AL-WALAA WAL-BARAA

Allaah Ke Liye Dosti Wa Muhabbat Aur Allaah Hi Ke Liye

Nafrat Wa Dushmani Karne Ka Bayaan.

Allaah Ke Liye Muhabbat Aur Nafrat Karna Eemaan Ka Mazboot

Tareen Darjah Aur Mazboot Tareen Zanjeer Hai.
Agar Hum Qur-aan Aur Ahaadees Ko Saheeh Taur Par Padhengey Tou Hum
Ko Maloom Hoga Ke Yeh Ambiyaa Aur Salaf Saaliheen Ka Aqeedah Tha Jis
Ko Aaj Hum Ne Bhula Diya. Aur Iska Nateeja Hum Sab Ke Saamne Hai.
Taaleef : Abu Al-Hasan Al-Hindi (Hafizahullaah)
To download more Islaamic PDFS, search Ibn Aadam Archive on Google.

Or visit this link: https://archive.org/details/@ibn_aadam

----------------------------------------------------------------------------------------------------------

Muqaddimah (Introduction).
Alhumdulillaah Was-Salaatu Was-Salaamu ‘Alaa Muhammad (‫)ﷺ‬,

A’oozubillaahi Minash-Shaitaanir-Rajeem, Bismillaahir-Rahmaanir-Raheem.

1. Al-Walaa Ka Matlab Hai Allaah Ke Liye Dosti Wa Muhabbat Karna.

Isko Mawaalaat Bhi Kehte Hain.
2. Al-Baraa Ka Matlab Hai Allaah Ke Liye Kisi Se Nafrat Wa Dushmani
Karna. Aur Isko Baraa-at Bhi Kehte Hain.
Aur Yeh Donon Haqeeqat Mein Eemaan Ki Bunyaadi Sifaat Hain.
Allaah Se Muhabbat Ka Taqaaza Yeh Hai Ke Allaah Ke Ambiyaa Karaam Aur
Unke Itaa’at Guzaaron Se Muhabbat Kee Jaaye.
Isi Tarah Allaah Aur Uske Ambiyaa Karaam Ke Dushmanon Se Adaawat
(Dushmani) Rakhi Jaaye Aur Unke Naafarmaano Se Zyaada Se Zyaada
Bughz (Nafrat) Rakha Jaaye.

1
Islaami Aqeedey Ke Bunyaadi Usoolon Mein Se Ek Usool Yeh Bhi Hai Ke Har
Musalmaan Par Ahle Islaam (Eemaan Waalon) Se Muhabbat Rakhna Aur
Mukhaalifeen (Ya’ni Jo Islaam Ke Khilaaf Hai Unse) Dushmani Rakhna Waajib Hai.
Lihaaza Muwahhideen Wa Mukhliseen Se Muhabbat Jabke Mushrikeen Se
Dushmani, Aur Yeh Millat-e-Ibraaheemi Ka Ek Hissa Hai Aur Jo Log Un Par
Eemaan Laaye Unka Bhi Shewa Raha. Unhi Salaf Saaliheen Ki Pairvi Ka Allaah
Ne Humein Hukm Bhi Diya Hai. Jaisa Ke Farmaan ilaahi Hai :

“(Musalmaano!) Tumhaare Liye Ibraahim Mein Aur Unke Saathiyon Mein

Behtareen Namoona Maujood Hai, Jabke Un Sab Ne Apni Qaum Se Khuley Aam
Kehdiya Ke Hum Tum Se Aur Jin Jin Ki Tum Allaah Ke Siwa Ibaadat Karte Ho Un
Sab Se Hum Baraa-at Wa Bezaari Ka Elaan Karte Hain.

Hum Tumhaare (Aqaaid Ke) Munkir Hain. Hum Mein Aur Tum Mein Dushmani
Aur Nafrat Hamesha Ke Liye Zaahir Hogayi Jab Tak Ke Tum Ek Allaah Par
Eemaan Na Laao...” [Al-Mumtahina : 4]

Aur Yahi Zaabita Deen Muhammadi Ka Bhi Hai. Allaah Ne Farmaaya :

“Aye Eemaan Waalon ! Tum Yahood Wa Nasaara Ko Dost Na Banaao Woh Tou
Aapas Mein Hi Ek Doosre Ke Dost Hain. Tum Mein Se Jo Koi Unse Dosti Karega
Tou Phir Beshak Woh Bhi Unhi Mein Se Hai. Zaalimon Ko Allaah Hargiz Seedha
Raasta Nahi Dikhaata.” [Al-Maaidah : 51]

Is Aayat Mein Khusoosan Ahle Kitaab (Ya’ni Yahood Wa Nasaara) Se

Mawaalaat (Dosti) Wa Muhabbat Ko Haraam Qaraar Diya Gaya Hai, Jabke
Aagey Farmaan ilaahi Mein Amooman Tamaam Kuffaar Ki Muhabbat Aur
Hamdardi Ki Hurmat Aayi Hai: “Aye Eemaan Waalon ! Mere Aur Khud Apne
Dushmanon Ko Apna Dost Na Banaao...” [Al-Mumtahinah : 1]
Balke Allaah Ta’aalaa Ne Tou Muminon Par Kuffaar Ki Muhabbat Ko Haraam
Qaraar Diya Hai Chaahey Woh Kaafir Kitne Hi Qareebi Rishtedaar Hi Kyun Na Ho.
Farmaan ilaahi Hai: “Aye Eemaan Waalon ! Apne Baapon Ko Aur Apne Bhaaiyon Ko
Dost Na Banaao Agar Woh Kufr Ko Eemaan Se Zyaada Azeez Rakhein, Tum Mein Se
Jo Bhi Unse Muhabbat Rakhega Woh Poora Gunahgaar Zaalim Hai.”
[Soorah At-Taubah, Aayat : 23]

2
Musalmaan Aur Kaafir Baraabar Nahi Hosakte.
Jaisa Ke Allaah Ne Kaha: “Kya Woh Jo Mumin Hai Uske Misl (Jaisa) Hai Jo Faasiq
Hai ? Yeh Baraabar Nahi Hosakte.” [Soorah As-Sajdah]
Aur Ek Jagah Farmaaya: “Kya Hum Musalmaanon Ko Gunahgaaron (Ya’ni
Kaafiron) Jaisa Kardengey ?” Tumhe Kya Hogaya Hai Tum Kaise Faisley Karte
Ho.” [Al-Qalam : 35-36]
Bohat Saarey Log Is Azeem Usool Aur Qaaidey Se Naa Waaqif Hain, Ba’z
Logon Ko Main Ne Sunaa Jo Khud Ko Aalim Kehte Hain Aur Woh Kaafiron Ko Bhi
Hamaare Bhaai Ya Brother Kehte Hain” (Kitna Khatarnaak Jumlah Hai Yeh !)

Pas Jaisa Ke Allaah Ne Kuffaar Ki Muhabbat Ko Jo Aqeedah-e-Islaam Ke

Dushman Hai Haraam Kiya Hai, Wahin Ahle Eemaan Ki Muhabbat Ko Eham Aur
Waajib Qaraar Diya Hai. Farmaan ilaahi Hai :
“Allaah Aur Qiyaamat Ke Din Par Eemaan Rakhne Waalon Ko Aap Allaah Aur
Uske Rasool Ki Mukhaalifat Karne Waalon Se Muhabbat Rakhte Huye Nahi
Paaengey Chaahey Woh Unke Baap Ya Unke Bete Ya Unke Bhaai Ya Unke
Kumbey Qabeeley Ke Azeez Hi Kyun Na Ho.” [Al-Mujaadalah : 22]
Neez Allaah Ka Farmaan Hai: “(Musalmaano !) Tumhaara Dost Khud Allaah Hai
Aur Uska Rasool Hai Aur Eemaan Waale Hain Jo Namaazon Ki Paabandi Karte
Hain Aur Zakaat Adaa Karte Hain Aur Woh Rukoo (Khushoo Wa Khuzoo) Karne Waale Hai.

Aur Jo Shakhs Allaah Se Aur Uske Rasool Se Aur Musalmaanon Se Dosti Kare,
Yaqeen Maaney Ke Allaah Ta’aalaa Ki Jamaat Hi Ghaalib Rahegi.”
[Soorah Al-Maaidah : 55, 56]

Aur Allaah Ka Farmaan Hai: “Muhammad (‫ )ﷺ‬Allaah Ke Rasool Hain Aur Jo

Log Unke Saath Hain Kaafiron Par Sakht Hai Aur Aapas Mein Raham Dil Hain.”
[Soorah Al-Fath : 29]

Aur Farmaaya: “(Yaad Rakho!) Saarey Musalmaan Bhaai Bhaai Hain.” [Al-Hujuraat : 10]
Lihaaza Ahle Eemaan Deen Wa Aqeedey Ke Bhaai Hain. Chaahey Nasab Aur
Watan Aur Zamaana Wa Auqaat Door Aur Mukhtalif Hi Kyun Na Ho.

------------------------------------------**********------------------------------------------

3
Pehle Hum Un Aayaat Aur Ahaadees Ka Zikr Karengey Jis Mein
Allaah Ta’aalaa Ne AL-WALAA (Ya’ni Muhabbat Aur Dosti) Kis Se
Aur Kaise Rakhne Ko Kaha Hai ?
1. “(Musalmaano !) Tumhaara Dost Khud Allaah Hai Aur Uska Rasool Hai Aur
Eemaan Waale Hain Jo Namaazon Ki Paabandi Karte Hain Aur Zakaat Adaa Karte
Hain Aur Woh Rukoo (Khushoo Wa Khuzoo) Karne Waale Hain.” [Al-Maaidah : 55]

