Summer School 2025

14–25 Iúil 2025

Clár agus iarratais

Glaoch ar pháipéir: (Re)Creating Stories

A conference on (Early) Modern Irish adaptations of Old and Middle Irish prose and poetic narratives

23–24 Bealtaine 2025

Tuilleadh eolais

Staidéar ar an nGaeilge agus ar na teangacha Ceilteacha eile i scríbhinní agus sa chaint bheo feadh a ré is cúram do Scoil an Léinn Cheiltigh. Déantar taighde freisin ar a gcúlra cultúrtha, stairiúil, sóisialta agus dlí. Tá idir fhoireann bhuan agus scoláirí taighde fostaithe ag an Scoil. Foilsímid leabhair agus foinsí leictreonacha atá ar líne, maille le hiris na Scoile, Celtica. Eagraímid, ina cheann sin, comhdháil bhliantúil, mar atá, an Tionól, agus comhdhálacha ócáidiúla eile.

I measc na mórthionscnamh atá idir lámha againn tá:

• Meamram Páipéar Ríomhaire (ISOS) ar a bhfuil íomhánna de na céadta lámhscríbhinní ar fáil
• Ogham in 3D, a chuireann ar fáil íomhánna tríthoiseacha de na hinscríbhinní Oghaim, an fhoirm scríofa is luaithe den Ghaeilge
• Leabharliosta Theangeolaíocht agus Litríocht na Gaeilge (BILL) mar a bhfaighfear sonraí faoi na mílte foilseachán atá bainteach leis an Léann Ceilteach

Tá acmhainní tábhachtacha a bhaineann leis an Léann Ceilteach ar fáil ar shuíomh idirlín na Scoile:

• Monasticon Hibernicum: bunachar d’ionaid eaglasta ó ré na Luath-Chríostaíochta in Éirinn (a chuir Ailbhe Mac Shamhráin, Aidan Breen agus Nora White i dtoll a chéile in Ollscoil Mhá Nuad)
• Bunachar Fhilíocht na Scol, a réitigh an Dr Katharine Simms, Roinn na Staire, Coláiste na Tríonóide, Baile Átha Cliath.