.. ĀDITYAHṚDAYAM ..
tato yuddhapariśrāntaṃ samare cintayā sthitam .
rāvaṇaṃ cāgrato dṛṣṭvā yuddhāya samupasthitam .. 1..
daivataiśca samāgamya draṣṭumabhyāgato raṇam .
upāgamyābravīdrāmamagastyo bhagavānṛṣiḥ .. 2..
rāma rāma mahābāho śṛṇu guhyaṃ sanātanam .
yena sarvānarīnvatsa samare vijayiṣyasi .. 3..
ādityahṛdayaṃ puṇyaṃ sarvaśatruvināśanam .
jayāvahaṃ japennityamakṣayaṃ paramaṃ śivam .. 4..
sarvamaṅgalamāṅgalyaṃ sarvapāpapraṇāśanam .
cintāśokapraśamanaṃ āyurvardhanamuttamam .. 5..
raśmimantaṃ samudyantaṃ devāsuranamaskṛtam .
pūjayasva vivasvantaṃ bhāskaraṃ bhuvaneśvaram .. 6..
sarvadevātmako hyeṣa tejasvī raśmibhāvanaḥ .
eṣa devāsuragaṇām̐llokān pāti gabhastibhiḥ .. 7..
eṣa brahmā ca viṣṇuśca śivaḥ skandaḥ prajāpatiḥ .
mahendro dhanadaḥ kālo yamaḥ somo hyapāṃ patiḥ .. 8..
pitaro vasavaḥ sādhyā hyaśvinau maruto manuḥ .
vāyurvahniḥ prajāprāṇa ṛtukartā prabhākaraḥ .. 9..
ādityaḥ savitā sūryaḥ khagaḥ pūṣā gabhastimān .
suvarṇasadṛśo bhānurhiraṇyaretā divākaraḥ .. 10.. or bhānurviśvaretā
haridaśvaḥ sahasrārciḥ saptasaptirmarīcimān .
timironmathanaḥ śambhustvaṣṭā mārtāṇḍa aṃśumān .. 11.. or mārtaṇḍa
hiraṇyagarbhaḥ śiśirastapano bhāskaro raviḥ .
agnigarbho'diteḥ putraḥ śaṅkhaḥ śiśiranāśanaḥ .. 12..
vyomanāthastamobhedī ṛgyajuḥsāmapāragaḥ .
ghanavṛṣṭirapāṃ mitro vindhyavīthī plavaṅgamaḥ .. 13..
ātapī maṇḍalī mṛtyuḥ piṅgalaḥ sarvatāpanaḥ .
kavirviśvo mahātejāḥ raktaḥ sarvabhavodbhavaḥ .. 14..
nakṣatragrahatārāṇāmadhipo viśvabhāvanaḥ .
tejasāmapi tejasvī dvādaśātmannamo'stu te .. 15..
namaḥ pūrvāya giraye paścimāyādraye namaḥ .
jyotirgaṇānāṃ pataye dinādhipataye namaḥ .. 16..
jayāya jayabhadrāya haryaśvāya namo namaḥ .
namo namaḥ sahasrāṃśo ādityāya namo namaḥ .. 17..
nama ugrāya vīrāya sāraṅgāya namo namaḥ .
namaḥ padmaprabodhāya mārtāṇḍāya namo namaḥ .. 18.. or mārtaṇḍāya
brahmeśānācyuteśāya sūryāyādityavarcase .
bhāsvate sarvabhakṣāya raudrāya vapuṣe namaḥ .. 19..
tamoghnāya himaghnāya śatrughnāyāmitātmane .
kṛtaghnaghnāya devāya jyotiṣāṃ pataye namaḥ .. 20..
taptacāmīkarābhāya vahnaye viśvakarmaṇe . or haraye viśvakarmaṇe
namastamo'bhinighnāya rucaye lokasākṣiṇe .. 21..
nāśayatyeṣa vai bhūtaṃ tadeva sṛjati prabhuḥ .
pāyatyeṣa tapatyeṣa varṣatyeṣa gabhastibhiḥ .. 22..
eṣa supteṣu jāgarti bhūteṣu pariniṣṭhitaḥ .
eṣa evāgnihotraṃ ca phalaṃ caivāgnihotriṇām .. 23..
vedāśca kratavaścaiva kratūnāṃ phalameva ca .
yāni kṛtyāni lokeṣu sarva eṣa raviḥ prabhuḥ .. 24..
.. phala śrutiḥ ..
enamāpatsu kṛcchreṣu kāntāreṣu bhayeṣu ca .
kīrtayan puruṣaḥ kaścinnāvasīdati rāghava .. 25..
pūjayasvainamekāgro devadevaṃ jagatpatim .
etat triguṇitaṃ japtvā yuddheṣu vijayiṣyasi .. 26..
asminkṣaṇe mahābāho rāvaṇaṃ tvaṃ vadhiṣyasi .
evamuktvā tadā'gastyo jagāma ca yathāgatam .. 27..
etacchrutvā mahātejā naṣṭaśoko'bhavattadā .
dhārayāmāsa suprīto rāghavaḥ prayatātmavān .. 28..
