Synfocity = 335
Synod Information & Publicity Department, Synod Office (Third Floor), Mission Veng, Aizawl
7th April, 2011
mail us at : synfo@[Link]; synfo@[Link] - Phone - 2314648
1 Synod Moderator-in Biak In Pui 2011 a hawng
Nimin (April 6) chhun dar 12:00 khan Synod Moderator Rev. C. Lalsanglianan Mission Veng Kohhran Biak In Pui sak
thar a hawng a. Biak In Pui thar hawn hma hian Biak In Pui tualzawlah Aizawl Chhim Presbytery Moderator
Rev. C. Lalengmawian Souvenir Bu – Bawlhmun Bethel tih chu a tlangzarh a, hetah hian Mission Veng Kohhran lo
indin tan dan leh chanchin ngaihnawm tak takte tarlan a ni.
Synod Moderator-in a hawn hnu hian Biak In chhungah inkhawm neih zui a ni a, Mission Veng Bialtu,
Pastor H. Lalrinmawian inkhawm a kaihruai a ni. Upa Lalliansawta, Kohhran Secretary-in mi pawimawhte a hmelhriattir
a, report ngaihnawm tak a pe bawk. Hemi hnu hian inkhawm hruaitu leh mipuiten thuchhiar inchhawn an nei a,
Mizoram Synod Choir, Mission Veng Kohhran Zaipawl leh member 700 awmna Zaipawlpui ten hla an rem bawk.
Upa Tawnenga, Building Secretary hnen atangin Biak In Pui sak dan report ngaihthlak leh a ni a, Synod Moderator-
in Pathian Thuchah a sawi bawk. Upa C. Hualkungan Pathian hnena lawmthu sawi tawngtaina hun a hmang a,
Rev. Dr. Lalngurauva Ralte-in malsawmnain inkhawm a khar a ni.
Biak In Pui thar hawnna inkhawmah hian mi 4000 chuang an inkhawm a, P.C. Girls’ School tualah Biak In Pui thar
lawmna ruai buatsaih a ni a, mi 3500 chuangin ruai hi an theh a ni.
Mission Veng Kohhran hi kum 1898-a ding tan kha a ni a. Tun hma lam chuan Zosapte sikul te, P.C. Girls School
te leh Sikulsen (Boys’ LP School) te hmanga inkhawm neih thin a ni a. Tuna biak in awmna hi Hriangmual Bawlhmun,
Ramhuai biakna hmun thin a ni a. Hetah hian kum 1913-ah biak in neih tan a ni a, a satute chu Khasi lungchher leh
Punjabi mistiri te an ni a. Sikulsena an inkhawm laiin harhna a lo thleng a, inkhawmna inah an len tak loh avangin
zo leh zo lovin kum 1913 April 17-ah harhna nen luah luh tan a ni. He biak in hi kum 44 chhung (1957 thleng) hman
a ni a. Rev. J.M. Lloyd-a hovin biak in thar sak a ni a, hetih chhung hian Jubili Hostel, Mission Vengthlang-ah
inkhawm thin a ni a. Biak in thar chu Mizo mistiri-te sak a ni a, a sakna senso atan hian Mizoram chhung leh pawna
kohhran hrang hrangten tha an thawh nasa hle a. A senso zawng zawng chu Rs. 62,264.76 a ni a; thawhlawm thawh
dan za zela chhutin hetiang hi a ni:
w Mission Veng Kohhran 79.2%
w Hmun dang (Sapram, Burma, India ram hmun hrang hrang atangin) 14.4%
w Synod (Mizoram chhunga Kohhran hrang hrang thawh khawm) 6.4%
Kum 1964 August 27-ah biak in thar chu luah tan a ni a, Mizoram chhung leh pawna Mizo Kristiante biak in intawm
anga ngaih a ni a, Biak In Pui tia hriat a ni ta nghe nghe a. Inkhawmpui Lian chi hrang hrang nghahna bera hman a
ni a. Kum 1965 khan Salvation Army hote pawhin an Centenary lawmna atan an hmang a ni. He biak in hi kum 47
zet luah a ni a, kum 2005 October thla khan thiah niin Biak In Pui thar din a ni ta a. Biak In Pui thar hian thil dang
a keng tel nual a, a chuan hnuai lamah lirthei dahna (parking) te, hmun ruak hman tangkai theih (semi open hall) te,
Kohhran Hall 2 ( a lian leh te deuh) te leh a hnung lamah Office leh Library, Committee room hrang hrang leh
Chowkidar Quarters te a awm bawk a, a sakna senso hi Rs. Nuai 700 zet a tling tawh a, tunah hian cheibawlna neuh
neuh chhunzawm tur a la awm nual bawk a ni.