2. “Mumin Mard Aur Aurat Aapas Mein Ek Doosre Ke (Madadgaar Aur) Dost
Hain, Woh Bhalaayi Ka Hukm Detey Hain Aur Buraayi Se Rokte Hain Aur
Namaazon Ki Paabandi Karte Hain, Zakaat Adaa Karte Hain Allaah Aur Uske
Rasool Ki Itaa’at Karte Hain...” [At-Taubah : 71]
3. “Jo Log Eemaan Laaye Aur Hijrat Kee Aur Apne Maalon Aur Jaanon Se Allaah
Ki Raah Mein Jihaad Kya Aur Jin Logon Ne Inko Panaah Dee Aur Madad Kee Yeh
Sab Aapas Mein Ek Doosre Ke Dost Hain...” [Al-Anfaal : 72]
4. “(Yaad Rakho !) Saarey Musalmaan Bhaai Bhaai Hain Pas Apne Do Bhaaiyon
Mein Milaap (Sulah) Karaadiya Karo Aur Allaah Se Dartey Raho Raaki Tum Par
Raham Kiya Jaaye. Aye Eemaan Waalon ! Mard Doosre Mard Ka Mazaaq Na
Udaaein Mumkin Hai Ke Yeh Unse Behtar Ho Aur Na Auratein Auraton Ka
Mazaaq Udaaein Mumkin Hai Ke Yeh Unse Behtar Ho.
Aur Aapas Mein Ek Doosre Ko Ayb Na Lagaao Aur Na Kisi Ko Burey Laqab Do
Eemaan Ke Ba’d Fisq Buraa Naam Hai. Aur Jo Taubah Na Karein Wahi Log Zaalim
Hain.” [Al-Hujuraat : 10, 11]
5. “Aur (Unke Liye) Jinho Ne Is Ghar Mein (Ya’ni Madeena) Aur Eemaan Mein In
Se Pehle Jagah Banaali Hai Aur Apni Taraf Hijrat Karke Aaney Waalon Se
Muhabbat Karte Hain Aur Muhajireen Ko Jo Kuch Dey Diya Jaaye Isse Woh
Apne Dilon Mein Koi Tangi Nahi Rakhte Balke Khud Apne oopar unhein
Tarjeeh Detey Hain Chaahey Khud Ko Kitni Hi Sakht Zaroorat Ho (Baat Yeh Hai)
Ke Jo Bhi Apne Nafs Ke Bukhl Se Bachaaya Gaya Wahi Kaamyaab (Aur Baa
Muraad) Hai." (9)
“Aur (Unke Liye) Jo Inke Baad Aayein Jo Kahengey Ke, Aye Hamaare Rabb
Humein Bakhsh Dey Aur Hamaare Un Bhaaiyon Ko Bhi Jo Hum Se Pehle Eemaan
Laa Chukey Hain Aur Eemaan Daaron Ki Taraf Se Hamaare Dil Mein Keena (Aur
Dushmani) Naa Daal Aye Hamaare Rabb Beshak Tu Shafaqqat Aur Meharbaani
Karne Waala Hai.” (10) [Sūrah Al-Hashr : 9, 10]

4
 EK MUSALMAAN KO DOOSRE MUSALMAAN KE
SAATH KAISA REHNA CHAAHIYE?
1. Nabi (‫ )ﷺ‬Ne Farmaaya: "Ek MUSALMAAN Doosre Musalmaan Ka Bhaai
Hai, Uske Saath Khayaanat Na Kare, Usse Jhoot Na Bole Aur Usko Bey Yaar Wa
Madadgaar Na Chhodey,
Har MUSALMAAN Ki Izzat, Daulat Aur Khoon Doosre MUSALMAAN Ke
Liye Haraam Hai, Taqwaa Yahaan (Dil Mein) Hai. Ek Shakhs Ko Buraa Hone Ke
Liye Yahi Kaafi Hai Ke Woh Apne Kisi Musalmaan Bhaai Ko Haqeer Wa Kamtarr
(Worthless/cheap) Samjhe." [Jaami At-Tirmizee, Hadees (Hasan) : 1927]

VAZAAHAT: Is Hadees Mein MUSALMAAN Ki Izzat Aabroo Aur Jaan Wa Maal Ki

Hifaazat Karne Ki Taakeed Ke Saath Saath Ek Aham Baat Yeh Bataayi Gayi Hai Ke,
Taqwaa Ka Muaamla Insaan Ka Andrauni Muaamla Hai, Iska Ta'lluq Dil Se
Hai, Iska Haal Allaah Ke Alaavah Koi Nahi Jaan Sakta.
Isliye Doosre MUSALMAAN Ko Haqeer Samajhte Huye Apne Baarey Mein Qat'an
Yeh Gumaan Nahi Karna Chaahiye Ke Main Zuhd Aur Taqwaa Ke Oonchey
Muqaam Par Faaiz Hoon, Kyunke Iska Saheeh ilm Allaah Ke Siwa Kisi Ko Nahi.

2. Rasool Allaah (‫ )ﷺ‬Ne Farmaaya :

"Tum Mein Se Koi Shakhs Mumin Nahi Hosakta Jab Tak Ke Woh Apne Bhaai Ke
Liye Wahi Pasand Na Kare Jo Apne Liye Pasand Karta Ho." [Saheeh Muslim]

KHAIR KHWAAHI SIRF MUSALMAANON KE LIYE HAI.

Rasool Allaah (‫ )ﷺ‬Ne Farmaaya: "Deen Khair Khwaahi Ka Naam Hai."

Hum (Sahaabah) Ne Poocha: Kis Ki (Khair Khwaahi ?)

Nabi (‫ )ﷺ‬Ne Farmaaya:

"Allaah Ki, Uski Kitaab Ki, Uske Rasool Ki, Musalmaanon Ke Ameeron Ki Aur
Aam Musalmaanon Ki (Khair Khwaahi)."
[Saheeh Muslim, Kitaab-Ul-Eemaan, Hadees : 196]

5
 MUSALMAAN KE DOOSREY MUSALMAAN PAR
CHHEY (6) HAQQ HAI.
Abu Hurairah (Radiyallaahu 'Anhu) Se Rivaayat Hai Ke,

Rasoolallah (‫ )ﷺ‬Ne Farmaaya :

“Musalmaan Ke Haqq Musalmaan Par Chhey (6) Hai. ”Logon Ne Arz Kiya, Woh
Sab Kya Hai Ya Rasool Allaah ? Nabi (‫ )ﷺ‬Ne Farmaaya :

1. Jab Tu Musalmaan Ko Miley Tou Usko Salaam Kar Aur,

2. Jab Woh Teri Da’wat Kare Tou Qubool Kar Aur,
3. Jab Tujhse Mashwarah Chaahey Tou Achchi Salaah Dey Aur,
4. Jab Chheenkey Aur Alhumdulillaah Kahey Tou Tu Bhi Jawaab Dey (Ya'ni
Yarhamukallaah Keh) Aur,
5. Jab Beemaar Ho Tou Uski Beemaar Pursi Ko Jaa Aur
6. Jab Marr Jaaye Tou Uske Janaazey Mein Shirkat Kar.”
[Saheeh Muslim, Kitaab-Us-Salaam, Hadees : 5651]

MUSALMAAN BHAAI KI IZZAT (Honour) KO

BACHAANEY KI FAZEELAT.
Raavi-e-Hadees Abu Dardaa (Raziyallaahu Anhu),

Nabi Kareem (‫ )ﷺ‬Ne Farmaaya :

"Jis Shakhs Ne Apne Musalmaan Bhaai Ki Izzat Ka Difaa' Kiya, Allaah Ta'aalaa
Qiyaamat Waale Din Uske Chehrey Se Aag Ko Door Kardega."
[Riyaaz-Us-Saaliheen, Vol-2, Hadees : 1529, Urdu Page No : 316 ; Saheeh Al-Jaami' : 6240]

VAZAAHAT: Izzat Ki Difaa' Ka Matlab Yeh Hai Ke, Kisi Majlis Mein Kisi Ke Ayb
(Defect) Nikaaley Jaa Rahey Ho Ke Uski Tauheen Wa Tanqees Kar Raha Ho, Tou
Uska Difaa' Kiya Jaaye Aur Ahle Majlis Ko Batlaaya Jaaye Ke Uski Baabat Yeh
Baatein Saheeh Nahi Hain, Uska Daaman In Cheezon Se Paak Hai.

6
 KISI MUSALMAAN KE GUNAAHON KO
CHHUPAANE KI FAZEELAT.
Nabi (‫ )ﷺ‬Ne Farmaaya: "Jo Shakhs Kisi Musalmaan Ka Ayb Dunya Mein
Chhupaaega Tou Allaah Ta'aalaa Uska Ayb Dunya Aur Aakhirat Mein
Chhupaaega." [Saheeh Muslim, Hadees : 6853 or 2699]

MUMINON SE MUHABBAT KARNA EEMAAN KA HISSAH HAI.

Raavi-e-Hadees Abu Hurairah (Raziyallaahu'anhu),

Rasoolallaah (‫ )ﷺ‬Ne Farmaaya: “Tum Behshat (Jannat) Mein Naa Jaaogey

Jab Tak Eemaan Na Laaogey Aur Eemaandaar Na Banogey Jab Tak Aapas Mein
Ek Doosre Se Muhabbat Na Rakhogey.
Aur Kya Main Tum Ko Woh Cheez Na Batla Doon Jab Tum Usko Karogey Tou
Tum Aapas Mein Muhabbat Karne Lagogey ? (Woh Cheez Yeh Hai Ke Tum)
Salaam Ko Aapas Mein Aam Karo." [Saheeh Muslim, Hadees : 194 or 54 a]

KISI MUSALMAAN BHAAI KI TARAF HATHYAAR SE

ISHAARA KARNE KI MUMAANIAT.
Raavi-e-Hadees Abu Hurairah (Raziyallaahu Anhu),

Nabi (‫ )ﷺ‬Ne Farmaaya: “Jo Shakhs Lauhey Se (Ya’ni Chhuri, Talwaar Waghaira
Se) Apne Bhaai Ki Taraf Ishaara Kare Us Par Farishtey La’nat Bhejtey Hain.”
[Jaami’ At-Tirmizee, Kitaab-Ul-Fitan, Hadees (Saheeh) : 2162]

MUSALMAAN KO GAALI DENA.

Rasool Allaah (‫ )ﷺ‬Ne Farmaaya:

“Musalmaan Ko Gaali Dena Gunaah Hai Aur Usey Qatal Karna Kufr Hai.”
[Saheeh Al-Bukhaari, Hadees : 48, 6044, 7076)

7
Alhumdulillaah, AL-WALAA Se Muta’lliq Aayaat Aur Ahaadees Khatm Huye.
Ghaur Karne Waali Baat Yeh Hai Ke, Jitne Bhi Aayaat Aur Ahaadees Muhabbat,
Dosti, Khair Ka Muaamla, Bhaai Chaara (brotherhood) Aur Jitne Bhi Achhaayi Hai Un
Sab Mein Allaah Aur Uske Rasool Ne Musalmaanon Ke Baarey Mein Hi Kaha Hai
Kuffaar Ke Liye Nahi. Kyunke Kuffaar Ke Liye Ahkaam Iske Bar-‘Aks (opposite) Hai.
--------------------------------------------------------------------------------------------------------------------------

Ab Hum AL-BARAA (Allaah ke liye Nafrat aur Dushmani) Ke Baarey

Mein Qur-aan Aur Saheeh Ahaadees Ki Raushni Mein Dalaael Lengey
Taaki Baat Poori Tarah Se Vaazih Hojaaye.

