AUIVI O LE FOLASAGA

 O le va tapui poo le va fealoa’i ma lona uiga faigofie.

 O le va tapuia i le Tusi Paia ma ona aafiaga.
 O vaega e tausia ai le va tapuia
 O ni faata’ita’iga o nisi o va tapuia e tatau ona tausia.
 O galuega poo matāfaioi a tagata taitoatasi.
O le va fealoai male va tapuia.
 O le va, i le gagana faigofie, o le avanoa, o le va o le isi mea
ma le tasi. Peita’i, o le va fealoai, o le va e faaaloalo ai le isi
tagata i le isi tagata. O le va e alo mai, alo atu, e mafua ai le
upu fealoa’i, e faafesagai ma fealoaloa’i.
 Afai loa o le a tautala i le va, e tusa ma le faaafeagai ai ma le
faatinoga e le tagata soifua i ona tafa e fia, ona mautinoa
lelei ai lea, e faalagolago le ta’uleleia poo le ta’uleagaina o
soo se tagata ola, i lona tausiga o le va.
 O le va tapuia, o lona uiga o le va ua tapu, po ua faasaina. O
le va e mamala, a solia e se tagata, e iai ona taunuuga. A
lelei ona tausia, e taunuu i taunuuga lelei, a faaletonu foi
ona osiosi, e taunuu foi i masei ma le malaia.
Faaauau…
 O le molimau a le tusitala o Kenese i le Tusi Paia, na
soli loa e Atamu ma Eva lo latou va tapuia ma le Atua,
tanuu loa i le tanuuga e malaia.
 Ft..1«Ua fetalai atu o ia i le fafine, Oute matuā
faateleina le tiga o lou ma’i to; ete fanau mai tama ma
le tiga, e uai atu lou manao i lau tane, e pule foi o ia ia
te oe.
 Ua taunuu i le taunuuga le lelei talu lona soli o le va
tapuia ma le Atua, e ala i le lē usitai ma faalogo.
Faaauau….
 Ft..2 «O le mea lea, Atamu, ua malaia ai le laueleele ona o
oe; ete ‘ai ai ma le tigā i aso uma o lou ola. E te ‘ai foi au
meaai male afu o ou mata.
 Ua taunuu foi i le isi taunuuga lē manuia, talu lona soli o le
va tapuia ma le Atua.
 O lona uiga, e taua tele le tausia lelei o le va fealoai ma le va
tapuia, e le gata o le va tagata, ae faapena foi ma le Atua.
 «Pe afai e faapea mai se tasi, oute alofa i le Atua, ae inoino i
lona uso, o le pepelo lava ia. Auā o le lē alofa i lona uso ua ia
vaai atu iai, e le mafai ona alofa o ia i le Atua, ua ia le vaai
atu iai.
Faaauau….
O le tala ia Feepo ma lona atalii o Leatiogie. O loo
manino ai le tausia lelei e le atalii o lo va ma lona tama,
na mafua ai ona ia maua manuia ma le faaeaina.
Sa faatino le tautua a le atalii I le atoaga o lona malosi
atoa, o le ala lea sa maua ai ona manuia ma manumalo
faaagatama na auai atu iai.
O lona uiga, a tausia lelei le va, e i’u I le manuia ma
maua le fiafia.
Faaauau……
 O le va tapuia i le aganuu Samoa, e osiosi i le amio
pulea male aga faatamalii poo le faaaloalo. E fanau mai
ai le alofa ma le tausiga o le filemu. Soo se aiga Samoa
e tāua le puipuiina o le va ma isi tagata nei fesopoa’i,
ona satia lea o le va fealoai ma iu ina masofa ai le fa. O
nisi nei o va tapuia e ao ina faapelepele ma tausia lelei
e tagata.