Nizan (April 6) khan lawmthu sawi inkhawm neih a ni a, Rev. Lalbiaktluanga, Ex-Pastor i/c Mission Veng Bial-in
Pathian Thuchah a sawi a ni. Zanin (April 7) atang hian Chanchin Tha Beihpui inkhawm an nei tan ang a, Speaker
tur chu Rev. Vanlalzuata a ni a, campaign hian Pathianni (April 10) zan thleng a awh ang.
1 Zin
w April 4 - 12 chhung hian Cambodia rama Missionary hna thawktute tlawh leh an hmun hma enfiah turin
Rev. Lalzuithanga, Executive Secretary a zin mek.
w April 6 - 8 chhung hian Presbyterian School, Teikhang leh Ngopa-a mi tlawhin Rev. Mangchhuana Sailo,
Supervisor of Schools a zin mek a ni.
1 Synod Mission Board
Synod Mission Board chuan kum 2011 chhunga Contract Missionary atan mi 30 a la thar a, Missionary lak tharte
hi April 10 (Pathianni) chawhnu inkhawmah Chhinga Vengthlang Kohhran Biak Inah thlahna hun hman a ni ang. April
12 (Thawhlehni) dar 11 a.m. atangin Committee Room No.1, Synod Office-ah Orientation neih tur a ni a, Joining
report pek leh agreement sign nghal tur a ni. Missionary atana lak tharte hian April 15, 2011 aia tlai lovah an thawhna
tur hmun thlen theuh tur a ni. Missionary tirhchhuah inkhawm programme phek lehlamah tarlan a ni.
1 MSSU
April 9 (Inrinni) hian New Capital Complex & Zemabawk South Kohhranah Sunday School Zirtirtu Training neih a ni
dawn a, training neihpui tur hian New Capital Complex Kohhranah Upa Lalrintluanga, Mission Vengthlang;
Upa K. Vanlalnghaka, Ramhlun East (MSSU Trainers) leh Pu Lalthahluna Ralte, MSSU Asst. Coordinator te an kal
ang a, zan Inkhawmah Upa Lalrintluangan ‘Fanau enkawl chungchang’ thuchah a sawi ang. Zemabawk South
Kohhranah Upa K. Zoremsanga, Kulikawn leh Upa Zohmangaiha, Zemabawk Vengthar (MSSU Trainers) te an kal
thung ang a, zan Inkhawmah Upa K. Zoremsangan ‘Fanau enkawl chungchang’ thuchah a sawi ang.
1 Music
April 5 - 8 chhunga Dholchhora, Silchar Bial chhunga Music Training neih tura tih chu Silchar Mission Compound-
ah sawn leh a ni a, training hi Pu Lalromawia, Synod Music Instructor leh Pu Lalsangzuala, Dam Veng ten an
neihpui mek a ni.
1 Kristian Thalai Pawl
April 8 & 9 hian Synod Multipurpose Training Centre, Mission Vengthlangah Mizoram Synod Choir Residential
[Link] oramsy [Link]
Retreat neih a ni dawn a, Speaker atan Rev. R. Lalrosiama, Aizawl Theological College an hmang [Link]-ah
hian Sermon, Discussion/Sharing, Tawngtairual/Bethel leh zaihona te an nei ang. April 9 (Inrinni) chawhnu dar 1:00-
ah Retreat kharna inkhawm neih a ni ang a, Pu H. Liantluanga, Synod Choir Director-in programme a kaihruai ang.
1 Susamachar Prasaran Programme
April 10 (Pathianni) tlaiah Hindi Programme (Susamachar Prasaran) LPS & Zonet Cable atangin hetiang hian tih
chhuah a ni ang : Group/Choir/Solo : Aizawl EFCI Choir - Paap Chollaba Eihak Ni; Group/Choir/Solo : Chhinga
Veng Kohhran Masihi Sangati Zaipawl - Jana He Kia Isu Ke Pas; Sermon : Rev. SB_Gurung- Samai Ka Sudh
Upyog; Group/Choir/Solo : Himali Kohhran Zaipawl - Torde Nafratky Diwar; Group/Choir/Solo : Masihi Sangati
- Ramhlun North Kohhran; Stuti Geet : Stuti Geet - Bolo Jay Milkar Jay. Contd,..