Allaah Ta’aalaa Ke Faraameen Hai :

1. “Muminon Ko Chaahiye Ke Eemaan Waalon Ko Chhord Kar Kaafiron Ko
Apna Dost Na Banaaein Aur Jo Aisa Karega Woh Allaah Ki Kisi Himaayat Mein
Nahi Magar Yeh Ke Unke Sharr Se Kisi Tarah Bachaao Maqsood Ho...” [Aal-Imraan : 28]
2. “(Musalmaano !) Tumhaara Dost Khud Allaah Hai Aur Uska Rasool Hai Aur
Eemaan Waale Hain Jo Namaazon Ki Paabandi Karte Hain Aur Zakaat Adaa Karte
Hain Aur Woh Rukoo (Khushoo Wa Khuzoo) Karne Waale Hai...” [Al-Maaidah : 55]
3. “Jin Ki Yeh Haalat Hai Ke Musalmaanon Ko Chhord Kar Kaafiron Ko Dost
Banaatey Phirte Hain, Kya Unke Paas Izzat Ki Talaash Mein Jaatey Hain? (Tou Yaad
Rakhein Ke) Izzat Tou Saari Ki Saari Allaah Ta’aalaa Ke Qabzey Mein Hai.” [An-Nisā : 139]

4. “Aye Eemaan Waalon ! Muminon Ko Chhord Kar Kaafiron Ko Dost Na Banaao Kya
Tum Yeh Chaahte Ho Ke Apne Oopar Allaah Ki Saaf Hujjat Qaayam Karlo ?” [An-Nisā : 144]

5. “Aye Eemaan Waalon ! Tum Yahood Aur Nasaara Ko Dost Na Banaao Yeh
Tou Aapas Mein Hi Ek Doosre Ke Dost Hain. Tum Mein Se Jo Bhi Un Mein Se Kisi
Se Dosti Kare Woh Beshak Unhi Mein Se Hai. Zaalimon Ko Allaah Hargiz Raah-e-
Raast Nahi Dikhaata.” [Soorah Al-Maaidah : 51]

6. “Un Mein Se Bohat Se Logon Ko Aap Dekhengey Ke Woh Kaafiron Se

Dostiyaan Karte Hain Jo Kuch Unho Ne Apne Liye Aagey Bhej Rakha Hai Woh
Bohat Buraa Hai Ke Allaah Unse Naaraaz Hua Woh Hamesha Jahannam Mein
Rahengey.” (80)

8
“Agar Unhein Allaah Par Nabi Par Aur Jo Naazil Kiya Gaya Hai (Ya’ni Qur-aan
Par) Eemaan Hota Tou Yeh Kuffaar Se Dostiyaan Na Karte Lekin Un Mein Ke
Aksar Log Faasiq Hai.” (81) [Al-Maaidah : 80, 81]

7. “Kaafir Aapas Mein Ek Doosre Ke Dost Hain Agar Tum Ne Aisa Na Kiya Tou
Mulk Mein Fitnah Hoga Aur Zabardast Fasaad Hojayega.” [Al-Anfaal : 73]

8. “Aye Eemaan Waalon ! Apne Baapon Ko Aur Apne Bhaaiyon Ko Dost Na

Banaao Agar Woh Kufr Ko Eemaan Se Zyaada Azeez Rakhein. Tum Mein Se Jo
Bhi Unse Muhabbat Rakhega Woh Poora Gunahgaar Zaalim Hai.” [At-Taubah : 23]

9. “Allaah Aur Qiyaamat Ke Din Par Eemaan Rakhne Waalon Ko Aap Allaah Aur
Uske Rasool Ki Mukhaalifat Karne Waalon Se Muhabbat Rakhte Huye Nahi
Paaengey Chaahey Woh Unke Baap Ya Unke Betey Ya Unke Bhaai Ya Unke
Kumbey Qabeeley Ke Azeez Hi Kyun Na Ho.” [Al-Mujaadalah : 22]

10. “Aye Eemaan Waalon ! Mere Aur (Khud) Apne Dushmanon Ko Apna Dost
Na Banaao Tum Tou Dosti Se Unki Taraf Paighaam Bhejte Ho Aur Woh Us Haqq
Ke Saath Jo Tumhaare Paas Aachuka Hai Kufr Karte Hain,
Paighambar Ko Aur Khud Tumhe Bhi Mehaz Is Wajah Se Jilaa Watan (Mulk Ke
Baahar) Karte Hain Ke Tum Apne Rabb Par Eemaan Rakhte Ho
Agar Tum Meri Raah Mein Jihaad Ke Liye Aur Meri Razaamandi Ki Talab
Mein Nikalte Ho (Tou Unse Dostiyaan Na Karo) Tum Unke Paas Muhabbat
Ka Paighaam Posheeda Posheeda Bhejte Ho Aur Mujhe Khoob Maloom Hai Jo
Tum Ne Chupaaya Aur Woh Bhi Jo Tum Ne Zaahir Kiya. Tum Mein Se Jo Bhi Is
Kaam Ko Karega Woh Yaqeenan Raah-e-Raast Se Behak Jaayega.”
[Al-Mumtahinah : 1]

11. “Aye Musalmaanon ! Tum Us Qaum Se Dosti Na Rakho Jin Par Allaah Ka
Ghazab Naazil Ho Chuka Hai Jo Aakhirat Se Is Tarah Maayus Ho Chukey Hain
Jaisa Ke Murdah Qabar Waalon Se Kaafir Na Ummeed Hain.” [Al-Mumtahinah : 13]

9
 KUFR KO EEMAAN SE ZYAADA AZEEZ RAKHNE
WAALON KA BAYAAN.
Allaah Ta’aalaa Ne Farmaaya: "Aye Eemaan Waalon ! Apne Baapon Ko Aur
Apne Bhaiyon Ko Dost Na Banaao Agar Woh Kufr Ko Eemaan Se Zyaada Azeez
Rakhein. Tum Mein Se Jo Bhi Unse Muhabbat Rakhega Woh Poora Gunahgaar
Zaalim Hai." [Soorah At-Taubah, Aayat : 23]

TAFSEER: Allaah Ta'aalaa Kaafiron Se Dosti Chhord Ne Ka Hukm Deta Hai. Unki
Dostiyon Se Rokta Hai Go Woh Maa, Baap Ho Bhaai Ho. Bashartey Ke Woh Kufr
Ko Islaam Par Tarjeeh Dein Aur Aayat Mein Hai,
"Allaah Ta’aalaa Par Aur Qiyaamat Ke Din Par Eemaan Rakhne Waalon Ko Aap
Allaah Aur Uske Rasool Ki Mukhaalifat Karne Waalon Se Muhabbat Rakhte
Huye Hargiz Na Paaengey. Chaahey Woh Unke Baap Ya Unke Betey Ya Unke
Bhaai Ya Unke Qabeeley Ke (Azeez) Hi Kyun Na Ho." [Al-Mujadalah : 22]

Haafiz Baihaqi Ne Abdullaah Bin Shauzab Ki Haree Bataan Kiya Ke Abu Ubaida
Bin Jarraah (Raziyallaahu Anhu) Ka Waalid, Badr Ke Din Abu Ubaida Ki Taraf Nezah
Seedha Kar Raha Tha Aur Abu Ubaida (Raziyallaahu Anhu) Apne Waalid Se Eraaz
Kar Rahey The. Jab Jarraah Baaz Na Aaya Tou Uske Bete Abu Ubaida
(Raziyallaahu Anhu) Ne Usey Qatal Kardiya. Usi Ke Baarey Mein Allaah Ta'aalaa
Ne Is Aayat [58:22] Ko Naazil Kiya. [Tafseer Ibn Kaseer]

KAAFIRON SE DOSTI KARNE KA BAYAAN.

Is Muaamley Mein Kuch Log Apni Raaye Laakar Aur Hikmat Ke Bahaane
Banaakar Kehte Hain Ke Kuffaar Se Dosti Karna Jaaez Hai. Lekin Haqeeqat Mein
Aisey Log Allaah Ki Aayaat Ko Jhutla Rahey Hain.

Allaah Ta'aalaa Farmaate Hain: "Jin Ki Yeh Haalat Hai Ke Musalmaanon Ko

Chhord Kar Kaafiron Ko Dost Banaatey Phirte Hain Kya Unke Paas Izzat Ki
Talaash Mein Jaatey Hain ? (Tou Yaad Rakhein Ke) Izzat Tou Saari Ki Saari Allaah
Ta'aalaa Ke Qabzey Mein Hai."

Aur Doosri Jagah Kehte Hain: "Aye Eemaan Waalon ! Muminon Ko Chhord Kar
Kaafiron Ko Dost Na Banaao, Kya Tum Yeh Chaahtey Ho Ke Apne Oopar Allaah
Ta'aalaa Ki Saaf Hujjat Qaayam Karlo." [Soorah An-Nisaa, Aayat : 139, 144]
10
TAFSEER: KAAFIR SE DOSTI AAG SE DOSTI KARNE KE BARAABAR HAI. Kaafiron Se
Dostiyaan Karne Se Unse Dili Muhabbat Rakhne Se Unke Saath Uthne Baithne Se
Bheyd Unko Deney Se Aur Poshida Ta’lluqaat Unse Qaayam Rakhne Se Allaah
Ta'aalaa Eemaandaaron Ko Rok Raha Hai.
Jaise Aur Aayat Mein Hai: "Muminon Ko Chaahiye Ke Eemaan Waalon Ko
Chhord Kar Kaafiron Ko Apna Dost Na Banaaye Aur Jo Aisa Karega Woh Allaah
Ta'aalaa Ki Kisi Himaayat Mein Nahi Magar Yeh Ke Inke Sharr Se Kisi Tarah
Bachaao Maqsood Ho Aur Allaah Ta'aalaa Khud Tumhein Apni Zaat Se Dara Raha
Hai. Aur Allaah Ta'aalaa Hi Ki Taraf Laut Jaana Hai." [Aal Imraan : 28]
Muminon Ko Chaahiye Ke Sirf Muminon Ke Siwa Kuffaar Se Dosti Na Karein.
Aisa Karne Waala Allaah Ke Haan Kisi Bhalaayi Ka Mustahaq Nahi.
Haan Agar Sirf Bachaao Ke Taur Par Zaahirdaari Ho Tou Aur Baat Hai.
Allaah Ta'aalaa Humein Apne Aap Se Daraa Raha Hai Ya'ni Agar Tum Uski
Naafarmaniyaan Karogey Tou Tumhe Uske Azaabon Ko Yaad Rakhna Chaahiye.
Ibn Abi Haatim Mein Abdullaah Bin Abbaas (Raziyallaahu Anhu) Ka Farmaan Marvi
Hai Ke, Aap Ne Kaha: "Qur-aan Mein Jahaan Kahin Aisi ibaaraton Mein Sultaan
Ka Lafz Hai, Wahaan Usse Muraad Hujjat Hai.
Ya'ni Tum Ne Agar Muminon Ko Chhorkar Kuffaar Se Dili Dosti Ke Ta’lluqaat
Paida Kiye Tou Tumhaara Aisa Karna Saboot Ke Liye Kaafi Hoga Aur Poori
Daleel Hogi Jis Ki Wajah Se Allaah Ta'aalaa Tumhe Sazaa Dey.
Bohat Se Salaf Mufassireen (Rahimahumullaah) Ne Is Aayat Ki Yahi Tafseer Kee Hai.
Abu Hurairah (Raziyallaahu Anhu) Kehte Hain: "Unhein Aag Ke Sanduqon Mein
Band Karke Jahannam Mein Daala Jaayega Aur Yeh Jaltey Bhuntey Rahengey.
Ibn Mas'ood (Raziyallaahu Anhu) Kehte Hain: "Yeh Sandooq Lohey (iron) Ke
Hongey Jo Aag Lagte Hi Aag Ke Ho Jaaengey Aur Chaaro Taraf Se Bilkul Band
Hongi Aur Koi Na Hoga Jo Unki Kisi Tarah Ki Madad Kare. [Tafseer Ibn Kaseer]

KAAFIRON SE DOSTI KARNE KA BAYAAN.

