RNI 68092/83 Regn. No. N.E.
1024 From Synod Literature & Publication Board Synod Office, Mission Veng Aizawl 796 001, Mizoram Phone : 2324590
E-mail : slpb@[Link]
Vol. XXV
No. 337
NEWSLETTER
October, 2011
CWM FACE TO FACE PROGRAMME MIZORAMAH
September 26, 2011 zan khan Council for World Mission (CWM) Face to Face (F2F) programme chu Aizawl Theological College, Durtlangah \an a ni a, he programme hian October 17 thleng a awh ang. CWM programme hi session hnihah \hen a ni a, session khatnaah chuan Hawnna leh Inlawmna hun hman a ni a, Pu Lal Thanhawla, Mizoram Chief Minister chu khuallian niin, a nupui Pi Lalriliani leh an faten an \awiawm a, Rev. Zosangliana Colney, Executive Secretary, Theological Education lam changtuin programme a kaihruai a. Programme hmang tura lo kalte hnenah C.M nupui Pi Lalrilianin ngaihhruina thilpek a hlan a, Rev. Dr. Vanlalchhuanawma, Principal, ATC-in inhmelhriattirna hun hmangin Mizoram chu Kristian Chief Minister, khawvel ram hrang hrangin Kristiante thiltih lian thama tel tura an sawm \hin nei a nih avanga ram vannei tak a nih thu a sawi a. Rev. Vanlalzuata, Senior Executive Secretary-in malsawmnain a \in a ni. CWM Face to Face programme hi CWM-in khawvel ram hrang hranga Pathian thu zirlaite puala hnam hrang hrangte nunphung hriatzauna atan leh inhriat pawh tawnna \ha te, inpumkhatna atantea seminar chi khat a buatsaih, kum tina neih \hin, inter-cultural programme tam tak a neih zinga pakhat a ni a. Hetiang lam chi programme hi Mizoramah neih a la ni ngai lo va, tun hi a vawi khatna a ni. A hawnna kaihruaitu Rev. Zosangliana Colney chuan kum 2005-a he programme an hman \uma ATC hian a thleng ve thei ang, tia rawtna a lo siam tawh thu sawiin, a hlawhtlinna hmu phka a awm avanga a lawm thu a sawi. Session hnihna hi Cultural programme atana hman niin, Mizoram Art & Culture Department lamin Cultural Group an rawn tirhte chuan kalkhawmte chu hnam lm leh zai chi hrang hrang an entir a, Mizo folk singer lar, K.C. Runremsangi chuan hnam zai leh Pathian fakna hla sain a awi bawk. Ramhlun North YMA Zaipawlin hnam hla leh Pathian chawimawina hlate an sa bawk. Khuallian, Chief Minister Lal Thanhawla chuan thu sawiin, khawvel ram hrang hrang a\anga lo kalte lawmna thu a sawi a, zanriah buatsaihtu nihna changin mikhualte a lo lawm a ni. Chief Minister chuan, Mizo hnam chu khawvel hnam zawng zawng zinga hnam danglam bik, Pathianin a bik taka a enkawl leh a humhalh a nih thu chhuang takin a sawi a. Khawvela sakhaw lian ber ber pathumten kil tinah an hual vel chung leh, hnam t tak t a ni chungin, chung lam a\anga vengtu Pathian avangin India rama Kristian State tia sawi theih awm chhun a ni, a ti. Pathianin Sap ram a\angin missionary a rawn tir a, he ram hi a rawn zawng chhuak a. Kawng tinrengah a chawi kang a, ziak leh chhiar thiam lamah pawh India rama a pathumna kan ni mek a ni, tih thu sawiin, Mizorama zirna hi Pathian thu avanga lo inhawng a ni a, missionary-te kha kan zirna bul tumtute an ni, a ti. Pathian thuin min siam danglamna hi pwn lam lang theiah chauh ni lovin, chhng lam \hatnaah pawh a lang nasa a, Mizoramah hian rethei leh hausa kan inawm pawlh a, inthliarhranna a awm ve lo. Mi hausa leh rethei inthlirarna