Synod Information & Publicity Department, Synod Office (Third Floor), Mission Veng, Aizawl
MISSIONARY TIRHCHHUAH INKHAWM
Programme
A hmun : Chhinga Vengthlang Kohhran Biak In
A hun : April 10, 2011(Pathianni)
Dar 1:30 p.m.
Chairman : Rev. Rualkhuma, BEC Member
Tanna : Chairman
Hla sakho : ‘Lalpa, ram lak tumin khawvelah hian’ (KHB. 338)
Inhmelhriattirna : Upa R. Lalmalsawma
Coordinator, Synod Mission Board
Tirchhuahna & : Rev. Lalchhuanmawia
thuchah Secretary, Synod Mission Board
Zaipawl : Mizoram Synod Choir
Thusawi tawi : Tirhchhuahte aiawh
Tawngtaisakna : Rev. C.M. Zalenthanga, BEC Member
Zaipawl : Chhinga Vengthlang Kohhran Zaipawl
Hla sakho : ‘Ngai rawh, Lalpain a grep huanah’ (KHB. 355)
Banna : Chairman kutah
Note : Tirhchhuah turte hi an chhungte hruai turin beisei an ni a. He inkhawma tel duh apiang lo tel
turin Kohhran mipuite sawm in ni e.
SYNOD SUM DINHMUN
1ST APRIL 2010 - 31ST MARCH 2011
A PUMPUIA HMUH KHAIKHAWMNA
Budget 2010 - 2011 Hmuh Budget Khumna 2009 - 2010 Nikum
Head Budget zawng zawng khumna Percent Hmuh khumna
Pastoral 29,16,24,000 40,34,06,314 11,17,82,314 38.33 33,00,44,168 7,33,62,146
Mission 30,22,73,700 31,96,28,025 1,73,54,325 5.74 27,04,22,390 4,92,05,635
Total 59,38,97,700 72,30,34,339 12,91,36,639 21,74 60,04,66,558 12,25,67,781
HEAD HRANG HRANGA HMUHNA
Sl. Budget Head 2010 - 2011 Apr 10 - Mar 11 Budget Phaklohna/ Hmuh zat
No. Budget chhunga hmuh khumna percent
1 PASTORAL
1 (1) Pathian Ram
1) Pathian Ram 21,47,39,000 30,03,60,748 (+) 8,56,21,748 139.87
2) Buhfaitham 5,90,00,000 7,55,28,608 (+) 1,65,28,608 128.01
3) Sakramen 17,00,000 27,09,554 (+) 10,09,554 159.39
4) Sunday School 21,00,000 26,39,954 (+) 5,39,954 125.71
5) Inneihna 85,000 1,47,297 (+) 62,297 173.29
Total 27,76,24,000 38,13,86,161 (+) 10,37,62,161 137.38
1 (2) Designated Total 6,50,000 34,33,411 (+) 27,83,411 528.22
1 (3) Hmuhna dang Total 1,33,50,000 1,85,86,742 (+) 52,36,742 139.23
Pastoral Grand Total 29,16,24,000 40,34,06,314 (+) 11,17,82,314 138.33
2 MISSION
2 (1) Ramthar
1) Ramthar 19,54,77,900 20,14,46,561 (+) 59,68,661 103.05
2) Thawktu chawmna 9,60,00,000 11,06,50,761 (+) 1,46,50,761 115.26
Total 29,14,77,900 31,20,97,322 (+) 2,06,19,422 107.07
2 (2) Hmuhna dang Total 1,07,95,800 75,30,703 (-) 32,65,097 69.76
Mission Grand Total 30,22,73,700 31,96,28,025 (+) 1,73,54,325 105.74
Receipt Grand Total 59,38,97,700 72,30,34,339 (+) 12,91,36,639 121.74
Mail us at : synfo@[Link] mizoramsynod@[Link]
synfo@[Link]
S y n o d I n fo r m ati o n & P u b l i ci ty
Phone - 2314648 Synfo
