Synfocity = 763
Synod Information & Publicity Department, Synod Office , Annexe Building, Mission Veng, Aizawl
1 MSSU Trainers' Meet vawi 9-na
Dec 17, 2019 (Nilaini) khan MSSU buatsaihin Trainers' Meet vawi 9-na Synod Committee Room I-ah
neih a ni a, MSSU trainer mi 19 an kal thei a ni.
Trainer's meet hi Rev. B. Sangthanga, Executive Secretary i/c MSSU-in a kaihruai a, Pi Lalpianthangi
Hrahsel, MSSU Coordinator-in inhmelhriattirna hun a hmang a, Rev. B. Sangthanga hnen a\angin
fuihna thuchah ngaihthlak a ni a. Upa Lal\hahluna Ralte, Asst. Coordinator hnen a\angin kum thar atana
inbuatsaihna hrang hrangte ngaithlak a ni a. Chawhnu lamah Rev. K. Lalpiangthara hnen a\angin
nakkum 2020 Puitling Sunday School zirlai kamkeu-na ngaihthlak a ni.
Trainers' Meet hi rawngbawl tura infuih tharna hun atan hman a ni deuh ber \hin a, Puitling Sunday
School zirlaibu ziaktu hovin zirlai zir lawkna an nei.
1 Synod Office inthlahna hun hmang
Dec. 18, 2019 (Nilaini) chawhnu dar 2 khan J.M. Lloyd Hall, Synod Office-ah Synod Office-a thawktu
pension-a chhuak tur leh hmun danga insawn turte thlahna hman a ni.
Programme hi Rev. Lianhmingthanga Sailo, Chairman, Staff Welfare-in a kaihhruai a, Dr. Robert S.
Halliday, Synfo Coordinator-in thlah turte chanchin tawi a sawi a, ngaihhruina thilpek leh certificate hlan
an ni a. Thlahte hnen a\angin thusawi tawi ngaihthlak a ni bawk. Rev. B. Sangthanga, Executive
Secretary-in thlahna thu sawiin \awng\aisakna hun a hmang. Tun \umah hian Synod hnathawk, pension-
a chhuak tur 5 leh hmun danga insawn tur 4 an awm a ni.
Synod Office hi December 21, 2019 (Inrinni) a\angin khar a ni ang a, January 6, 2020-ah hawn leh a ni
ang.
1 Partnership
Synod Partnership Committee chuan inkaihruainain a sawi angin recognized Para Church te leh khawtlang
tana \hahnem ngai taka thawktute pawl hrang hrang 27 te ko khawmin Dec. 17, 2019 (Thawhlehni) khan
J.M. Lloyd Hall, Synod Office-ah an inhmukhawm a, hemi hunah hian Partnership Committee leh Para
Church te thawhhona chungchang paper Rev. Dr. H. Vanlalauva ziak zirho a ni a, hemi hnuah hian
\anpuina Rs. 13,40,000/- sem chhuah nghal a ni.
1 Kolkata-ah Ram lei
Kolkata a Mizo Presbyterian Kohhran tan Biak In leh a \ul atana hman atan Tagore Park Area-ah ram
132' x 120' feet a zau chu lei fel a ni ta a. He ram leina hi Rev. Lianhmingthanga Sailo, Senior
Executive Secretary-in December 16, 2019 khan Synod aiawhin hming a ziak.
1 Thawktu siamrem
SEC 283 : 3 nain a rel angin Synod Office Superintendent Upa Lalrinmuana chu Synod Hospital
Coordinator turin a ruat a, superintendent atan Dr. Robert S. Halliday chu SEC 283 : 9 nain a ruat
thung a ni. He hna hi January 6, 2020 a\angin a zawm ang. Dr. Robert S. Halliday hian Synfo
Coordinator hna chu thu leh awm hma chuan a kawp rih dawn a ni.
1 Worship
Dec. 17, 2019 (Thawhlehni) khan Synod Music School buatsaihin Recital 2019 chu P.C. Girls School
Chapel, Mission Vengah neih a ni a. Rev. K. Lalrinmawia, Executive Secretary i/c Worship-in a
hmanpui.
He Recital 2019 hi Upa H. Lalhmingmawia, Worship Dept. Coordinator-in a kaihruai a, Pu H.
Lalrinmawia, Music Instructor hnen a\angin thupuan ngaihthlak a ni a, Rev. K. Lalrinmawia, Execu-
tive Secretary-in thu a sawi a. He hunah hian Synod Music School-a zirlai hrang hrangten an thiam
thil te phochhuakin hun hlimawm tak an hmang a ni.
Contd,..