Allaah Subhaanahu Wa Ta’aalaa Ka Farmaan Hai :
“Aye Eemaan Waalon! Tum Apna Wali (Dost) Eemaan Waalon Ke Siwa
Kisi Ko Na Banaao.” [Aal-Imraan : 118]

11
Is Aayat [3:118] Ki Ziman Mein Imaam Qurtubi (Rahimahullaah) Ka Qaul Hai :
“Un Kuffaar Ko Apna Khaas Jigri Raazdaar Na Banaao.”
Isi Tarah Ek Muqaam Par Farmaan-e-ilaahi Hai :
“Aye Eemaan Waalon! Tum Yahood Aur Nasaara Ko Dost Na Banaao Yeh Tou
Aapas Mein Hi Ek Doosre Ke Dost Hain. Tum Mein Se Jo Bhi Un Mein Se Kisi Se
Dosti Kare Woh Beshak Unhi Mein Se Hai, Zaalimon Ko Allaah Hargiz Raah-e-
Raast Nahin Dikhaata.” (51)
“Aap Dekhengey Ke Jin Ke Dilon Mein Beemaari (Nifaaq) Hai Woh Daud
Daud Kar Un Mein Ghus Rahey Hain Aur Kehte Hain Ke Humein Khatra
Hai. Aisa Na Ho Ke Haadsa Ham Par Padh Jaaye Bohat Mumkin Hai Ke Allaah
Ta’aalaa Fatah Dey Dey. Ya Apne Paas Se Koi Aur Cheez Laaye. Phir Tou Yeh Apne
Dilon Mein Chupaayi Huyi Baaton Par Bey Tarah Naadim Hone Lagengey.” (52)
“Aye Eemaan Waalon ! Tum Mein Se Jo Shakhs Apne Deen Se Phir Jaaye (Ya’ni
Murtadd Hojaaye) Tou Allaah Taa’alaa Bohat Jald Aisi Qaum Ko Laayega Jo
Allaah Ki Mehboob Hogi Aur Woh Bhi Allaah Se Muhabbat Rakhti Hogi.

Woh Naram Dil Hogey Musalmaanon Par Aur Sakht Aur Tezz Hongey
Kuffaar Par, Allaah Ki Raah Mein Jihaad Karengey Aur Kisi Malaamat Karne
Waale Ki Malaamat Ki Parwa Bhi Na Karengey.” (54) [Surah Al-Maaidah : 51,52,54]

KAAFIRON SE DOSTI KARNA.

Allaah Ta'aalaa Ne Farmaaya :
"Aye Eemaan Waalon ! Tum Yahood Aur Nasaaraa Ko Dost Na Banaao Yeh Tou
Aapas Mein Hi Ek Doosrey Ke Dost Hain. Tum Mein Se Jo Bhi Un Mein Se Kisi Se
Dosti Karey Woh Beshak Unhi Mein Se Hai Zaalimon Ko Allaah Ta'aalaa Hargiz
Seedha Raasta Nahi Dikhaata." [Soorah Al-Maaidah, Aayat : 51]

TAFSEER: Islaam Ke Dushman Yahood Aur Nasaara (Jews & Christians) Se Dosti
Karne Se Allaah Ta'aalaa Manaa Farmaa Raha Hai. Aur Farmaata Hai Ke Woh
Tumhaare Dost Hargiz Nahi Ho Sakte Kyunke Tumhaare Deen Se Unhein Bughz
Wa Adaawat (Nafrat Aur Dushmani) Hai. (Lekin) Haan Apne Waalon Se Unki
Dostiyaan Aur Muhabbatein Hai.

12
Mere Nazdeek Tou Jo Bhi Unse Dili Muhabbat Rakhey Woh Unhi Mein Se Hai.

Umar (Raziyallaahu Anhu) Ne Abu Moosa Ko Is Baat Par (Kaafiron Se Dosti Karne Par)
Poori Tambeeh Kee Aur Yeh Aayat Padhkar Sunaayi. Abdullaah Bin Utbah Ne
Kaha: "Logon Tumhe Usse Bachna Chaahiye Ke Tumhe Khud Ko Maloom Na Ho
Aur Tum Allaah Ke Nazdeek Yahood Aur Nasraani Banjaao.” Hum Samajh Gaye
Ke Aap Ki Muraad Isi Aayat Ke Mazmoon Se Hai.

Ibn Abbaas (Raziyallaahu Anhu) Se Arab Nasraaniyon Ke Zabeehah (Qurbaani Ke

Gosht) Ka Mas-Ala Poocha Gaya Tou Aap Ne Yahi Aayat Tilaawat Kee.

Jis Ke Dil Mein Khoat Hai Woh Tou Lapak Lapak Kar Posheeda Taur Par Unse
Saaz Baaz Aur Muhabbat Karte Hain.
Aur Bahaana Yeh Banaate Hain Ke Humein Khatra Hai Agar Musalmaanon Par
Yeh Log Ghaalib Aagaye Tou Phir Hamaari Tabaahi Kardengey. Isliye Hum Un
Se Meyl Milaap Rakhte Hain. [Tafseer Ibn Kaseer]

KAAFIRON YA MUSHRIKON KE SAATH REHNA.

Nabi (‫ )ﷺ‬Ne Farmaaya: “Main Har Us Musalmaan Se Baree Hoon (Ya'ni Mera
Usse Koi Ta’lluq Nahi Ya Main Uska Zimmedaar Nahi Hoon) Jo Mushrikon Ke
Darmiyaan Rehta Hai. Logon Ne Poocha: Kyun (Allaah Ke Rasool) ?

Nabi (‫ )ﷺ‬Ne Kaha: "Donon (Ya'ni Islaam Aur Kufr) Ki Aag Ek Saath Nahi Reh
Sakti." [Abu Daawood, Hadees : 2645 ; Saheeh By Al-Albaani in Urwaa Al-Ghaleel : 1207]
VAZAAHAT: Is Jumley Ki Taujiye Mein Teen (3) Aqwaal Waarid Hain :

1. Ek Mafhoom Yeh Hai Ke Kaafiron Aur Musalmaanon Ka Hukm Ek Jaisa Nahi Ho Sakta.

2. Doosra Yeh Ke Allaah Ta'aalaa Ne Daarus-Salaam Ko Daarul-Kufr Se Alag

Kardiya Hai, Lihaaza Musalmaanon Ke Liye Yeh Saheeh Nahi Hai Ke Woh
Kaafiron Ke Mulk Mein Unke Saath Rahey,
3. Teesra (3) Yeh Hai Ke Musalmaan Mushrik Ki Khusoosiyaat Aur Alaamaton Ko
Na Apnaaye Aur Na Hi Chaal Dhaal Aur Shakal Wa Soorat Mein Unke Saath
Tashabba ikhtiyaar Kare.

13
 MUSHRIKON KE SAATH REHNA.
Raavi-e-Hadees Samurah Bin Jundab (Raziyallaahu Anhu),

Nabi (‫ )ﷺ‬Ne Farmaaya: "Jo Shakhs Mushrik Ke Saath Meyl Jhol Rakhey
Aur Uske Saath Rahey Tou Woh (Bhi) Usi Ki Tarah Hai."
[Sunan Abu Daawood, Hadees : 2787 ; Mustadrak Al-Haakim : 141-42/1 ; Saheeh By Al-
Albaani in As-Saheehah : 2332]

VAZAAHAT: Yeh (Hadees) Rasool Allaah Ne Taghleezan Aur Tashdeedan

(Sakhti Se) Farmaaya Taaki Aadmi Mushrik Ki Sohbat Se Bachey.
Ya Muraad Yeh Hai Ke Jab Uske Saath Rahega Tou Usi Ki Tarah Ho Jaayega
Kyunke Sohbat Ka Asar Yaqeenan Padta Hai.

MUSHRIKEEN SE ALAG REHNE KA BAYAAN.

Raavi-e-Hadees Jareer (Raziyallaahu Anhu),

Main Nabi (‫ )ﷺ‬Ke Paas Aaya, Rasool Allaah Bai'at Ley Rahey The.

Main Ne Arz Kiya: Allaah Ke Rasool Haath Phailaaiye Taaki Mai Bai'at Karun,
Aur Aap Shart Bataaiye Kyunke Aap Zyaada Jaante Hain.

Nabi (‫ )ﷺ‬Ne Farmaaya: "Main Tum Se Is Baat Par Bai'at Leta Hoon Ke Tum
Allaah Ki Ibaadat Karogey, Namaaz Qaayam Karogey, Zakaat Adaa Karogey,
Musalmaanon Ke Saath Khair Khwaahi Aur Bhalaayi Karogey Aur Kuffaar Wa
Mushrikeen Se Alag Thalag Rahogey." [Sunan An-Nasaai, Hadees (Saheeh) : 4177]

KUFFAAR KO MASAAJID MEIN LAANA MANA’ HAI.

Allaah Ta'aalaa Ne Kaha :
"(Yeh) Laaeq Nahi Ke Mushrik Allaah Ta'aalaa Ki Masjidon Ko Aabaad Karein.
Jabke Woh Khud Apne Kufr Ke Hi Gawaah Hain. Unke Amaal Ghaarat Hain Aur
Woh Hamesha Ke Liye Jahannami Hain." [Soorah At-Taubah, Aayat : 17]

Imaam Abu Haatim Ne Rivaayat Bayaan Kee Hai Ke,

14
Umar (Raziyallaahu Anhu) Ne Abu Moosaa Ash’ari (Raziyallaahu Anhu) Ko Hukm Diya
Ke Unho Ne Jo Liya Aur Diya Hai Uska Hisaab Pesh Karen, Unho Ne Ek Eesaai
Kaatib (Ya’ni Christian Munshi) Rakha Hua Tha Tou Usne ‘Umar (Raziyallaahu Anhu) Ki
Khidmat Mein Hisaab Pesh Kiya,
Tou ‘Umar Ne Ta’jjub Ka Izhaar Karte Huye Farmaaya: Kya Yeh Muhaafiz Hai ?
Kya Yeh Masjid Mein Aakar Humein Woh Khatt (letter) Padhkar Sunaa Sakta
Hai Jo Mulk Shaam Se Aaya Hai ?
Abu Moosaa Ne ‘Arz Ki: Yeh Masjid Mein Daakhil Nahi Ho Sakta,
‘Umar (Raziyallaahu Anhu) Ne Farmaaya: Kya Yeh Haalat-e-Janaabat Mein Hai ?
Unho Ne Jawaab Diya: Nahi, Balke Is Liye Ke Yeh ‘Eesaai (Christian) Hai.
Abu Moosaa Farmaate Hain Ke ‘Umar Ne Mujhe Daanta, Meri Raan Par Maara Aur
Farmaaya Usey Nikaal Do, Phir ‘Umar (Raziyallaahu Anhu) Ne Yeh Aayat Kareemah
Padhi: “Aye Eemaan Waalon ! Yahood Aur Nasaaraa Ko Dost Na Banaao.”
DALEEL: [Tafseer Ibn Abi Haatim: 4/1156, Wad-Daar Al-Mansoor: 2/516.]