society kan ni lo va, chi leh chi inthliarna (Caste system) pawh a awm lo, a ti bawk. Chief Minister chuan Kohhran bik nei lo, Isua Krista kan zui avangin Kristiante inpumkhatna a ngaih pawimawh thu a sawi a, Kohhran Pawl hrangahte awm darh mah ila, Isua Krista avang hian kan inpumkhat thei tur a ni. Mi zawng zawng hi Kohhran hnuaiah hun puma thawktu nih vek theih a ni lo va, mahse hun puma Kristian kan ni vek thei a ni, a ti bawk. Cultural programme hman zawhah hian zanriah kilho a ni. Face to Face programme hmang tur hian khawvel ram hrang hrang 10 a\angin mi 11 an lo kal a, Australia, India, Myanmar, Fiji, Madagascar, Zambia, Kiribati, Congo leh Sri Lanka a\angtea lo kal an ni. September 27 khan seminar neih a ni a, mi thiam hrang hrangte thuziak buatsaih an zirho a ni. Mikhualte hi ATC campus-ah vek an thleng a. Mizoram Synod aiawhin ATC hian thlengtu nihna an chang. He programme hi bung hniha neih tur a ni a, Mizoram Synod leh Bishops College, Kolkata te chu a thlengtute (Joint host) an ni a. Tun \uma mi hi Part One tih a ni a, Mizoramin a thleng a, October 17 thleng awh tur a ni. Part Two chu October ni 20 a\anga November ni 11 thleng tur a ni ang a, Bishops College, Kolkata-ah nghah a ni thung ang. ATC-a seminar leh programme dangte zawh a nih hnuah hian palaite hian feh chhuah hun an hmang dawn a, a thawh khatna chu October 18 chhngin an nei ang a, hemi chhng hian thingtlang lama Presbyterian Kohhran Bial pathum tlawh tura ruahmanna siam a ni. A thawh hnihna hi October 1017 chhngin neih a ni leh ang a, Aizawl khawpui chhnga Presbyterian Kohhran Bial 11 chhnga Kohhrante nunzia zir tura feh chhuah a ni leh ang.
SYNOD
Editorial Staff Rev. Thangzauva Upa H. Ronghaka Rev. B. Lalnghakliana Upa C.H. Thangkhuma
October, 2011
HUMSUAL DAITE PUAL GOSPEL CAMPING
September 26 Oct.8. 2011 chhung khan Central K|P chuan Hmeichhe humsual daite pualin Multipurpose Cultural Centre (MPCC) Berawtlanga Art & Culture hmunah Chhanchhuahna Camping a buatsaih. Chhanchhuahna Camping-ah hian mi 62 an lt a, campers zinga upa ber chu kum 55 a ni a, a naupang ber chu kum 17 a ni a, nau pawmlai luhpui mi 3 an awm bawk. Campers-te kum chawhrual chu kum 27 a ni. Campers-te pual hian Kohhran, Bial K|P, Branch K|P, Kohhran Hmeichhia leh mi mal hnen a\angin thilpek ` 20,000/- chuang pawisa dawn a ni. Damdawi leh thil chi hrang hrang dawn a ni bawk. Thilpek petu zawng zawng chungah Central K|P chuan lawmthu a sawi tak meuh a, \awng\ainaah lo hre zui reng turin Kohhran mipuite a ngen nghal bawk. Campers-te hi kut ruaka lt an nih hlawm avangin Central K|P chuan an mamawh thil engkim a leisak vek a. A tir lamah hian Campers-te taksa tihchak leh damdawi hmanga enkawl phawt a ni. He Camp-ah hian Pi Vanlalnghaki, Jehova Jire Team speaker leh a teamte rawngbawla hman an ni.
Khawvelah hian thil leh ri hriat tur a tam hle a, kan thil hmuh leh hriatte chuan kan nunah nghawng a nei thui thei hle \hin. Kan ngaihthlak leh hriat duhzawng azirin kan nun hi a \ha zawngin emaw, a \ha lo zawng emaw pawhin hruaiin a awm bawk \hin. Chuvangin kan beng leh ngaihtuahna te, kan rilru suhthlek zawngte hian kan nunah awmzia a neih thui em avangin fimkhurna turah chuan i inveng tlat \hin ang u.