Synod Information & Publicity Department, Synod Office, Annexe Building, Mission Veng, Aizawl
1 Synod Mission Board leh ram pawn chet velna chanchin tlangpui
w Kumin 2019 November thla thlenga Mission Field hrang hranga ringthar neih dan hetiang hi a ni:
S.No Field Total S.No Field Total
1) Arunachal & Assam Mission (East) 187 10) Home Mission South 108
2) Arunachal & Assam Mission (North) 140 11) Kolkata 1276
3) Arunachal & Assam Mission (West) 101 12) Lucknow 152
4) Assam 113 13) Nepal 149
5) Barak 190 14) Odisha 190
6) Delhi 93 15) Patna 107
7) Jharkhand 344 16) Siliguri 168
8) Karbi Anglong 219 17) Tripura 1364
9) Home Mission North 226 18) Masihi Sangati 3512
TOTAL 8639
w Arunachal & Assam Mission Field (North)
Kardungsuk Fellowship, Jonai Bialah Dec. 9, 2019 (Thawh\anni) khan Temporary-in Biak In sak a ni a.
Kristian pawh la ni lo, Hindu Hmeithai-in a ramah phal takin Biak In sak nan a pe a, hnatlangho chhun
chaw buatsaihsak bawk a. Kardungsuk Hindu paho mi panga laiin hnatlang hi an pui bawk a ni.
Pasighat Biala Missionary Qtrs thar, Mirem ami chu Dec. 17, 2019 (Thawhlehni) khan luahluh a ni.
1 Synod Revival
w Nov. 10 - 14, 2019 chhung khan Synod Revival Camping Centre, Neibawihah Camping neih a ni a,
Speaker Joseph Zaihmingthanga, Krista Sipai Team a ni. Camp-a lut zawng zawng hi mipa 39, hmeichhia
5, an vaiin 44 an ni. Camp-ah hian veng hrang hrang 18 a\angin an lut a. Camp chhunga mawhphurhna
hrang hrang hi Bawngkawn Bial ten an buaipui a ni.
w Krismas leh Kumthar vuak vet-ah Synod Revival hmalaknain Aizawl leh a chhehvelah Operation
Nehemia neih leh tura ruahmanna siam a ni a, he hunah hian group 14 ah in\hen darhin speaker,
councellor leh Revival Committee member-te an kal ang.
1 Kohhran Hmeichhia
Women Centre, Phunchawng-a thawk turin thawktu lak thar an ni.
1. Puantah zirtirtu - H. Lalrinpuii d/o Rithanga, Bawngkawn Hmarveng.
2. Puan\hui zirtirtu - K. Vanrammawii d/o Lalzawmliana, N. Lungleng
- R. Lalthlamuani d/o Upa Laia (L), Ramhlun Venglai.
3. Security Guard - K. Lalrinmawia s/o Upa K. Lalrova, Phunchawng.
1 Kum 2020 Nilai leh Beihrual Thupui leh Puitling Sunday School Zirlaibu
Mizoram Presbyterian Kohhran chuan nakkum 2020-a Nilai leh Beihrual Thupui leh Puitling Sunday
School zirlaibu tur chu a tichhuak ta.
Heng lehkhabu pahnihte hi Mizo lehkhabu malkhaiah chuan copy chhut chhuah tam berte an ni a.
Puitling Sunday School zirlaibu hi copy 90,000 zet chhut niin Nilai leh Beihrual Thupui hi copy 70,000
chhut a ni a, a copy chhut tam ber \um a la ni. Nakkum 2020 hian Mizoram Presbyterian Kohhran chuan
Puitling Sunday School-ah "Estheri leh Thuhriltu Hrilhfiahna" tih an zir dawn a. He zirlaibu hi Presby-
terian Pastor-te zinga mithiam, Rev. K. Lalpiangthara ziah a ni a, Rs. 100 man a ni.
Mizoram Presbyterian Kohhran Puitling Sunday School zirlaibu hi Mizoram Synod hnuaia Kohhran
zawng zawngte zirlaibu a nih bakah Presbyterian Church of Myanmar (PCM) hnuaia Phai Synod
pumpui chuan an zirlaibu atan an hmang ve nghal zel a. Presbyterian Church of Myanmar leh Mizoram
Synod Partnership Agreement angin Mizoram Synod chuan kumtin Copy 1000 zet a thlawnin Presbyte-
rian Church of Myanmar hi a pe \hin a ni.
Kum 2020 Nilai leh Beihrual Thupui zirlai thupui tur hi "Kohhran leh Zirtirna Dik Lo" tih a ni dawn a.