ādityaṃ prekṣya japtvā tu paraṃ harṣamavāptavān .
trirācamya śucirbhūtvā dhanurādāya vīryavān .. 29..
rāvaṇaṃ prekṣya hṛṣṭātmā yuddhāya samupāgamat .
sarva yatnena mahatā vadhe tasya dhṛto'bhavat .. 30..
atha raviravadannirīkṣya rāmaṃ
muditamanāḥ paramaṃ prahṛṣyamāṇaḥ .
niśicarapatisaṅkṣayaṃ viditvā
suragaṇamadhyagato vacastvareti .. 31..
iti ādityahṛdayaṃ mantram ..
শ্রীদুর্গাষ্টোত্তরশতনামস্তোত্রম্
॥ ওঁ ॥
॥ শ্রী দুর্গায়ৈ নমঃ ॥
অথ শ্রীদুর্গাষ্টোত্তরশতনামস্তোত্রম্ ।
ঈশ্বর উবাচ ।
শতনাম প্রবক্ষ্যামি শৃণুষ্ব কমলাননে ।
যস্য প্রসাদমাত্রেণ দুর্গা প্রীতা ভবেৎ সতী ॥ ১॥
ওঁ সতী সাধ্বী ভবপ্রীতা ভবানী ভবমোচনী ।
আর্যা দুর্গা জয়া চাদ্যা ত্রিনেত্রা শূলধারিণী ॥ ২॥
পিনাকধারিণী চিত্রা চণ্ডঘণ্টা মহাতপাঃ ।
মনো বুদ্ধিরহঙ্কারা চিত্তরূপা চিতা চিতিঃ ॥ ৩॥
সর্বমন্ত্রময়ী সত্তা সত্যানন্দস্বরূপিণী ।
অনন্তা ভাবিনী ভাব্যা ভব্যাভব্যা সদাগতিঃ ॥ ৪॥
শাম্ভবী দেবমাতা চ চিন্তা রত্নপ্রিয়া সদা ।
সর্ববিদ্যা দক্ষকন্যা দক্ষয়জ্ঞবিনাশিনী ॥ ৫॥
অপর্ণানেকবর্ণা চ পাটলা পাটলাবতী ।
পট্টাম্বর পরীধানা কলমঞ্জীররঞ্জিনী ॥ ৬॥
অমেয়বিক্রমা ক্রু রা সুন্দরী সুরসুন্দরী ।
বনদুর্গা চ মাতঙ্গী মতঙ্গমুনিপূজিতা ॥ ৭॥
ব্রাহ্মী মাহেশ্বরী চৈন্দ্রী কৌমারী বৈষ্ণবী তথা ।
চামুণ্ডা চৈব বারাহী লক্ষ্মীশ্চ পুরুষাকৃ তিঃ ॥ ৮॥
বিমলোৎকর্ষিণী জ্ঞানা ক্রিয়া নিত্যা চ বুদ্ধিদা ।
বহুলা বহুলপ্রেমা সর্ববাহন বাহনা ॥ ৯॥
নিশুম্ভশুম্ভহননী মহিষাসুরমর্দি নী ।
মধুকৈটভহন্ত্রী চ চণ্ডমুণ্ডবিনাশিনী ॥ ১০॥
সর্বাসুরবিনাশা চ সর্বদানবঘাতিনী ।
সর্বশাস্ত্রময়ী সত্যা সর্বাস্ত্রধারিণী তথা ॥ ১১॥
অনেকশস্ত্রহস্তা চ অনেকাস্ত্রস্য ধারিণী ।
কু মারী চৈককন্যা চ কৈশোরী যুবতী যতিঃ ॥ ১২॥
অপ্রৌঢা চৈব প্রৌঢা চ বৃদ্ধমাতা বলপ্রদা ।
মহোদরী মুক্তকেশী ঘোররূপা মহাবলা ॥ ১৩॥
অগ্নিজ্বালা রৌদ্রমুখী কালরাত্রিস্তপস্বিনী ।
নারায়ণী ভদ্রকালী বিষ্ণু মায়া জলোদরী ॥ ১৪॥
শিবদূতী করালী চ অনন্তা পরমেশ্বরী ।
কাত্যায়নী চ সাবিত্রী প্রত্যক্ষা ব্রহ্মবাদিনী ॥ ১৫॥
য ইদং প্রপঠেন্নিত্যং দুর্গানামশতাষ্টকম্ ।
নাসাধ্যং বিদ্যতে দেবি ত্রিষু লোকেষু পার্বতি ॥ ১৬॥
ধনং ধান্যং সুতং জায়াং হয়ং হস্তিনমেব চ ।
চতু র্বর্গং তথা চান্তে লভেন্মুক্তিং চ শাশ্বতীম্ ॥ ১৭॥
কু মারীং পূজয়িৎবা তু ধ্যাৎবা দেবীং সুরেশ্বরীম্ ।
পূজয়েৎ পরয়া ভক্ত্যা পঠেন্নামশতাষ্টকম্ ॥ ১৮॥