RAMPUM HUAP |AWNG|AI TLAIVAR
Mizoram Presbyterian Kohhran Hmeichhiate chuan kum tina an tih \hin angin October 4 (Thawhlehni) zan khan Rampum huap \awng\ai tlaivar programme an hmang. Programme hi hun hnihah \hen a ni a. Hun I-naah Lalpa chunga lawmna chu in chakna a ni si a (Neh. 8:10b; Hab. 3:17,18; Sam 1:1-3) tih thupui zirho a ni. PWF puala thawhlawm lakkhawm a ni bawk. Heng thawhlawmte hi Bial Treasurer kaltlangin December 2011 hmain Synod Office-ah theh luh tur a ni.
HRIATTIRNA
Synod Multipurpose Training Centre, Mission Vengthlangah a hnuaia Trade-ah te hian training hawn a ni leh dawn a; a hnuai hming ziak hnenah hian Kohhran lehkha thil telin dilna theh luh theih a ni 1. Tailoring (mipa) Seat 20 : Jan. 15Dec. 15. 2012 2. Tailoring (hmeichhia) Seat 40 : -do3. Shoe making (mipa) Seat 5 : -doDil theih hun chhung : November 2011 Interview hun : Ni 13.12.2011; 10:00 a.m Zir tura lakte chu thla tin Stipend ` 500/- pek an ni ang. Sd/- Rev. F. Lalrinnunga Programme Director, SMTC, Mission Vengthlang, Aizawl
KRISTIAN TLANGAU CENTENARY LAWM
Ni 11.10.2011 (Thawhlehni) khan Mizorama chanchinbu hlun leh upa ber, Kristian Tlangau kum 100 tlin (Centenary) lawmna hun Synod Conference Centre-ah hman a ni. Centenary lawmna inkhawm hi Rev. Vanlalzuata, Sr. E/S-in a kaihruai a; Upa H. Ronghaka, Secretary, Centenary Sub-Committee-in inhmelhriattirna hun hmangin; Rev. Thangzauva, Editor, Kristian Tlangauin report a pe a; Synod Moderator, Rev. C. Lalsanglianan Centenary Address a sawi a; Thakthing veng Kohhranin Kristian Tlangau chhuah \an hun lai vel tilang thei lemchan hmuhnawm tak an entir bawk. Hemi hunah hian Kristian Tlangau Centenary denchhena Article inziaksiak lawmman sem a nih bakah, Kristian Tlangau-a Sermon & Article ziak tam berte hnenah lawmman hlan a ni a, Centenary puala buatsaih lehkhabu hlu tak tak pali Centenary Souvenir, Sermon 100 thlan chhuah, Article 100 thlan chhuah leh Zawhna leh Chhanna & Editorial thlan chhuah bute tlangzarh a nih hnuin Upa C. Lalbiaktluanga, Business Manager-in lawmthu a sawi a, Rev. Dr. Vanlalchhuanawman malsawmnain inkhawm a \in a ni. He inkhawmah hian Mizoram Synod Choir-in Pathian fakna hla an sa a, Ramthar Veng Kohhran Pavalai Pawlten ei tur an buatsaihsak a, Mission Veng K|P-ten receptionist hna an thawhsak bawk a ni.
PRESBYTERIAN HOSPITAL NGENNA
1. Damdawi In leh a velah meizuk khap a ni. 2. Damdawi In Compound-ah Motor/Bike chak taka tlan leh Engine bengchheng chi khap a ni. 3. Chawlhni (Sunday)-a damlo kan intlawh nasat deuh hian damlo chau zualten an chauh zual phah \hin avangin tlawh dan pawh i thiam deuh ang u. 4. Damdawi Ina damlo thlawhtuten Gate Duty-te thu awih tlang ila, thu awih lote avangin Damdawi In a buai phah \hin. Tuman Gate Duty-te su lui lo turin kan ngen e. Sd/- Director Presbyterian Hospital
SAWMNA
Lungpho Kohhran chuan ni 3 6.11.2011 chhng hian an Kohhran kum za (Centenary) tlin lawm an tum a; he hun hmanpui tur hian Lungpho Kohhrana lo lawi tawh zawng zawngte hmanpui turin an sawm.
October, 2011
SYNOD
PRESBYTERIAN HOSPITAL, DURTLANG SEPTEMBER, 2011 CHHUNGA THILPEK DAWNTE I.
1. 2. 3. 4. 5. 6. 7. 8. 9. 10. 11. 12. 13. 14.