 1. Va o matua ma fanau
 2. Va o le tuagane male tuafafine
 3. Va o le matai ma lona auaiga
 4. Va o le tamalii male tulafale
Va o matua ma fanau
E iai le fuaitau faapea, “O tama a manu e fafaga i fuga o laau,
ao tama a tagata e fafaga i upu ma tala.” o le ala lea e faafailele
ma ‘ao’ao ai e matua Samoa latou fanau, I tu ma aga faaaloalo,
ae faapea foi I le faa-Kerisiano. E faatonu ma aoao ina ia
tautala faaaloalo, ava ma migao. E faatonu foi le tu, nofo,
savali ma isi amio faaaloalo e tatau ai. Faataitaiga:
 Aua ete tautala tu ma tagata.
 Aua le ai savali
 Aua le tautala ma mama.
Ma le anoanoai o tu ma aga e faasino ai e matua auā lava le
tulaga i le tausia lelei o le va fealoai. E le gata foi i lea, ae
faasino foi le tama male teine i ona nafa tauave.
Faaauau…
Faataitaiga
 O tama e fagogota (faa’ae le tai) ma fai maumaga
(gagau le vao)
 O teine e fai laufala ma lalaga fala, toga ma mea
taulima ma isi oloa ale aiga (faioa)
 E feagai foi tama ma le faiga o le suavai I tua o le tunoa,
ma galuega mamafa.
 O teine poo tamaitai, o latou lava ia o galuega māmā I
totonu ma fafo ane o fale.
faaauau
 O loo faamanino ma faamamafa mai foi e le Tusi Paia le
alagatatau ona tausia lelei e fanau o le va tapuia lenei.
Faimai le Tulafono e 5, “ ia e ava i lou tamā ma lou tinā ina
ia faalevaleva ai ou aso i le nuu o le a foaiina mai e le Alii
lou Atua iate oe.
 E ao foi ina ia malamalama le fanau, e iai taunuuga o le va
fealoai.
 O le lufilufiina (faasoa) o taumafa male gasesega o taumafa
mo matua, o ala ia e faamanuia mai ai matua i fanau.
 O le mala aumatuā, o le mala lea e oo i le tamaitiiti pe a
faaletonu i le tausiaina o le va tapuia lenei ma matua.
Va o le tuagane male tuafafine.
 E leai se eseesega o le tausiaina ole va tapuia o matua ma fanau, male
tausiaina o le va o le tuafafine male tuagane. E faaeteete ma ilitata iai le
tagata Samoa ona e iai ona tapu ma sa.
 O le ala lea e galue ai le tuagane e fai mea lelei mo le tausiga o le va
lenei aua e mamala.
 E ao ai foi i le tuagane ona ola ma oti mo le puipuiga o lona tuafafine
 O le mea uliuli i le mata o le tuagane lona tuafafine. O le mafuaaga lea
e mu ai mata o le tama tane mo lona tuafafine i le faataunuuina o lana
tautua, aemaise o le mataalia o lana puipuiga, ona o lona agaga
maualuga ia faaipoipo lelei lana feagaiga.
 O le measili foi ma lelei e fai e le tamaitai i lona tuagane aua lava le
sologa lelei o lo laua va nonofo. E iloa foi e le teine ona tautala faaaloalo
ma amio taupulea lelei, mo le tausiga lava o le nofo lelei I lo va ma lona
tuagane.
Va o le Matai ma lona Auaiga
 O le matai lelei e tutusa tagata uma o lona aiga i lana
vaai, e le sii le isi ae toso le isi
 O le matai, o ia lea o le tausi mea a lona aiga, ma e ao
ai lava ona ia tausia i le alofa male faapalepale lona
aiga
 Soo se matai e lelei lona va ma lona aiga, e filemu ma
fai mea lelei iai lona auaiga
 E le tatau ona faalogologo tiga pe vaavaai laumata, ae o
le va e tatau ona faamafanafana fesootai, ae le fesopoa’i
fesalaa’i.