Mizoram Synod Moderator pawh lo ni tawh leh Presbyterian Pastor-te zinga mithiam, Rev. Vanlalchhunga
ziah a ni a. Rs. 130 man a ni.
Puitling Sunday School zirlai leh Nilai leh Beihrual Thupui hi Mizoram puma Synod Bookroom dawr
zawng zawngah lei theih tura chhawp chhuah tawh a ni.
Contd,..
Synod Information & Publicity Department, Synod Office,
OfficeAnnexe
, AnnexeBuilding,
Building,Mission
Mission Veng, Aizawl
Synfocity =
Synod Information & Publicity Department, Synod Veng, Aizawl
1 Bookroom
w Bookroom chuan kum danga an lo tih \hin tawh angin Krismas 2019 leh Kumthar 2020 Synod
chawlh chhung hian Synod Bookroom dawr zawng zawngte leh Stock Room inhawn theih dan tur
hetiang hian ruahmanna a siam.
December 28, 2019 (Inrinni) leh January 4, 2020 (Inrinni)-ah te ruahmanna a siam a ni.
mail us at : [email protected]; [email protected] - Phone - 2314648
w Puitling Sunday School zirlaibu bakah Synod Bookroom chuan 2020 Synod Calendar keu chi pawh
a peih fel tawh a, keu chi hi Rs. 70/- man a ni.
K|P General Conference 2020 Hla Bu pawh November ni 28, 2019 zanah tlangzarh a ni a, mamawh
apiang tan Synod Bookroom-ah lei theih a ni bawk.
1 Prison Ministry
December 17 - 19 chhung hian District Jail, Aizawl-ah Crusade neih a ni a, Rev. Lalzuithanga speaker
niin Prison Ministry committee member -ten an \awiawm a ni.
1 Synod Relief Fund
Tun hnaia harsatna nei Hualngohmun khuaa Damlo mi 4 hnenah Synod Relief Fund a\angin Rs. 8,000/-
\heuh pek an ni.
1 Hruaina Eng FM Radio
w DECEMBER 20, 2019 (FM Zoawi - Aizawl & Lunglei @ 7:30 p.m.):
Solo : Zoramchhani - Bethlehem arsi engmawi
Zaipawl : Chaltlang Bial Zaipawl - A lo herchhuak leh dawn ta
Thusawi : Rev. Lalramliana Pachuau - Krismas Thuchah
Solo : Saizampuii Sailo - Kumsul liamhnu
Zaipawl : Bungkawn Bial Zaipawl - Thinlung i hlan ang u
1 Hruaina Eng TV Programme
w DECEMBER 22, 2019 (Tv Programme) @ 4:00 - 6:00, 8:00 - 9:00 p.m :
Weekly Round Up, Praise On 2019, Synod Inkhawmpui 2019
w Susamachar Prasaran Programme :
DECEMBER 22, 2019 (Pathianni) 5:00 pm. :
Group/Choir/Solo : Champhai Bethel Pastor Bial - Jab Jab Dekho
Group/Choir/Solo : LH Hindi School - Yeshu MASIH
Sermon : Rev. P.C Rohlira - Uth Prakash Maan Ho
Group/Choir/Solo : P.C Lianhmingthanga - Ye Dharti
Group/Choir/Solo : Chawnpui Kohhran - Thandi Howe
HNA RUAK DIL THEIH
Mizoram Presbyterian Kohhran, PRESCOM Department-a thawk tur Production Manager (Regular) hna
a ruak a, kum 18 - 35 inkar, ni 21.1.2020-a kum 18 tling, kum 35 la pumhlum lo, zuk leh hmuama fihlim
tan dil theih a ni. Hna dilna Form chu Dt. 11.12.2019 (Nilaini) a\angin Synod Office (Aizawl leh
Lunglei)-ah lakchhuah theih a ni ang. Dilna hi Synod Office, Aizawl-ah thehluh tur a ni a. Application
form man Rs. 20/- a ni. Hna dilna Form-ah hriat tur pawimawh tihlan a ni.
Thiamna : Graduate with Diploma in Printing Technology from any recognised University
Hlawh : PM L-10 - 20,600
Dil theih hun chhung : Dt. 10.1.2020 (Zirtawpni), 3 : 00pm thleng
Screening test/exam : Dt. 14.1.2020 (Thawhlehni), 10:00am
Interview : Dt. 21.1.2020 (Thawhlehni), 11:00am
Sd/-
Rev. Lianhmingthanga Sailo
Secretary, Synod Service Board
Synod Office
Students’ Helpline : 9856883377
Mail us at : [email protected],
[email protected]
Synod Information & Publicity
Phone - 2314648 Synfo
Youtube channel : S y n o d I n f o r m a t i o n
