Bajarê piştî tifebaranê (kurteçîrok, 2019-2023) Omitê Mistefê

2023

hemû kurteçîrokên ji sala 2019an heta sala 2023an

2023

Di maweya 23 salên nivîskariya çalak de min hewl da ku gelek warên nivîşkan ên ziman û wêjeya kurdî bi xebatên destpêkî dagirim; lê mixabin carinan şert û mercên jiyanê ewqasî ez tengijandim ku dev ji hinek projeyên xwe berdim. Wan rojên han min li arşîva xwe nihêrî û dosyeyên tekstan tesele kirin; derkete holê ku naveroka hinek dosyeyan vala ye, tê de paragrafek û didu hene yan tunene, nehatine kemilandin. Bi rastî ez nirx û erzişê didim her nivîseke xwe; çi hatibe kemilandin û weşandin, çi jî wekî projeyekê hatibe sêwirandin û nehatibe temamkirin. Bi vê helwestê min hemû nivîsên xwe yên nivîşkan, weşandî û neweşandî derxistin ser maseyê; li gorî mijaran senifandin.

13 kurteçîrok

2024

2023

Ev berhem encama deh salên xwendin û lêkolînan e ku me di qalibê mirovnasiyê (antropoljiyê) de ro kiriye; bêguman berî me jî hinek hewldanên antropolojiyê yên destpêkî hatine amadekirin. Hêjayî diyarkirinê ye ku “Adat û Rusûmatnameyê Tewayifê Ekradiye” (Mela Mehmûdê Bazîdî, 1859) ji bo mirovnasiya kurdî çavkaniyeke girîng e; lê dîroka nivîsandina wê vedigere berî 150 salî û hem di heyama xwe de hem jî piştî nivîsandinê li ser bingehên zanistî yên pîvandî nehatiye rûniştandin. Lewre pêwistî bi lêkolîn û lêgerînên nûjen heye ku mirovnasiya kurdan li ber ronahiya zanistên hevçerx ji nû ve bê şirovekirin; lê belê berî şirovekirineke pirşaxî ya baş divê awireke giştî li bingehê zimanî-çandî yê mijara navbihurtî bê gerandin. Îcar ev xebata destpêkî -bi vê mebestê- ji pênesayên zanistî dest pê dike, hebana zimanê kurdî hildiqevşîne ku peyvnasiya mijarê têkûz bike û piştre hewl dide ku “samana zimanî-çandî ya mirovnasiya kurdî” derxe ber ronahiyê. Me di beşa pêşîn a vê xebatê de bi awayekî giştî mirovnasî pênase kiriye ku bê ka ev şaxa zanistê bê kêrî çi tê; di beşa duyem de me kurd di çarçoveya pênasekirinên bihurtî de dana nasandin. Di beşa sêyem de me awireke kurt berdaye ser antropolojiya Kurdistanê û çend mijarên dîrok û nasnameya kurdistanî ronî kirine; di beşa dawîn de jî me li gorî antoplojiya meydanî hinek mijarên zimannasiya kurdî pêşkêş kirine. Divê bê gotin ku ev beşa paşîn ji hinek xebatên meydanî yên weşandî pêk tê û çendek ji wan nivîsên me yên hevpar in ku keda Evdilah Haciyan, Hisên Belede û M. Baqir Aşinayî jî tê de heye. Omitê Mistefê Bazîd, 2023

2008

2021