Phir Unho Ne ‘Abdullaah Bin ‘Utbah Ki Us Rivaayat Ko Bhi Bayaan Kiya Hai Ke,
Tum Mein Se Har Ek Ko Is Baat Se Bachna Chaahiye Ke Woh Ghair Sha’oori
(Na Maloom) Taur Par Yahoodi Ya ‘Eesaai Na Ho Jaaye, Hamaare Khayaal Mein
Unka Ishaara Isi Aayat Kareemah Ki Taraf Tha. [Tafseer Ibn Abi Haatim : 4/1156]
SOURCE: [Tafseer Ibn Kaseer (Al-Misbaah Al-Muneer Tahzeeb Wa Tahqeeq), Soorah Al-
Maaidah, Aayat: 51-53 Ki Tafseer Mein, Jild: 2, Page No. 358, 359]

KAAFIRON KO APNA KAAM KARNE KE LIYE RAKHNA.

Imaam Ahmad (Rahimahullaah) Ne Saheeh Sanad Ke Saath Abu Moosaa
(Raziyallaahu Anhu) Se Rivaayat Bayaan Ki Hai Ke :

Abu Moosaa Kehte Hain Maine ‘Umar (Raziyallaahu Anhu) Se Kaha Ke: Mere Paas
Ek Nasraani Kaatib Hai, Woh Kahne Lage Tujhe Kya Hua Allaah Tujhe Tabaah
Kare Kya Toone Allaah (Subhaanahu Wa Ta’aalaa) Ka Farmaan Nahi Sunaa:

“Aye Eemaan Waalon ! Tum Yahood Wa Nasaaraa Ko Dost Na Banaao Yeh Tou
Aapas Mein Hi Ek Doosre Ke Dost Hain,
Tum Mein Se Jo Bhi In Mein Se Dosti Karega Woh Beshak Unhi Mein Se Hai,
Zaalimon Ko Allaah Ta’aalaa Hargiz Hidaayat Nahi Deta.” [Al-Maaidah : 51]

15
Toone Millat Haneefi (Ibraahim Alaihissalaam Ke Deen) Par Chalne Waale Ko
Haasil Kyun Na Kiya (Ya’ni Musalmaan Kaatib Kyun Na Rakha).
Abu Moosaa (Raziyallaahu Anhu) Kehte Hain Maine Kaha: Aye Ameerul-
Mumineen Mujhe Tou Uski Kitaabat Chaahiye Aur Uske Liye Uska Deen Hai,

‘Umar (Raziyallaahu Anhu) Ne Farmaaya: “Jab Allaah Ta’aalaa Ne Unki Tauheen Ki

Aur Unhein Zaleel Kiya Hai Tou Main Unki Izzat Wa ihtiraam Nahin Karunga,
Aur Jab Allaah Ta’aalaa Ne Unhein Door Kiya Hai Tou Main Unhein Qareeb
Nahin Karunga.” [Majmoo’ Al-Fataawaa : 25/327]

MUSHRIK PALEET (Naapaak) HAI.

Imaam Abu ‘Amr Auzaai Ne Kaha Hai Ke ‘Umar Bin ‘Abdul-‘Azeez (Rahimahullaah) Ne
Tehreeri (Ya'ni Likhey Huye) Taur Par Farmaan Jaari Kardiya Tha Ke,

Yahood Wa Nasaarā Ko Musalmaanon Ki Masjidon Mein Daakhil Hone Se

Mana’ Kardo Aur Unho Ne Apne Is Farmaan Ke Aakhir Mein Is Aayat Kareema Ko Bhi
Likha: “Beshak Mushrik Tou Hai Hi Naapaak.” [At-Taubah, Tafseer At-Tabari : 10/136]
SOURCE: [Tafseer Ibn Kaseer (Al-Misbaah Al-Muneer Tehzeeb Wa Tehqeeq), Soorah At-
Taubah, Aayaat: 28-29 Ki Tafseer Mein, Jild : 3, Pg No. 72]

Us Shakhs Ke Baarey Mein Jo Kehta Hai Ke Main Mushrikon Ya

Kaafiron Se Nafrat Nahi Karta Aur Unki Takfeer Nahi Karta
(Ya'ni Unhein Kaafir Nahi Kehta).
Muhammad Bin Abdul Wahhaab (Rahimahullaah) Ke Do (2) Betey Hussain Aur
Abdullaah (Rahimahumullaah) Ne Is Baarey Mein Kaha Ke :
"Ya Woh Yeh Kahey Ke Mujhe Kalimah Padhne Waalon Se Koi Takleef Nahi
Yahaan Tak Ke Woh Kufr, Shirk Aur Allaah Ke Deen Ki Khilaaf Warzi Hi Kyun Na
Karein, Aur Jo Kehta Hai: Mujhe Mazaaron (Shrines) Se Koi Eteraaz Nahi.”
Hussain Aur Abdullaah (Rahimahumullaah) Ne Kaha :
"Aisa Shakhs Musalmaan Nahi Hai, Balke Yeh Un Logon Mein Se Hai Jin Ke
Baarey Mein Allaah Ne Kaha: (Woh Kehte Hain) Hum Kuch Cheezon Par Eemaan
Rakhte Hain Aur Kuch Par Nahi Rakhte.

16
Usi Ne Tumhe Paida Kiya Hai So Tum Mein Se Ba'z Tou Kaafir Hain Aur Ba'z
Eemaan Waale Hain Aur Jo Kuch Tum Kar Rahey Ho Allaah Ta'aalā Khoob Dekh
Raha Hai. [At-Taghābun:2]
Woh Shakhs Us Waqt Tak Aisa Rahega Jab Tak Woh Unhein Kaafir Na Kehle,
Aur Allaah Ta'aalā Ne Unse Nafrat (Aur Dushmani) Karne, Unse Door Rehne
Aur Unko Kaafir Kehne Ko Farz Kardiya Hai." [Ad-Durar As-Saniyyah, 10/139-140]
Abdur-Rahmaan Bin Hasan (Rahimahullaah) Kehte Hain :
"Koi Bhi Shakhs Us Waqt Tak Muwahhid (Tauheed Waala) Nahi Bann Sakta, Jab
Tak Ke Woh Shirk Ka Inkaar Na Kardey, Usse Mukammal Baree (Bezaar/Bey
Ta’lluq) Na Hojaaye Aur Uske Karne Waale Ki Takfeer Na Karlein."
Aur Unho Ne Yeh Bhi Kaha Ke :

"(Kisi Shakhs Ki) Tauheed Us Waqt Tak Mukammal Na Hogi, Jab Tak Ke
Mushrikeen Se Poori Tarah Mooh Pheyr Na Ley, Unse Dushmani Na Kare, Aur
Unki Takfeer (Ya'ni Unhein Kaafir) Na Kahein (Tab Tak Koi Apne Aap Ko Tauheed
Waala Nahi Keh Sakta)." [Ad-Durar As-Saniyyah : 2/204 ; 11/434]

KUFFAAR TUMHAARE BHAAI NAHI HAI.

Ibn Usaimeen (Rahimahullaah) Ne Kaha :

"Kuch Log Kaafiron Ko Bhaai Kehkar Bulaate Hain Aur Unko "Bhaai" Kehte Hain.

Kya Tum Ne Apne Dil Se Eemaan Ko Khodiya Hai Jo Tum Allaah Ke

Dushman Ko Bhaai Kehte Ho ?." [Al-Liqaa Ash-Shahri : 2]

MUSALMAAN BHAAI SE MEYL JHOL TARK

KARNE (CHHORD NE) KA BAYAAN.
1. Rasool Allaah (‫ )ﷺ‬Ne Farmaaya :

"Jis Ne Apne Bhaai Se Ek Saal Tak Ta'lluq Todey Rakha Tou Yeh Uske Khoon
Bahaane Ki Tarah Hai." [Sunan Abu Dâwood, Hadees (Hasan) : 4915]

17
2. Nabi (‫ )ﷺ‬Ne Farmaaya: "Har Somvaar Aur Jumeraat (Monday And Thursday)
Ko Jannat Ke Darwaazey Kholey Jaate Hain Tou Har Woh Bandah Jo Allaah Ke
Saath Kisi Ko Shareek Na Karta Ho Usey Muaaf Kardiya Jaata Hai. Siwaaye
Uske Ke Uske Aur Uske Bhaai Ke Darmiyaan Bughz Aur Naaraazi Ho. Tou
Kaha Jaata Hai: Unhein Muhallat Deejati Hai Ke Sulah Karlein."
Imaam Abu Dâwood (Rahimahullaah) Kehte Hain Ke,

Rasool Allaah Ne Apni Ba'z Azwaaj (Beewiyon) Se Chaalees (40) Din Tak Meyl
Jhol Chhord Diya Tha. Aur Ibn Umar (Raziyallaahu Anhu) Ne Marney Tak Apne Ek
Bete Se Muqaati'ah Kiye Rakha Tha (Ya'ni Marney Tak Mulaaqaat Ya Baat Karna
Chhord Diye The).

Imaam Abu Dâwood Kehte Hain: Al-Gharz Yeh Muqaati'ah Aur Meyl Jhol
Chhordna Agar Allaah Ke Liye Ho Tou Us Par Yeh Va'eedein Nahi Hai (Matlab
Agar Sirf Allaah Ke Liye Unse Ta'lluq Todtey Hain Tou Jaaez Hai). Umar Bin
Abdul Azeez (Rahimahullaah) Ne Ek Aadmi Se Apna Chehra Chhupaa Liya Tha.
[Sunan Abu Dâwood, Hadees : 4916 ; Saheeh Muslim : 2565]

HAR KAAM MEIN KUFFAAR KI MUKHAALIFAT

KARNE KA BAYAAN.
Rasool Allaah (‫ )ﷺ‬Ansaar Ke Kuch Logon Ke Paas Aaye Jin Ki Daadhiyan
Safeyd Thi, (Nabi) Farmaane Lagey :
"Aye Ansaar Ki Jamaat, Surkh Aur Zard (Red And Yellow) Rang Mein (Daadhiyon
Ko) Rango Aur Ahle Kitaab Ki Mukhaalifat Karo.
Unho Ne Kaha: Aye Allaah Ke Rasool ! Woh Apni Daadhiyan Kaat-tey Hain Aur
Moonchey Badhaate Hain ?