Va o le Tamalii ma le Tulafale
O le saofaiga lenei a matai ua vavaeina i vaega nei e lua
1. Tamalii
 E na ona faamaepaepa lava ma faasa’osa’o i o latou pou i matuatala
 O isi igoa e ave i tamalii o Tapaa’u, Ma’opu, Aiga, Suafa, Feagaiga, Usoalii ma le
Matuaalii
2. Tulafale
 O le molitofa lea a tamalii aua e lauga i latou ae faamaepaepa lona alii se’i
vagana ua tootoo alii le aso, ona faatoa lagona lea le leo o le tamalii. O le
tulafale foi poo le nofoatula o loo manino o latou faalagiga e aofia ai upu nei;
Tulatoa, Tualamalae, Faleupolu, Failauga, Tootoo, Matua, Tuua ma isi faalagiga
faapena.
 O le va fealoai poo le feagai ai o le tulafale ma le tamalii o se tulaga aloa’ia i tu
ma aga a o tatou tagata
 O le tulafale i le faaleoina o le finagalo o le tamalii, a’o le tamalii na te teuina
lona tulafale pe a mae’a ona faaleo lona finagalo. E mafua ai upu a le atunuu e
faapea, “O MEA A TAMALii E PALA i TULAFALE”
Tulafale
 O le molitofa lea a tamalii aua e lauga i latou ae
faamaepaepa lona alii se’i vagana ua tootoo alii le aso, ona
faatoa lagona lea le leo o le tamalii. O le tulafale foi poo le
nofoatula o loo manino o latou faalagiga e aofia ai upu nei;
Tulatoa, Tualamalae, Faleupolu, Failauga, Tootoo, Matua,
Tuua ma isi faalagiga faapena.
 O le va fealoai poo le feagai ai o le tulafale ma le tamalii o se
tulaga aloa’ia i tu ma aga a o tatou tagata
 O le tulafale i le faaleoina o le finagalo o le tamalii, a’o le
tamalii na te teuina lona tulafale pe a mae’a ona faaleo lona
finagalo. E mafua ai upu a le atunuu e faapea, “O MEA A
TAMALii E PALA i TULAFALE”
Nafa
O lona uiga o galuega faatino, tiute tauave, matāfaioi,
tofiga, valaauina poo nafa e patino I sea tagata.
O le galuega foi, e faauau pea I aso uma o le soifua, ae le
na o se aso poo se vaiaso e faatino ai, ona tuu ai lea e le
toe faia.
Nafa o le Matai
 Pule faamalumalu : o lana pule e malu ai measina ma
tagata o lona aiga
 Faamatafaioi le Aiga : o ia na te faatonu ma faasoasoa
tagata o lona aiga i o latou tiute fai
 O le Ositaulaga : o ia e feagai ma le taitaiina o lona auaiga i
faigalotu i afiafi taitasi poo taeao foi.
 Fai ma Sui o le Aiga i le Fonotaga a le Nuu : na te faaleoina
finagalo o lona aiga i totonu o le nuu.
 Fai Tulafono ma Faasalaga : o latou nei e fausiaina le
saofaiga a matai i totonu o le nuu, o le saofaiga lena e
fausiain tulafono ma faasalaga
Nafa o Tamaita’i
 Fai ‘Oa : o latou e fausiaina le ‘oa o le atunuu e pei o le
lalagaina o falapapa, ietoga, falasu’a, tapito, falalilii ma
isi
 Pae ma le Auli : e faaleleia faafitauli ma tonu fai o aiga
ina ia maua le nofo fealofani o tagata o le aiga
 Taulasea : ia lelei i le faiva o le fofō o gasegase eseese
ole aiga ma lona nuu
 Faiaoga : aoao ma faatonutonu tamaiti o le aiga
 Faamatagofie: latou te faia le galuega o le teuteu ma
faamatagofie le fale, tafāfale, lumafale poo le malae.
Nafa o Taulele’a
 Tautua matavela : e mu mata I le tautuaina o le matai
ma lona aiga
 Tautua Upu : lelei le gutu I faalagiga ma le folafolaina o
faaaloalo
 Tautua Tuavae : tautua vae mo’emo’e , tautua vae oso
ma vave le gaioi e faatino le finagalo o le matai
 Tautua Toto : ola ma oti I le puipuiga o lona aiga ma
lona matai
 Tufuga : ia lelei I le faiva o faatufugaga, faugafale ma
vaa o mea e tua iai lona aiga