tini

Walon (Rifondou)

Plinne cogne	Spotcheye cogne
tini	tni

Etimolodjeye

Tayon-bodje latén « tenere » (minme sinse) çou ki dene on mot avou l’ cawete d’ infinitif « -i » des viebes.

Prononçaedje

AFE :
- diferins prononçaedjes : /ti.ˈni/ /ty.ˈny/ /tɛ̃ʀ/ /tẽʀ/
- prononçaedje zero-cnoxheu : /ti.ˈni/
Ricepeures : ti·ni

Viebe

Djin et tins	Codjowa
Cåzant Ind. pr. (dji, dj’)	tén
Atôtchî(s) Ind. pr. (vos, vs)	t(i)noz
Cåzants Ind. pr. (nos, ns)	t(i)nans
Rwaitants Ind. pr., nam. (i/il, ele/elle)	tegnnut
Cåzant Ind. fut. (dji, dj’)	ténrè
Cåzant D.I.E. (dji, dj’)	t(i)neu
Cåzant Suddj. pr. (ki dji, dj’)	tegne
pårt. erirece (dj’ a, vos av)	t(i)nou
Ôtes codjowaedjes	come v(i)ni

tini (å prono : si tini)

(viebe å coplemint) bén aveur e s' mwin.
- Cwand vos l' tinoz, nel rilåtchîz nén.
(viebe å coplemint) esse mwaisse d' on botike.
(viebe å coplemint) posseder des béns ki vnèt d' ene sakî.
- TÅTÎ. Mins di cbén est ele ritche ?
  MAREYE. - Åtoû d' cint meyes ! Elle a des béns k' sont cwites et lidjes,
  Et des aidants al banke : ele les tént d' on ritchåd
  Wice k' elle aveut siervou. — Édouard Remouchamps, Tåtî l’ Pèriquî, 1884, Ake I, Sinne I, v. 21-24 (fråze rifondowe).
(viebe å coplemint) dimani dvins ene pôzucion.
(viebe å coplemint) nén fé bodjî d' ene sawice.
- Come li båpere del comedeye,
  Li méde rawåde ki l’ maladeye
  Vis tegne po kékes moes e vosse lét : — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « On fait çou qu’on pout po viker», 1922, p.125 (fråze rifondowe).
(viebe å coplemint) rascråwer, mwaistri (tot djåzant d' on må).
- Ca les måleurs, po mî l’ tini,
  Si fåfilît dvins l’ schô di s’ mere,
  Twè ki n’ a nén dmandé po vni ! — Joseph Vrindts, Pâhûles rîmês, (1897), «Li p’tit brubeu», p.92 (fråze rifondowe).
(viebe å coplemint) (mot d’ teyåte) djouwer on role.
- Li role da Tchårlumagne po bén fé, doet esse tinou pa on personaedje nén trop grand. — Joseph Vrindts, Li diale di so l'fontaine, 1889, p.2 (fråze rifondowe).
(v. sins coplemint) voleur fé ene sacwè.
- Avou m' paskeye, si dj' reyussixh,
  Do fé plaijhi, dji tén foirt pô. — Henri Forir, Blouwett lîgeoiss, (ratourné do francès), 1843, p.10 (fråze rifondowe).
(v. sins coplemint) dimorer stocaesse, nén halcoter.
- I n' tént pus k' d' on costé. — Henri Simon, "Li mwért di l'åbe (fråze rifondowe).
- Dj' a metou des fleurs d' a des tchamps dins on vere: ele tinèt dipus d' cwénze djoûs.
(viebe å prono) : Loukîz a : « s’ tini ».