Nabi (‫ )ﷺ‬Ne Farmaaya: “Apni Daadhiyaan Badhaao Aur Apni Moonchein

Kaato Aur Ahle Kitaab Ki Mukhaalifat Karo.”
Sahaabah (Raziyallaahu Anhum) Ne Kaha: Aye Allaah Ke Rasool ! Ahle Kitaab
Mauzey (Socks) Pehantey Hain Aur Jootey Nahi Pehantey ? Nabi (‫ )ﷺ‬Ne
Farmaaya: "Jootey Aur Mauzey Pehno Aur Ahle Kitaab Ki Mukhaalifat Karo."
[Silsilah As-Saheehah, Hadees : 3077 ; Musnad Ahmad : 21252]

18
 ZAALIMON KI TARAF HARGIZ NA JHUKNA WARNA
TUMHE BHI (Dozakh Ki) AAG LAG JAAYEGI.
Allaah Ta'aalaa Ne Kaha: “Dekho Zaalimon Ki Taraf Hargiz Na Jhukna Warna
Tumhe Bhi (Dozakh Ki) Aag Lag Jaayegi. [Soorah Hood : 113]
Ibn Mubaarak Tafseer Farmaate Hain: “Kuffaar Ki Taraf Zara Baraabar Bhi
Maail No Hojaaye”.
Ikrimah Farmaate Hain: “Unki Itaa’at Karo Na Unse Muhabbat Karo. Aur Unko
Apne Muaamlaat Wa Hukoomat Ka Wali Na Banaao. Jaise Ke Aaj Kal Faasiq
Faajir Hukumraan Baney Bhaithey Hain.

Imaam Nawawi (Rahumahullaah) Farmaate Hai: “Jis Shakhs Ne Kuffar Ko Dawa

Tayyar Kar Ke Di Ya Qalam Taraash Kardiya Ya Likhne Ko Kaaghaz Muhyah Kiya
Tou Woh Bhi Unhi Mein Shaamil Hai.”

Baz Mufassireen Ke Nazdeek Is Aayat [Soorah Hood : 113] Mein Jin Umoor
(Kaamon) Se Mana’ Farmaaya Gaya Hai Woh Darj Zeyl Hain. :

1) Kuffaar Ki Khwaahishaat Ki Pairvi Karna.

2) Doosron Se Juda Hokar Kuffaar Ke Bankar Rahna.
3) Unki Majlison Mein Haazir Hona.
4) Kuffaar Se Meyl Jhol Rakhna.
5) Unke Kaamon Se Raazi Hona.
6) Kuffaar Ki Mushaabihat ikhtiyaar Karna.
7) Kuffaar Ki Tarah Ka Tashkhas (Libaas Waghairah) Qaaim Karna.
8) Kuffaar Ki Aish Wa Ishrat Ki Taraf Nigaah Hasrat Se Dekhna.
9) Kuffaar Ka Zikr Tazeem (ehteraam) Ke Saath Karna.
Yeh Tamaam Umoor (Kaamon) Ko Ek Baar Is Aayat Ke Alfaaz Par Ghaur Karo Ke
“Tum Kuffar Ki Taraf Zara Barabar Bhi Maail Na Ho”.

[SOURCE: Eemaan Ki Bazboot Tareen Zanjeer, Page Number : 5-6]

19
 TUM SE KUFFAAR KABHI RAAZI NAHI HONGEY.
Allaah Ta'aalaa Ne Farmaaya :

"[Aye Nabi (‫ ])ﷺ‬Aap Se Yahood Aur Nasaara Hargiz Raazi Nahi Hongey Jab
Tak Ke Aap Unke Deen Ko Maanney Waale Na Bann Jaaye. Aap Keh Deejiye Ke
Allaah Ki Hidaayat Hi Hidaayat Hai. Aur Agar Aap Ne Apne Paas Baavajood ilm Aa
Jaaney Ke Phir Unki Khwaahishon Ki Pairvi Ki Tou Allaah Ke Paas Aap Ka Na
Tou Koi Wali (Dost) Hoga Aur Na Madadgaar." [Soorah Al-Baqarah : 120]
TAFSEER: Deen-e-Haq (Sachche Deen) Ka Baatil Deen (Ghalat Aur Jhoote Deen) Se
Samjhauta Bohat Bada Jurm (Crime) Hai. Is Aayat Ka Matlab Yeh Hai Ke Yeh Log
Tujhse Hargiz Raazi Nahi Hongey Lihaaza Tu Bhi Unhein Chhord Aur Rabb Ki
Razaa Ke Peechey Lag Jaa Tooney Unhein Dawat Risaalat Pohancha Dee.

Deen-e-Haqq Wahi Hai Jo Allaah Ne Tujhe Diya Hai Tu Us Par Jamm Jaa.

Hadees Mein Aata Hai Ke Nabi (‫ )ﷺ‬Ne Farmaaya: "Meri Ummat Ka Ek Giroh
(Group) Hamesha Haq Ke Liye Qitaal (Kuffaar Ko Qatal) Karta Rahega
Aur Woh Apne Muqaabil Aaney Waalon Par Ghaalib Rahengey Yahaan Tak Ke Unka
Aakhri Giroh Maseeh Dajjaal Se Ladaayi Karega." [Abu Daawood : 2484, Saheeh]

Phir Allaah Ne Apne Nabi Ko Khitaab Karke Dhamkaaya Ke Hargiz Unki

Razaamandi Aur Unse Sulah Joyi Ke Liye Apne Deen Mein Sust Na Hona Unki
Taraf Na Jhukna Aur Unki Na Maanna.
Ulamaa Ne Is Aayat Se Istedlaal Kiya Hai Ke Kufr Ek Hi Mazhab Hai
Chaahey Woh Yahood Ho Nasraani Ho Ya Koi Aur Ho. [Tafseer Ibn Kaseer]

KUFFAAR KI BAAT NA MAANNA.

Allaah Ta'aalā Farmaate Hain :
"Aye Eemaan Waalon ! Agar Tum Kaafiron Ki Baatein Maanogey Tou Woh
Tumhein Tumhaari Ediyon Ke Bal Palta Dengey (Ya'ni Tumhein Murtadd Banaa
Dengey) Phir Tum Na Muraad Ho Jaaogey." [Sūrah Aal-Imraan, Aayat : 149]

TAFSEER: Kaafir Aur Munaafiqon Ke Iraadey Aur Ghazwa-e-Uhud Ka Phir

Andohnaak Tazkira. Allaah Ta'aalā Apne Eemaandaar Bandon Ko Kaafiron Aur

20
Munaafiqon Ki Baaton Ke Maanney Se Rok Raha Hai Aur Bata Raha Hai Ke
Agar Unki Maani Tou Dunya Aur Aakhirat Ki Zillat Tum Par Aayegi.

Unki Chaahat Tou Yahi Hai Ke Tumhe Deen Islaam Se Hataadey. Phir Farmaata
Hai, Mujh Hi Ko Apna Wali Aur Madadgaar Jaano Mujh Hi Se Dosti Karo, Mujh Hi
Par Bharosa Karo, Mujh Hi Se Madad Chaaho. [Tafseer Ibn Kaseer]

KUFFAAR KI MUSHAABIHAT (Naqal) IKHTIYAAR KARNA.

1. Nabi (‫ )ﷺ‬Ne Farmaaya :
"Jis Shakhs Ne Kisi Qaum Se Mushaabihat (Naqal) ikhtiyaar Kee (Tou) Woh
Unhi Mein Se Hai." [Sunan Abu Daawūd : 4031]

Majmū Al-Fataawa 25/331 | Shaikh Ul-Islaam Ibn Taimiyyah | Jayyid.

2. Ibn Taimiyyah (Rahimahullaah) Ne Kaha: "Isse Pata Chalta Hai Ke Un (Kuffaar

Aur Mushrikeen) Ki Mushaabihat Karna Haraam Hai, Agarchey Iska Zaahiri
Matlab Tou Yeh Hai Ke Jo Shakhs Bhi Unki Mushaabihat Karta Hai Woh Kaafir
Hai." [Iqtidaa As-Siraat Al-Mustaqeem : 237]
3. Ibn Usaimeen Ne Kuffaar Ki Mushaabihat Ke Baarey Mein Kaha :
"Iska Yeh Matlab Nahi Hai Ke Humein Woh Cheez Istemaal Karne Se Rukna
Chaahiye Jo Kuffaar Ne Banaayi Hai, Aisa Koi Nahi Keh Raha.

Nabi (‫ )ﷺ‬Ke Zamaaney Mein Log Kuffaar Ke Banaaye Huye Bartan Aur Kapdey
Istemaal Kiya Karte The.
Kuffaar Ki Mushaabihat Ka Matlab Hai Ke Hum Unki Tarah Kapdon Mein (Jo
Unke Liye Khaas Ho) Aur Dikhne Mein Unki Tarah Mushaabihat Na Karein Aur
Aisi Rasmein Jo Unhi Ke Liye Khaas Ho.

Iska Yeh Matlab Nahi Hai Ke Hum Woh Na Pehne Jo Woh Pehante Hain Aur Jis
(Gaadi Waghaira) Ko Woh Chalaate Hai Usko Hum Na Chalaaein.
Lekin Agar Woh Kuch Alag Tareeqey Se Chalaate Hain Jo Sirf Unke Liye Khaas
Ho, Tou Hum Ko Us Tarah Nahi Chalaana Chaahiye.
Agar Woh Kapdon Ko Kuch Khaas Fashion Mein Silwaatein Hain Jo Sirf Unke Liye
Khaas Ho Tou Waisa Hum Ko Nahi Karna Chaahiye.

