarthak-class MPV me VSHORAD surface to Air Missile lagi hogi.
Infact, VSHORAD missile ka use karne wala ye Indian Navy ka pehla ship hai. VSHORAD 6
kilometers tak ki range me aur 3500 meters ki height tak fly kar rahe kisi bhi target ko destroy kar
sakti hai.
Anti-submarine warfare ke liye isme 2 (do) 533 mm torpedo tubes lagi hoti hai joki Varunastra
autonomous heavyweight anti-submarine torpedo fire karti hai. Iske alawa isme ek RBU-6000 anti-
submarine rocket launcher laga hota hai Joki 5500 meters tak ki range me kisi bhi submarine ko
destroy kar sakti hai.
Iss ship me ek helicopter landing dock hota hai jissme HAL Dhruv Mk III ka Naval version laga
hoga joki anti-submarine operations, search aur rescue operations karega.
Ab baat karte hai Samarthak-class MPV ki capabilities ki. Samarthak-class MPV ek multi-role ship
hai jisme bahut saare space khali hoga. Jisske chalte isme plug and play capability hogi yani kisi
bhi equipment ko iss ship me assani se fit karke Samarthak-class MPV ki capability badhayi ja
sakti hai. Issi liye Samarthak-class MPV ek saath bahut saare roles ko perform kar sakte hai. Ab
mai apko iski sabhi roles ke baare me bataunga.
No 1. Testing New Weapons. Samarthak-class MPV ka use DRDO ke banaye huwe
naye weapons ko test karne me kiya jayega. Abhi kisi bhi Naval weapon ko test karne ke liye
DRDO ko Indian Navy se Warships ke liye request karti hai phir inn ships ko weapon test ke liye
modify karte hai. Poori testing duration me ye warship navy ke operations nhi kar skate hai.
No 2. Controlling Unmanned Underwater Vehicles. Unmanned underwater
vehicles ko UUV kahte hai. UUV kai tarah ke hote hai joki underwater mines ko destroy karne ke
liye, anti-ship aur anti-submarine warfare ke liye, deep-sea exploration aur research ke liye use
hote hai. Samarthak-class MPV me latest Unmanned underwater vehicles ka use kiya jayega.
No 3. Humanitarian Assistance and Disaster Relief yani HADR mission. HADR
mission me cyclone relief, flood relief aur natural disaster relief jaise mission aate hai. Inn sabhi
operations ka aim peacetime me civilians ki help karna hota hai.
No 4. Hospital Ship. Iss ship me kai operation theatre honge joki jaroorat padne par
war me humare sainiko ko ya HADR missions me civilians ko medical treatment provide karenge.
No 5. Logistics Support. Ye ship baki ships ko logistic support jaise spare parts,
food supplies aur fuel bhi provide kar sakega. Iss role me ye ek saath 3 – 4 ships ko 10 se 20 din
tak support dekar unki operations ki duration badha dega.
No 6. Salvage Operations. Ye ship maritime salvage yani sea me gire huwe aircrafts
ko nikal sakegi aur sea me phase huwe ships help kar sakegi. Iske alawa ye ship diving
operations bhi support kar sakegi.
Ab baat karte hai Samarthak-class MPV itana important kyo hai.
INS Samarthak Private sector ke L&T Shipyard ka banaya huwa pehla bada Warship hai joki India
ki shipbuilding industry ke liye ek badi acchi news hai. Itna hi nhi iss ship ke sabhi systems,
weapons aur sensors bhi India me bane hai aur issi liye ye India ke ‘Aatmanirbhar Bharat’ and
‘Make in India’ initiative ka bahut hi accha example.
Dursi taraf ye Indian Navy ke liye bhi acchi news hai kyoki future me Indian Navy ko Chinese Navy
ko face karne ke liye bahut saare ships ki jarrorat hai jinke order Government Shipyards nhi
complete kar sakte hai aur Private Sector Shipyards ko aur bhi Indian Navy Warship produce
karne ke order dena padega.
Finally, Team Guarding India ki taraf se mai itna hi kehna chahunga ki Samarthak-class MPV ka
launch Indian Navy ke liye bahut acchi news hai. Hum ye umeed karte hai 2025 tak INS
Samarthak Indian Navy ko mil jayega jisse Indian Navy ki multirole capabilities aur badh jayegi.
Isi ke sath is video ko hum yaha par end karte hai, video agar acchi lagi ho to video ko like, share
aur channel ko subscribe karna mat bhooliyega. Hum isi tarah aapke liye defence related videos
laate rahenge, Milte haii aapse jald hi ek nayi video me, Jai Hind.