CHARITY FUND
Rs. 2,000 Rs. 10,000 Rs. 5,000 Rs. 2,500 Rs. 1,000 Rs. 5,000 Rs. 10,000 Rs. 500 Rs. 600 Rs. 9,480 Rs. 1,200 Rs. 2,000 Rs. 3,700 Rs. 16,000 Rs. 1,000 Rs. 69,980 PEK ZAT l57 Units l70 Units 167 Units 46 Units 65 Units l50 Units 455 Units Bawlhhlawh ruhna 20 Hmunphiah 35 1 no. 1 no. Rs. 500 Rs. 5,500 Rs. 1,000 Rs. 1,000 Rs. 2,000 Rs. 500 Rs. 500 Rs. 1,000 Rs. 11,500
Rl vngtu in lam panin \hian dun hi an kal a, amah an hmuh chuan a hnenah, Rl vngtu, tun lai chu thil hriatthiam harsa tih kan nei nual mai a, kan sawi thei ang em? an ti a. Rl vngtu chuan, In duh apiang sawi rawh u, a ti a. Anni chuan an thil hriatthiam loh te hetiangin an hrilh a 1. Zion khawpuia khawsaa, phusa ve tak tak zingah hian, Ephraima chu chhang leh loh, tih ang maiin, hmin kim lo, Kohhran bela chhum hmin hleih theih loh an awm \hin a, hetiangho hian Krista taksaah hian harsatna an siam \hin a, a pawi takzet a ni. 2. Rawngbawlna kawnga inpe tak tak lo, a langa mawi zawng mai mai ni wm tak te hian Krista leh a rawngbawl hna an ti\huanawp a, kawng an dal; dah sawn rih a \ha lom ni? 3. Zion khawpui chhngah hian thingngt pangang ang maia hna thawka, ram dang \anpuina la lta che an awm hian, tlk chhiat a ni angin, hetiang lakah hian kan fihlim a va ngai tak em! Rl vngtu, kan sawi seng lo ve. Tawk mai rawh se, an ti a. Rl vengtu chuan, In thusawi a\ang chuan, Krista venpuituten, mahni hmun \heuhvah hna thawh tur kan ngah hle a ni tih hriain; \an i la thar zel ang u, a ti a. An \in ta a.
Dr. K. Lalremmawia, Presbyterian Hospital Rev. C. Sangliana, Venghlui, Aizawl Kawnpui Chhim Veng Presbyterian Kohhran Pu Hrangkunga, N.E. Khawdungsei Gateway Enterprise, Bawngkawn Pu Lalrinliana te chhung, College Veng, Aizawl STAM, Peters Street, Khatla, Aizawl Pu Zoliana, Republic Veng, Aizawl Damparengpui Hmar Veng Kohhran Sairang Pastor Bial Kohhran Hmeichhia Naupang Sunday School, Khawruhlian Bungtlang S Pastor Bial Kohhran Hmeichhia Lungsen Pastor Bial Kohhran Hmeichhia Life Drug Centre, Upper Bazar, Hospital Road, Aizawl 15. Pu Rohminga & Masangi, Lengpui Airport Qtrs., Lengpui TOTAL II. 1. 2. 3. 4. 5. 6. THISEN PETE K|P, Maubawk Pastor Bial DIET, Chaltlang, Aizawl PUC, College Veng College of Veterinary Science & AH, Selesih Govt. Saitual College, Mizoram K|P, Bethlehem Vengthlang Branch, Aizawl TOTAL
PRESCOM KUM 100-NA LAWM
Synod Press & Bookroom tia hriat \hin, Presbyterian Communications Department (PRESCOM) rawngbawlna chuan kum 100 a lo tling ta a, September 20 khan Centenary Week hawnna inkhawm Synod Bookroom kawtah neih a ni a, Sept. 2024 chhung khan Synod Bookroom chuan Centenary Sale an hmang chhunzawm a ni. Oct. 1, 2011 zing dar 7:00-ah Centenary Monument hawnna, PRESCOM Office-ah neih a ni a, Upa P. Thangchhuana, Board Member-in a kaihruai a, Upa F. Lalsangliana, Gen. Manager, PRESCOM-in Report a pe. Synod Moderator Rev. C. Lalsanglianan Centenary Monument hi a hawng. Rev. Lalzuithanga, E/S-in malsawmna sawiin programme a khar. Centenary lawmna inkhawm hi chawhnu dar 12:30-ah Synod Conference Centre-ah neih a ni a. Rev. Vanlalzuata, Sr. E/S-in a kaihruai a, Pu Lalhruaitluanga Ralte, Manager, Synod Press-in inhmelhriattirna hun a hmang a, Upa F. Lalsangliana, G/M-in report pein; Rev. C. Lalsanglianan Centenary Address a sawi. Hemi hunah hian Centenary Souvenir bu leh Documentary Film tlangzarh a nih hnuin Pu Lalniliana, Bookroom Manager-in lawmthu a sawi a, Rev. Thangzauva, Moderator (Elect)-in malsawmnain inkhawm a \in. Press & Bookroom Zaipawl leh Mizoram Synod Choir an zai a, Nl. Nancy Zothanmawiin a zaiin kalkhawmte a awi bawk a ni.