21
Lekin Agar Hamaare Paas Gaadiyein Hain Jo Unki Tarah Dikhaayi Deti Hai Ya
Kapda Jo Unki Tarah Dikhta Ho, Tou Is Mein Kuch Ghalat Nahi Hai."
[Majmū Fataawā Ash-Shaikh Ibn Usaimeen, 12, Question Number : 177]
----------------------------------------------------------------------------------------------------------

Jahaan Tak Is Aayat Ka Ta'lluq Hai: "Jin Logon Ne Tum Se Deen Ke Baarey
Mein Ladaayi Nahi Ladi Aur Tumhe Jilaa Watan Nahi Kiya (Ya'ni Mulk Ke Baahar
Nahi Kiya) Unke Saath Sulook Aur Ehsaan Karne Aur Achha Bartaao Karne Se
Allaah Ta'aalaa Tumhein Nahi Rokta, Balke Allaah Tou Insaaf Karne Waale Se
Muhabbat Karta Hai..." [Al-Mumtahinah : 8]

Tou Iska Matlab Yeh Hai Ke, Kuffaar Mein Se Jis Ne Takleef Ko
Musalmaanon Tak Nahi Pohanchaaya Aur Musalmaanon Ke Khilaaf Jung Nahi
Kee Aur Na Musalmaanon Ko Bey Ghar Kiya,
Tou Musalmaan Unko Dunyavi Bartaao Aur Sulook Mein Ehsaan Aur Insaaf Ka
Badlah Dengey, Jabke Dil Se Unke Saath Ulfat Wa Muhabbat Nahi Rakhengey.
Isliye Ke Allaah Ta'aalaa Ka Farmaan Hai:

"Tum Unke Saath Bhalaayi Ka Bartaao Karo"

Yeh Nahi Kaha Ke Dostiyaan Karo Aur Muhabbat Karo.
---------------------------------------
Aur Aisey Hi Allaah Ka Farmaan Waalidain Ke Baarey Mein Hai :
"Aur Agar Woh Donon Tujh Par Is Baat Ka Dabaao Daalein Ke Tu Mere Saath
(Kisi Ko) Shareek Kare Jis Ka Tujhe ilm Na Ho Tou Tu Unka Kehna Na Maanna.
Haan Dunya Mein Unke Saath Achhi Tarah Basar Karna Aur Uski Raah Chalna
Jo Meri Taraf Jhuka Hua Hai...” [Al-Luqmaan : 15]

Haalanke Asmaa (Raziyallaahu Anha) Ki Waalidah Unke Paas Aayi Silah Rahmi Ka
Mutaalibah Kiya Jabke Yeh Maa Kaafirah Thi Tou Us Baar Bhi Asmaa (Raziyallaahu
Anha) Ne Rasool Allaah Se Ijaazat Chaahi Tou Unho Ne Kaha: "Apni Maa Ke
Saath Silah Rahmi Ka Bartaao Karo."
Jabke Allaah Ka Farmaan Hai "Allaah Ta’aalaa Par Aur Qiyaamat Ke Din Par
Eemaan Rakhne Waalon Ko Aap Allaah Aur Uske Rasool Ki Mukhaalifat Karne

22
Waalon Se Muhabbat Rakhte Huye Hargiz Na Paaengey. Chaahey Woh Unke
Baap Ya Unke Bete Ya Unke Bhaai Ya Unke Qabeeley Ke (Azeez) Hi Kyun Na
Ho." [Al-Mujaadalah : 22]

Isliye Silah Rahmi Aur Qaraabat Daari Ke Huqooq Aur Dunyavi Sulook Alag Cheez
Hain. Aur Muhabbat Wa Muwaddad Doosri Cheez Hain. Kyunke Silah Rahmi
Aur Husn-e-Sulook Muqaabil Kaafir Ko Islaam Ki Taraf Raaghib Karega.

Aur (Yeh) Donon Wasaail Da'wat Mein Se Hain Bar-Khilaaf Muwaddat Aur
Mawaalaat Ke, Ke Woh Donon Is Baat Ki Daleel Hote Hain Ke Insaan Kaafir Ke
Deen Aur Taur Tareeqey Ka Iqraar Karta Hai Aur Uska Mu'tarif Hai. Aur Kufr Par
Razamandi Hai, Kyunke Yeh Shakhs Usey Islaam Ki Da'wat Nahi Deta.
Aur Aisey Hi Kuffaar Se Mawaalaat Ki Hurmat Ka Matlab Yeh Bhi Nahi Hai Ke
Insaan Unke Saath Leyn Deyn Rakhna Bhi Haraam Samjhe Jaisa Ke Mubaah Aur
Jaaez Tijaarat Leyn Deyn Aur Saamaan Mangwaana Ya Faaedemand Masnoo'aat
Is Tarah Unke Tajrubey Aur Tehqeeq Aur ijaadaad (inventions) Se Daardah Uthaana
Jaisa Ke Nabi (‫ )ﷺ‬Ne Ibn Areeqat Al-Laisi Ko Ujrat Par (Ya'ni Paise Dekar) Apne
Saath Karliya Tha Taaki Woh Aapko Raasta Bataaye. Jabke Woh Kaafir Tha.
Isi Tarah Rasool Allaah Ne Ba'z Yahoodiyon Se Qarz Liya, Hamesha Hi Se Musalmaan
Saamaan Aur Deegar Masnoo'aat Kuffaar Se letey Rahey Hai, Uska Ta'lluq Qeematan
Bai'y Wa Sharaa Se Hai, Jabke Usme Hamaare Oopar Ehsaan Na Meharbaani.
Aur Na Yeh Kuffaar Ki Mawaalaat Ke Daaerey Mein Aata Hai Kyunke Allaah Ne
Mumineen Ki Muhabbat Aur Mawaalaat Jabke Kuffaar Ki Nafrat Wa Baraa-at Ko
Hum Par Waajib Kiya Hai.

----------------------------------------------------------------------------------------------------------

AL-WALAA WAL-BARAA KE ETEBAAR SE LOGON

KI TEEN (3) QISMEIN HAIN.

1. JIN SE KHAALIS MUHABBAT HONI CHAAHIYE AUR UNSE DUSHMAN

KA SHAAIBAH TAK NA HO :

23
Yeh Khaalis Eemaan Waale Hain, Ya'ni Ambiyaa, Siddiqeen, Shuhadaa,
Saaliheen Unke Muqaddimey Mein Rasool Allaah (‫ )ﷺ‬Ki Shakhsiyat Aati Hai
Ke Aap Ki Muhabbat Is Tarah Waajib Hai Ke Woh Jaan, Baap, Daada Aur Aulaad
Aur Tamaam Logon Par Fauqiyat Rakhti Ho.

Aur Uske Ba'd Nabi (‫ )ﷺ‬Ki Beewiyaan (Hamaari Maaein) Aur Paakiza Ahle Bait
Aur Qaabil-e-Takreem Sahaabah Bil-Khusoos Khulafaa-e-Raashideen (Abu Bakr,
Umar, Usmaan Aur Ali Raziyallaahu Anhum), Aur Baaqi Ashrah Mubashsharah Aur
Muhaajireen Wa Ansaar Aur Ahle Badr Aur Ahle Bai'atur-Rizwaan Aur Phir
Deegar Sahaabah (Raziyallaahu Anhum Ajma'een).
Phir Taaba'een Aur Khairul-Quroon Aur Is Ummat Ke Salaf Saaliheen Aur
Aimmah, Masalan Chaar (4) Aimmah.
Allaah Ta'aalaa Ka Farmaan Hai: Aur (Unke Liye) Jo Inke Ba’d Aayein Jo
Kahengey Ke, Aye Hamaare Rabb Humein Bakhsh Dey Aur Hamaare Un
Bhaaiyon Ko Bhi Jo Hum Se Pehle Eemaan Laa Chukey Hain Aur Eemaan Daaron
Ki Taraf Se Hamaare Dil Mein Keena (Aur Dushmani) Naa Daal Aye Hamaare
Rabb Beshak Tu Shafaqqat Aur Meharbaani Karne Waala Hai.” [Al-Hashr : 10]
Jis Shakhs Ke Dil Mein Eemaan Ho Woh Shakhs Sahaabah Aur Slaf
Saaliheen Se Bughz Nahi Rakh Sakta. Sahaaba Se Bughz Tou Sirf Ahle Zaygh
Aur Nifaaq Aur Dushman-e-Islaam Rakh Sakte Hain. Jaisa Ke Rawaafidh Aur
Khawaarij Hain. Hum Allaah Se Aafiyat Ka Sawaal Karte Hain.

2. WOH LOG JIN SE KHAALIS BUGHZ AUR ADAAWAT RAKHI JAAYE

MEIN MUHABBAT AUR MAWAALAAT KA SHAAIBAH TAK NA HO :
Yeh Log Khaalis Kuffaar, Mushrikeen, Munaafiqeen, Murtaddeen (apostates)
Aur Mulhideen (atheists) Apne Mukhtalif Rang Aur Dhang Mein, Jaisa Ke Allaah
Ka Farmaan Hai :
“Allaah Aur Qiyaamat Ke Din Eemaan Rakhne Waalon Ko Aap Allaah Aur Uske
Rasool Ki Mukhaalifat Karne Waalon Se Muhabbat Rakhte Huye Nahi
Paaengey Chaahey Woh Unke Baap Ya Unke Bete Ya Unke Bhaai Ya Unke
Kumbey Qabeeley Ke Azeez Hi Kyun Na Ho.” [Al-Mujaadalah : 22]
Allaah Ta'aalaa Ne Bani Israail Ki Tanqeed Karte Huye Farmaaya: “Un Mein Se
Bohat Se Logon Ko Aap Dekhengey Ke Woh Kaafiron Se Dostiyaan Karte Hain

24
Jo Kuch Unho Ne Apne Liye Aagey Bhej Rakha Hai Woh Bohat Buraa Hai Ke
Allaah Unse Naaraaz Hua Woh Hamesha Jahannam Mein Rahengey.” (80)

“Agar Unhein Allaah Par Nabi Par Aur Jo Naazil Kiya Gaya Hai (Ya’ni Qur-aan
Par) Eemaan Hota Tou Yeh Kuffaar Se Dostiyaan Na Karte Lekin Un Mein Ke
Aksar Log Faasiq Hai.” (81) [Soorah Al-Maaidah : 80, 81]

3. JIN KE SAATH KAHIN MUHABBAT AUR KAHIN BUGHZ

(Nafrat) RAKHA JAATA HAI :
Inke Saath Muhabbat Aur Bughz Ek Saath Kiye Jaate Hain, Aur Yeh Log Hai
Naafarmaan Ahle Eemaan. In Mein Eemaan Ki Miqdaar (Quantity) Ke Hisaab Se
Unse Muhabbat Ki Jaati Hai
Aur Jis Qadar Ma'siyat (Naafarmaani) Paayi Jaati Hai Jo Kufr Wa Shirk Ke Darjey Ko
Nahi Pohanchti, Is Qadar Bughz Rakha Jaata Hai.
Muhabbat Ka Taqaaza Yeh Hai Ke Unko Naseehat Kee Jaaye Aur Buraayi Par
Nakeer Kee Jaaye (Ya'ni Roka Jaaye Ya Unka Inkaar Kare). Unki Naafarmaani Aur
Gunaahon Par Sukoot Aur Khamoshi Jaaez Nahi Balke Yahaan Amr Bil-Ma'roof
Aur Nahi Anil-Munkar (Ya'ni Bhalaayi Ka Hukm Dena Aur Buraayi Se Rokne) Ka
Fareeza Anjaam Diya Jaaye.