তস্য সিদ্ধির্ভ বেদ্ দেবি সর্বৈঃ সুরবরৈরপি ।
রাজানো দাসতাং যান্তি রাজ্যশ্রিয়মবাপ্নুয়াৎ ॥ ১৯॥
গোরোচনালক্তককু ঙ্কু মেব
সিন্ধূ রকর্পূরমধুত্রয়েণ ।
বিলিখ্য যন্ত্রং বিধিনা বিধিজ্ঞো
ভবেৎ সদা ধারয়তে পুরারিঃ ॥ ২০॥
ভৌমাবাস্যানিশামগ্রে চন্দ্রে শতভিষাং গতে ।
বিলিখ্য প্রপঠেৎ স্তোত্রং স ভবেৎ সম্পদাং পদম্ ॥ ২১॥
॥ ইতি শ্রীবিশ্বসারতন্ত্রে দুর্গাষ্টোত্তরশতনামস্তোত্রং সমাপ্তম্ ॥
NAVAGRAHAPĪḌĀHARASTOTRAM
grahāṇāmādirādityo lokarakṣaṇakārakaḥ .
viṣamasthānasaṃbhūtāṃ pīḍāṃ haratu me raviḥ .. 1..
rohiṇīśaḥ sudhāmūrtiḥ sudhāgātraḥ sudhāśanaḥ .
viṣamasthānasaṃbhūtāṃ pīḍāṃ haratu me vidhuḥ .. 2..
bhūmiputro mahātejā jagatāṃ bhayakṛt sadā .
vṛṣṭikṛdvṛṣṭihartā ca pīḍāṃ haratu me kujaḥ .. 3..
utpātarūpo jagatāṃ candraputro mahādyutiḥ .
sūryapriyakaro vidvān pīḍāṃ haratu me budhaḥ .. 4..
devamantrī viśālākṣaḥ sadā lokahite rataḥ .
anekaśiṣyasampūrṇaḥ pīḍāṃ haratu me guruḥ .. 5..
daityamantrī gurusteṣāṃ prāṇadaśca mahāmatiḥ .
prabhustārāgrahāṇāṃ ca pīḍāṃ haratu me bhṛguḥ .. 6..
sūryaputro dīrghadeho viśālākṣaḥ śivapriyaḥ .
mandacāraḥ prasannātmā pīḍāṃ haratu me śaniḥ .. 7..
mahāśirā mahāvaktro dīrghadaṃṣṭro mahābalaḥ .
atanuścordhvakeśaśca pīḍāṃ haratu me śikhī .. 8..
anekarūpavarṇaiśca śataśo'tha sahasraśaḥ .
utpātarūpo jagatāṃ pīḍāṃ haratu me tamaḥ .. 9..
.. iti brahmāṇḍapurāṇoktaṃ navagrahapīḍāharastotraṃ sampūrṇam ..
BEEJ MANTRAS
Sun
ॐ ह्रां ह्रीं ह्रौं सः सूर्याय नमः
oṃ hrāṃ hrīṃ hrauṃ saḥ sūryāya namaḥ
Moon
ॐ श्रां श्रीं श्रौं सः चंद्रमसे नमः
oṃ śrāṃ śrīṃ śrauṃ saḥ caṃdramase namaḥ
Mars
ॐ क्रां क्रीं क्रौं सः भौमाय नमः
oṃ krāṃ krīṃ krauṃ saḥ bhaumāya namaḥ
Mercury
ॐ ब्रां ब्रीं ब्रौं सः बुधाय नमः
oṃ brāṃ brīṃ brauṃ saḥ budhāya namaḥ
Jupiter
ॐ ग्रां ग्रीं ग्रौं सः गुरुवे नमः
oṃ grāṃ grīṃ grauṃ saḥ guruve namaḥ
Venus
ॐ द्रां द्रीं द्रौं सः शुक्राय नमः
oṃ drāṃ drīṃ drauṃ saḥ śukrāya namaḥ
Saturn
ॐ प्रां प्रीं प्रौं सः शनैश्चराय नमः
oṃ prāṃ prīṃ prauṃ saḥ śanaiścarāya namaḥ
Rahu
ॐ भ्रां भ्रीं भ्रौं सः राहवे नमः
oṃ bhrāṃ bhrīṃ bhrauṃ saḥ rāhave namaḥ
Ketu
ॐ स्रां स्रीं स्रौं सः के तवे नमः
oṃ srāṃ srīṃ srauṃ saḥ ketave namaḥ