III. THIL DANG PETE 1. K|P, Bethlehem Vengthlang Branch 2. K|P, Sailutar Branch 3. Grace Home tan a)Hlimpuii, W/o Vanlalmuana (L) : i) Respirometer ii) Oxygen Regulator b) Hming thup c) Music System man tur pete Mr. G.W. Williams Bennet * Dr. Vanlalsiama, Vaivakawn * Dr. Valtea, Nazareth Cancer Hosp., Chaltlang * Dr. Zothanpuii Ralte, Care Hospital * Lucy Maruati, Gan Sabra * Lalrinmawii Tochhawng * Dr. Zairemmawii, Durtlang TOTAL
Thilpek petute chungah kan Lalpa Isua Krista hmingin lawmthu kan sawi tak meuh meuh a ni. Sd/- Rev. C. Lalbiakhluna Chaplain, Presbyterian Hospital
SYNOD
October, 2011
Chhngkaw Chanchin
Teikhang Kohhran chuan ni 17.8.1114.9.11 chhung khan Pu C. Lalnunsanga, Joshua Operation Team Speaker ruaiin Camp chhawng thum leh naupang Lng Camp an nei a. Camp chhawng thumna hi V/C-te hmalaknain NGO leh Kohhran hrang hrang a\anga Camping committee indinin buatsaih a ni. Zu hmun sa hmuna tal leh hnungtawlh tawh ten thlarau lam piantharna ropui tak an chang a, khawtlang boruak a nuamin an hlim hle. Camp-a lt zawng zawng hi mi 494 lai an ni. |awng\ai maicham te an din a, Biak In hrang hrangah ni tin inchhawkin tlai lamah an \awng\ai a, Pathianni tlai lamah chawnghei \awng\ai an nei \hin. Khawtlang boruak a nuam hle tih thu kan dawng. Sialhau Kohhran chuan ni [Link].11 chhung khan Tv. C. Lalchullova leh a Team te ruaiin Camping chhawng li leh Naupang Lng Camp an buatsaih a, thlarau nuna chau leh hnungtawlh tawh te harhthar lehin Camp-a lt zawng zawngten Isua Krista Chhandamna an chang vek. Kohhranin lawmthusawi chawimawina an neih bakah, an VCP-in Bawngpa thawhin Pathian an chawimawi a. Pathian Ram thilpekah pawh hma an sawn hle tih thu kan dawng. |hiak Kohhran chuan ni 17.7.201130.7.2011 chhung khan Upa B. Lalrinkima, The Shiboleth Team Speaker ruaiin Crusade leh Camping an buatsaih a, Thlarau Thianghlim hnathawh a thleng nasain Kohhranho an hlim hle. Camper zawng zawng hi mi 215 lai an ni. Kohhrana mi \hahnemngai ten sum an thawh khawm hmangin tisa leh thlarau ruai an \heh a, an hlim hle. Rangvamual Kohhran chuan ni 15.8.1118.9.11 chhung khan Gospel Meichher Team Speaker, Tv. Laldinthara ruaiin Chhandamna Camp chhawng li an nei a. Thlarau Thianghlim hnathawh ropui tak an chang. Camp-a lt zawng zawng hi mi 165 lai an ni a; Camp chhawng khatna leh chhawng hnihna hi Vaivakawn Pastor Bial bultuma neih a ni nghe nghe. Lamherh Kohhran chuan ni 27.8.1118.9.11 chhung khan Pu R. Lalnunkima, Kros Sipai Team Speaker ruaiin Camping chhawng thum an nei a. Kohhran pawl dang a\angin mi eng emaw zat an luh bakah, khawtlang hruaitu V/C leh YMA hotute pawh an lt a. Tisa leh thlarau damna changin an khawtlang an hlim hle. He rawngbawlna hi hun lo kal zel turah an khawtlang tana thil pawimawh tak niin an hria. Camp atana mi \hahnemngai sum thawh khawm ringawt