Aur Unko Hudood (Allaah Ne Jo Haddein (limits) Muqarrar Kee Hai Usse) Aur
Ta'zeeraat Se Mustasnaa (Chhoote Huye/exceptional) Na Samjha Jaaye Taaki
Naafarmaani Ko Chhord Dein Aur Buraaiyon Se Taubah Karein.
Lekin Unse Aisa Khaalis Bughz Bhi Na Rakha Jaaye Ke Unse Bezaari Ka
Izhaar Kardein. Jaisa Ke Shirk Se Kamtarr Kabeera Gunaahon Ke Murtakib Ke
Baarey Mein Khawaarij Ka Ravayya Hai.
Aur Na Hi Muhabbat Bina Qaid Aur Shart Ho Jaisa Ke Murjiah Kehte Hain Balke
In Logon Ke Muta'lliq Miyaana Ravee (Etedaal/Darmiyaan Ka Raasta) Apnaaye
Jaisa Ke Oopar Zikr Hua Aur Yahi Ahle Sunnat Wal Jamaat Ka Tareeqa Hai.
Allaah Ke Waaste Muhabbat Aur Usi Ke Liye Bughz Eemaan Ka Mazboot
Tareen Darjah (Aur Zanjeer) Hai.

25
Aur Qiyaamat Ke Din Aadmi Apne Dunyavi Mehboob Ke Saath Hi Hoga Jaisa Ke
Hadees Mein Hai. Ya'ni "Jis Se Dunya Mein Muhabbat Kee Hogi Usi Ke Saath
Hoga." [Saheeh Al-Bukhaari : 6168]
Haalaat Badal Chukey Hain, Aur Ab Aksar Log Ke Ta'lluqaat, Muhabbat Aur
Dosti Aur Nafrat Wa Dushmani Dunyavi Maqaasid Ke Pesh Nazar Hain,
Pas Jis Se Dunyavi Tama' Ho Muhabbat Kee Jaati Hai Aur Raabtey Rakhey Jaate Hain
Agarchey Woh Allaah Aur Uske Rasool Ka Dushmani Aur Deen-e-Islaam Ka Beri Hai.

Aur Jis Se Koi Dunyavi Faaedah Na Ho Usse Dushmani Kee Jaati Hai Aur
Mukhaalifat Kee Jaati Hai Agarchey Woh Allaah Aur Uske Rasool Ka Dost Hi
Kyun Na Ho. Koi Mamooli Wajah Hi Kyun Na Ho Tou Us Par Bhi Usey Tang Kiya Jaata Hai.
Abdullaah Bin Abbaas (Raziyallaahu Anhu) Kehte Hain :
"Jis Shakhs Ne Allaah Ke Liye Muhabbat Kee Aur Allaah Hi Ke Liye Bughz
(Nafrat) Rakha Aur Allaah Hi Ke Waaste Dushmani Tou Woh Is Amal Ki Wajah
Se Allaah Ka Wali (Dost) Ho Jaayega.

Jabke Logon Ka Bhaai Chaara Sirf Dunyavi Maqaasid Ke Liye Rehgaya Hai Jis Ka
Unhein Koi Faaedah Nahi Hoga.” [Ibn Jareer At-Tabari Fee Tafseer]

Abu Hurairah Se Marvi Hai Ke Rasool Allaah (‫ )ﷺ‬Ne Farmaaya :

"Jis Ne Mere Wali Wa Dost Se Dushmani Kee Tou Main Ne Uske Khilaaf
Elaan Jung Kiya." [Saheeh Al-Bukhaari]
Sab Se Shadeed Allaah Ke Khilaaf Jung Karne Waala Woh Shakhs Hai Jo Rasool
Allaah Ke Sahaabah Se Dushmani Kare Ya Unhein Gaaliyaan Dey Ya Unki Tanqees
Kare. SOURCE: [Al-Walaa Wal-Baraa Fil Islaam, Taaleef : Shaikh Saalih Al-Fauzaan]
-------------------------------------------------------------------------------------------------------------------------

Ibraahim (Alaihissalaam) Ke Baarey Mein Aata Hai Ke, Kaise Unho Ne Aur
Unki Qaum Ne Khule Aam Apne Logon Se Bezaari Wa Baraa-at Ka Izhaar Kiya
Tha Kyunke Us Qaum Ke Log Allaah Ke Siwa Kisi Aur Ki Ibaadat Karte The
(Mushrik The). Aur Kaise Un Sab Ne Apni Qaum Se Kehdiya Tha Ke :

"Beshak Hum Tum Se Aur Jin Jin Ki Tum Allaah Ke Siwa Ibaadat Karte Ho Un
Sab Se Bezaari Aur Baraa-at Ka Elaan Karte Hain

26
Hum Tumhaare (Aqaaid Ke) Munkir Hain. Aur Hum Mein Aur Tum Mein
Hamesha Ke Liye Dushmani Aur Nafrat Zaahir Hogayi Jab Tak Ke Tum Ek Allaah
Par Eemaan Na Laao..." [Al-Mumtahinah : 4]

Allaah Ta'aalaa Ne Khud Apne Nabi Muhammad (‫ )ﷺ‬Ko Aur Is Ummat Ke

Har Fard Ko Bhi Ibraahim (Alaihissalaam) Ke Deen Ki Pairvi Karne Ka Hukm Diya
Hai. Jis Ko Hum Millat-e-Ibraahim Kehte Hain. Allaah Ta'aalaa Ne Kaha :
1. "Ibraahim (Alaihissalaam) Ke Deen Se Wahi Berughbati (Ya'ni Doori ikhtiyaar)
Karega Jo Mehaz Bewaqoof Ho. Hum Ne Tou Usey Duniya Mein Bhi Bar-Gazeeda
Kiya Tha Aur Aakhirat Mein Bhi Woh Neyk Logon Mein Se Hai." [Al-Baqarah : 130]

2. "Keh Deejiye Ke Allaah Sachcha Hai Tum Sab Ibraahim Haneef Ke Millat
(Ya'ni Deen/Raaste) Ki Pairvi Karo Jo Mushrik Na The." [Aal-Imraan : 95]

3. "Phir Hum Ne Aap (Nabi ‫ )ﷺ‬Ki Taraf Vahee (revelation) Bheji Ke Aap
Millat-e-Ibrahim Ki Pairvi Karein Jo Mushrikon Mein Se Na The." [An-Nahl : 123]
Allaah Ta'aalaa Ne Qur-aan Mein Hamaare Liye Sirf Do (2) Logon Ki Zindagi Ko Namoona
(Example) Bataaya Hai Aur Unke Tareeqey Ki Pairvi Karne Ka Hukm Diya Hai. Ek
Hamaare Nabi Muhammad (‫ )ﷺ‬Hain Aur Doosre Ibraahim (Alaihissalaam).

Aur Ibraahim (Alaihissalaam) Ka Apne Baap Ke Liye Maghfirat Ki Duaa Maangna

Woh Sirf Vaadey Ki Wajah Se Tha Jo Unho Ne Usse Vaada Karliya Tha (Dekhiye
Sūrah Al-Mumtahinah:4) Phir Jab Un Par Yeh Baat Zaahir Hogayi Ke Woh Allaah Ka
Dushman Hai Tou Woh Usse Mehaz Bey Ta'lluq Hogaye. Waaqayi Ibraahim
Badey Naram Dil Aur Burd-Baar The." [Sūrah At-Taubah : 114]

"Aur Jabke Ibraahim (Alaihissalaam) Ne Apne Waalid Se Aur Apni Qaum Se

Farmaaya Ke Main Un Cheezon Se Bezaar Hoon Jin Ki Tum Ibaadat Karte Ho."
[Az-Zukhruf : 26]

"Tum Aur Tumhaare Agley Baap Daada Woh Sab Mere Dushman Hain."
[Ash-Shuaraa : 76]

Maloom Hua Ke Har Aulaad Ki Tarah Ibraahim (Alaihissalaam) Bhi Apne Baap Ko
Hidaayat Yaafta Dekhna Chaahte The Aur Unke Liye Duaa Karte The.

Lekin Jab Unku Maloom Hua Ke Woh Allaah Ke Dushman Hai Tou Woh Unse
Allaah Ke Liye Door Hogaye Aur Nafrat Wa Dushmani Ka Izhaar Kiya.

27
NOTE: Sirf Waalidain Ke Saath Husn-e-Sulook Karna Zaroori Hai Agarche Woh
Mushrik Wa Kaafir Hi Kyun Na Ho. Lekin Unse Dili Muhabbat Rakhna Bilkul Na
Jaaez Aur Haraam Hai, Aap Unke Liye Hidaayat Ki Duaa Karsakte Hain Aur
Dunyavi Lihaaz Se Unke Saath Achha Sulook Karein.

Aur Allaah Ne Hamaare Liye Ibraahim (Alaihissalaam) Ki Zindagi Ko Namoona

Banaaya Hai. Humein Bhi Unhi Ke Deen Ki Pairvi Karna Aur Unhi Ki Tarah Deen
Ki Da'wat Wa Tableegh Karni Hai.

KISI AALIM NE KYA KHOOB KAHA HAI :

“Agar Ta’leem Aur Tarbiyyat Ki Bunyaad, (yeh chaar cheezon par na rahi)
1. Tauheed Aur
2. Taaghoot Ka Inkaar Karna,
3. Allaah Ki Raah Mein Jihaad Karna Aur
4. Al-Walaa Wal-Baraa Na Ho,
Tou Uska Muqaddar Naakaami Hai. Aur Nateejey Mein Naujawaan Nasl
Taaghoot Ki Himaayati Aur Ghaddaaron Ke Ghulaam Bann Jaaengey.”
Is Baarey Mein Aur Bohat Se Dalaael Hain Aur Bhi Aayaat Hain Samjhaane Ke
Liye Lekin Jisey Allaah Ta’aalaa Hidaayat Dena Chaahey Uske Liye Yahi Bohat
Hai Aur Jisey Gumraah Karna Chaahey Tou Phir Jaisa Ke Uska Farmaan Hai :
“Yaneenan Jin Logon Par Tere Rabb Ka Faisla Saadiq Aagaya Dardnaak Azaab
Ka Mushaahida Karne Tak Eemaan Na Laaengey Agarchey Unke Paas Har
Nishaani Aajaaye.” [Soorah Yoonus : 97]
Bas Allaah Se Har Waqt Duaa Karte Rahein Ke, Humein Haqq Ko Pehchaan Kar Us
Amal Karne Waala Aur Aisey Hi Baatil Ko Pehchaan Kar Usse Bachne Waala Banaaein
Aur Humein Maut Dey Tou Sirf Islaam Ki Haalat Par Dey Aur Humein Siddiqeen,
Shuhadaa Wa Saaliheen Mein Shaamil Farmaa. Aammeen!

To download more Islaamic PDFS, search Ibn Aadam Archive on Google.

Or visit this link: https://archive.org/details/@ibn_aadam

28