tot

Walon (Rifondou)

Etimolodjeye

Tayon-bodje latén « totus » (« tot, tchaeke, tot etir »).

Prononçaedje

• AFE :
  • diferins prononçaedjes : /tɔ/ /tu/ (fok deus prononçaedjes) (oyon O.OU)
  • prononçaedje zero-cnoxheu : /tɔ/
• Ricepeures : nén rcepåve

Adviebe

Alofômes

tot

tote

tot

1. mostere on hôt livea di l' adviebe ki shût (nén candjåve).
   • Dji lyi dmande tot biesmint : «eyet vosse feme, ça lyi va» ?
2. mostere on hôt livea di l' addjectif ou d' l' addjectivire (candjåve å femrin, mins nén å pluriyal).
   • Il a rivnou tot frexh di tchôd.
   • I parexhént tot disbåtchîs.
   • Elle esteut tote binåjhe.
   • Elle ont dmoré tote biesses.
   • Si tiesse esteut tote e croles — Sintake Rimåke (fråze rifondowe).
   • Les beas våzes estént tot a bokets.
   • Nole trace di l’ ôte såjhon … Siya ! Des moitès foyes
     Å pî del håye d’ årdispene tote floreye. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Dixmude », 1916, p.25 (fråze rifondowe).
3. divant on prono d' djin, mostere li rshonnance avou çou k' on ratind di cisse djin la (candjåve å femrin, mins nén å pluriyal).
   • C' est tot lu, la ça, d' ariver ene eure trop tård.
4. mostere on hôt livea do viebe.
   • Et cwand l' viye croe ki tome e-n ene blesse
     Årè tot fini do toumer,
     I n' dmeurrè pus rén d' çou k' dj' inme,
     Ki m' rapinsreut çou k' dj' a-st inmé. — Joseph Vrindts, Pâhûles rîmês, (1897), "Li Tossaint", p.39 (fråze rifondowe).

Ratourneures

1. aveur di tot.
   • Ele aveut d' tot e s' botike et les pôvès djins do Gravioûle alént acroere la. — Joseph Vrindts, Li pope d'Anvers, (1896), p.63 (fråze rifondowe).
2. c’ est tot
3. li tot, c’ est di
   • Li monde, c’ e-st ene djowe wice k’ on tape a l’ åwe : li tot, c’ est di n’ nén esse l’ åwe. — Arthur Xhignesse, Bwègnes mèssèdjes èt p'titès gotes, (1905), p.12 (fråze rifondowe).
4. tot a schipe : rafoircixhaedje di a schipe
   • Tot a schipe arivé a l' ospitå d' Calais, on docteur egzamina l' oficî et Pire Lipaye fourit tcherdjî del sognî tot come i l' aveut fwait diski la — Louis Tilkin (fråze rifondowe).
5. tot…ki…

Mots d’ aplacaedje

• totafwaitmint
• totavå
• atchté tot fwait
• tolu
• tot drole, fé tot drole

Sinonimeye

• foirt, pår, mo, mier-, foû, totafwaitmint, completmint; Loukîz a : « foirt »

Nén definixhant prono

tot neute

1. (nén candjåve) mostere l' eshonna des sacwès k' on ndè cåze, sins ndè rovyî ene.
   • I fåt tni tot çoula por lu.
   • I fåt k' on fwaiye tot lu-minme.
2. sacwè l' pus impôrtante (todi avou l' definixhant årtike « li »).
   • Li tot, c' est nén d' wangnî, mins d' î prinde pårt — Lucyin Mahin, ratournant Pierre de Coubertin.

Ratourneures

1. tot toûne al ribolete, gn a tot ki toûne li cou
2. c’ est l’ tot di; ci n’ est nén l’ tot

Sinonimeye

totafwait

Ratournaedjes

eshonna des sacwès k' on ndè cåze, sins ndè rovyî ene

• Arabe : koulli chay' =‎ كل شئ ^(ar) = كُلِّ شَئ ^(ar)
• Arabe marokin : كلشي ^(ary) =‎ kelchi
• Almand : alles ^(de)
• Inglès : everything ^(en)
• Espagnol : todo ^(es)
• Francès : tout ^(fr)
• Neyerlandès : alles ^(nl)

sacwè l' pus impôrtante

• Francès : important ^(fr), essentiel ^(fr), tout ^(fr)