pawh ` 20,360/- lai a tling a ni. Gharmurra Kohhran chuan ni 311.9.11 chhung khan Hmangaih Fate Team Speaker, Pu Laldintluanga Sailo Speaker-a hmangin Crusade an nei a, Kohhranhovah harhna a thleng nasain, Biak In thleng pha tawh loten harh tharna an chang a, hlawkna nasa tak an dawng a ni. Tlungvel Venghlun Kohhran chuan ni [Link].11 chhung khan Pu R. Laltlanchhuaha, Gospel Peniel Team ruaiin Camping chhawng thum, mipui pual chhawng hnih
leh rawngbawltu pual vawi khat an nei [Link]-a lt zawng zawng hi mi 444 an ni a, Kohhran pawl dang a\angin mi 9 lai an lt. Ruihhlo avanga mual liam mai hma bak tawh te chhanchhuah an ni a. Rawngbawltu hnungtawlh tawh te leh piantharna la chang loten harhna thar an chang a, Kohhranho an hlim hle. Ni 10.9.11 khan Pathian chawimawiin tisa leh thlarau ruai an kil hova, an hlim hle. Thenzawl Dinthar Kohhran chuan ni 18.9.2011 chhung khan Tv. Lalngaihawma leh a Team te ruaiin Crusade an nei a; Kohhran mipuiten an hlawkpui hle. Ramthar rawngbawlna thu te, Kristian nuna ringtu mamawh te ngaihthlak a ni a. Hlim lmna nena hun hmangin Kohhran pawl dangte pawhin an chhim a, Kohhranho an lawm hle. Puilo Kohhran chuan ni 1926.9.2011 chhung khan Synod Revival Speaker, Pu V. Thanghuama leh a Team-te ruaiin Crusade an nei a. Naupang Lng Camp an nei bawk a. Pathian Thlarau Thianghlim hnathawh avangin an hlim hle a, Kohhranhoten an hlawkpui hle.
SAWMNA
Mualkawi Kohhran chuan ni 34. Nov., 2011 chhung hian Kohhran Centenary leh Biak In thar hawn leh lawmna hun an hmang dawn a. Mualkawi Kohhrana lo lawi tawhte leh Pastor leh Pro. Pastor lo awm tawh zawng zawng he hun hmanpui tur hian an sawm.
SAWMNA
Khawzawl Electric veng Kohhran chuan ni 12.11.2011 khian an Biak In thar hawn an tum a, hemi hun hmanpui tur hian an Kohhrana lo lawi tawh zawng zawng an sawm.
SAWMNA
Kamlachara (Kamalachhera) Presbyterian Kohhran, Tripura Mission Field chhnga Ambassa Pastor Biala awm chuan ni 23.11.2011 chawhma dar 11:00 hian Biak In thar hawnna leh lawmna, ruai nen ropui taka buatsaih an tum a. Hemi hun hmanpui tur hian an Kohhran nena inlaichinna nei, a thei apiang tel turin an sawm a ni.
SAWMNA
Mualkawi Kohhran chuan ni 3 4 Nov., 2011 chhng hian Biak In hawn leh Kohhran kum 100 tlin lawmna an hmang dawn a. Mualkawi Kohhrana lo lawi tawh zawng zawngte leh Ruantlang Pastor Biala Pastor leh Pro. Pastor lo ni tawh zawng zawngte he hun hmanpui tur hian an sawm.
HRIATTIRNA
Kumin 2011 hian Pastor/Pro. Pastor Nupui Intawhkhawmna neih leh tur a ni a. Kohna hmu lo chuan hei hi kohnaah min lo pawmsak turin kan inngen e. A hun : Ni 26.10.2011; 10:00 am3:00 pm A hmun : Synod Conference Centre, Aizawl Sd/- Lalhmangaihi Chairman Pastor Nupui Sub-Committee
Published & Typeset by The Synod Literature & Publication Board. Printed at The Synod Press, Aizawl Copies 1,10,000