Nén definixhant prezintoe

	singulî	pluriyal
omrin	tot	tos
femrin	tote	totes / totès

1. mostere li sacwè e-n etire.
   • Ritnoz bén tot çki dji vs a dit.
   • Tote ciste ivier, k' il a toumé del nive — Sintake Rimåke (fråze rifondowe).
   • Ç' a stî l' minme ramdam tote djoû et tote nute.
2. mostere les sacwès sins ndè rovyî.
   • Louke on pô totes ces tchampinnes — Sintake Rimåke (fråze rifondowe).
3. (candje sorlon l' djinre mins nén l' nombe) overe come coplemint direk di l' atribut tot mostrant on hôt livea do viebe.
   • S' ele rote, vos tronnez tot,
     Ca ele peze nonante kilos. — Jean Bury, Joyeux rèspleus, (1899), "Po plaire à Nanèsse" (fråze rifondowe).
   • Cwand i m' a loukî, dj' a fruzi tot, i fjheut des ouys ! Co måy dji n' a veyou des pareys. I gn a k' sint Djîle l' ewaeré ki s' pôreut mzurer avou lu di ç' costé la. — Antoine Bouhon, Les Brixhes da Gèrâ, 1900, sinne XIII, p.33 (fråze rifondowe et rarindjeye).
   • Sav bén k’ c’ est plaijhi d’ aveur ene måjhone comme cisse-cial, vos, Janete. Il î fwait si frisse la ! Dji m’ ra dedja tot. — Henri Simon, «Janète» divins «Quatre comédies liégeoises» da Jean Haust (1936), 1911, p.118 (fråze rifondowe).
   • I les vént vey et les deus tchéns el kiletchèt tot. — Arthur Xhignesse, Boule-di-Gôme, 1912, p.16 (fråze rifondowe).
   • BÊTRI. (djondant les mwins, spawtêye) – Djezus Maria ! Li tchesturlinne del bele rotche !
     WÅTÎ. – Pocwè nén ? Vos fruzixhoz tote.
     BÊTRI. – Et les gofes don, ki sont csemêyes e corant ! Î tuzez vs ? Andrî sait a poenne bagnî ; dj’ a sogne k’ i n’ perixhe ! — Joseph Mignolet, Li tchèsturlinne dèl bèle rotche, 1922, p.10 (fråze rifondowe).
4. eployî après c' est.
   • C' est totès belès åmayes po repleni après l' ivier.
   • Ene cwénzinne di djoûs dvant l' mariaedje,
     C' e-st adon k' i fwait bon hanter :
     Ci n' est k' tos båjhes, tos doûs messaedjes.
     Les cours djåzèt, ç' n' est pus tocter. — Jean Dessard, D'ine cohe so l'aute, 1939, p.65, Vûzion d’ boneûr (1902) (fråze rifondowe).
   • C’ est tos rénnvåts k’ on dvreut
     Marker d’ ene grande noere croes
     Et les loyî l’ onk a l’ ôte so des strins
     Adon mete li feu divins. — Joseph André, "Dizos leû fèrome", 1919, p.76 (fråze rifondowe).
   • Loukîz l' djonnesse, c' est tos omes di stok capåbes do bouxhî moirt les cis ki s' metèt so leus voyes. — Joseph Mignolet, Li vôye qui monte, (1933), p.26 (fråze rifondowe).
5. totes sôres di.
   • Et les belès stoeles ki ns veyans
     S’ esprinde sol fén d’ ene claire djournêye,
     Divnèt totès frawiantès fleurs. — Joseph Vrindts, Vîx Lîge, (1901), p.91, “Vîx Souv’nir” (fråze rifondowe).
   • Dji m’ va fé mete totès plantches å meur, ti sais bén, hin ! Come des djivås, la ! — Henri Simon, «Janète» divins «Quatre comédies liégeoises» da Jean Haust (1936), 1911, p.116 (fråze rifondowe).
   • C' est cial k' on voet tos apôtes
     Ki frént rire li pus trisse fougna ! — Louis Lagauche, Amon nos autes, tchansons tchusèyes, (1908-1912), p.17 (fråze rifondowe).
   • Fåt esse sûti, savoz båshele, po trover les responses a çoula, dismetant k' les promesses di mariaedje ça n' dimande nol ovraedje do cervea … on n' a do raeze a fé la k' a tos simpes d' esprit. — Jean Lejeune, Po marier Lèyontine, 1928, ake I, sinne II, p.5 (fråze rifondowe).
   • Come vos ndè poloz djudjî, li Societé Walone, contéve totès djins d' cwè. — Joseph Mignolet, Li walon å payîs di Lîdje, (1938), p.48 (fråze rifondowe).
6. Modele:plur des.
   • Cial e nosse bele kipagneye,
     Wice k' on s' amuze come tos frés,
     Li plaijhi est sins parey :
     Ni låtchans nén d' banketer. — Jean Dessard, D'ine cohe so l'aute, 1939, p.147, Vîve Saint-Åbin (1937) (fråze rifondowe).

Ratourneures

1. tote djoû, tote nute
2. tos boignes contes
3. tos tchamps tos payis
4. di tote foice
5. mete a totes les såces
6. on n’ a nén tos les pås k’ on hosse

Mots d’ aplacaedje

tertos

Ratournaedjes

mostere li sacwè e-n etire

• Inglès : the whole ^(en)
• Espagnol : todo ^(es)
• Francès : tout ^(fr)
• Neyerlandès : de heel ^(nl)

Divancete

tot (nén candjåve)

1. divant on pårticipe prezintrece, çou ki fôrmêye li djerondif.
   • Kimint av trové cisse machine la, Renkin ? Tot tuzant, sire.
2. (vî vî mot) avou.
   • Nos alans abimer e l' fosse
     Binamé Diè tot l' beur ki hosse,
     Ay, ay ay, dji sin l' plantchî,
     Ki va disfoncer podzo nos pîs. — E183, Paskeye so les lotchets (1640) (fråze rifondowe).

Mots d’ aplacaedje

tofjhant ki

Sinonimeye

• e (+ pårticipe prezintrece)
• å (+ viebe sustantivé)

Ortografeyes

Ôtès ortografeyes (avou des sourdants nén rkinoxhous) :

• to : E183 (1640)

I gn a cåzu rén dins ci hagnon ci, mins si vos irîz rnaxhî dins des ôtes motîs, et trover l’ mot « tot », riherez ciddé li scrijha do mot ki vos î avoz trové, et l’ rahouca do motî el Djivêye des motîs do walon.

Ratournaedjes

djerondif

• Inglès : -ing ^(en)
• Francès : en ^(fr)
• Neyerlandès : -end ^(nl), aan het + -end

Neyerlandès

Prononçaedje

• AFE : /tɔt/

Divancete

tot

1. diski, disca.

Mots d’ aplacaedje

• tot en met