crosse

Walon (Rifondou)

Etimolodjeye 1

Tayon-bodje latén « crusta » ‎(« « çou k’ ewalpêye, ki rascove » »).

Prononçaedje

• AFE :
  • diferins prononçaedjes : /kʀɔs/ /kʀus/ /kʀɛs/ /kʀœs/, miersipepieuzmint e l’ notule ALW 1.25  ; (oyon O.OU) (cåzu k’ deus prononçaedjes).
  • prononçaedje zero-cnoxheu : /kʀɔs/
• Ricepeures : nén rcepåve

Sustantif

singulî	pluriyal
crosse	crosses

crosse femrin

1. coûtche difoûtrinne d’ on pwin, d’ ene påstedjreye, et tote sacwè k’ a stî cûte e for.
2. boket d’ pwin.
   • Zels d' apoirter les crosses,
     Et vos, les oûs molets. — François Barillié, Li camarad′ dè l'joie, 1852, Kikempois, p.46 (fråze rifondowe).
   • Ele ni curè måy les mosses,
     Pask' ele sait k' c' est m' rafiya ;
     Dji n' magnrè pus tant des crosses
     Si m' bele-mere n' esteut nén la !... — Toussaint Brahy, Toussaint Brahy, œuvres wallonnes posthumes, Si m'belle-mère n'esteut nin là !..., 1886, p.27 (fråze rifondowe).
     
   • Vozôtes ki m' traitîz d' pice-crosse,
     La k' dji schavéve li boure so m' crosse
     Po-z aveur po payî les djins,
     Soeyoz påjhûles : nos nos frans gåyes, — Joseph Vrindts, Pâhûles rîmês, 1897, "Li dieraine atote", p.30 (fråze rifondowe).
   • Li gloriole des ôtes djamåy ni m’ temtêye,
     Tant k’ dj’ a l’ cour binåjhe, ene crosse mi gostêye ! — Jean Bury, Joyeux rèspleus, (1899), "L’awoureux Colas" (fråze rifondowe).
   • Rén n’ est si bon ki do magnî ses crosses,
     Cwand ele ont stou trimpêyes e l’ liberté.
     Djamåy nolu ni m’ fjha rivni so crosse :
     Libe come l’ oujhea, dji m’ pou rinde tocosté. — Louis Lagauche, Amon nos autes, tchansons tchusèyes, (1908-1912), «Rin n’èst mèyeû !» p.55 (fråze rifondowe).
3. crape.

Ratourneures

1. esse a ses crosses
2. wangnî s’ crosse
3. fé magnî del crosse di dorêye (a èn efant)
4. vos blessîz m’ modesteye ; ttaleure vos m’ froz ndaler e crosses : dijhêye po ene sakî ki vs vante, djeu d’ mots tot prindant li prumî sinse di "blesseure", ki dene tofer ene crosse (ene crape).
5. rivni sol crosse
   • HINRI. - Vos n' estoz portant nén macrea.
     HOUBERT. - Neni, dji n' so ki l' vî galant da Belzebute. Atincion,. (I va do costé del poite di l' ovroe) Djel va fé vni come èn oujhea sol crosse. — Antoine Bouhon, Les Brixhes da Gèrâ, 1900, sinne XIV, p.35 (fråze rifondowe).
   • Rén n’ est si bon ki do magnî ses crosses,
     Cwand ele ont stou trimpêyes e l’ liberté.
     Djamåy nolu ni m’ fjha rivni so crosse :
     Libe come l’ oujhea, dji m’ pou rinde tocosté. — Louis Lagauche, Amon nos autes, tchansons tchusèyes, (1908-1912), «Rin n’èst mèyeû !» p.55 (fråze rifondowe).
   • - Dj’ etind tot åtoû d’ mi k’ on hemlêye et k’ on tosse -
     Vos vos djhoz dvintrinnmint : I rvénront co so crosses ! — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Pasquèye », 1922, p.108 (fråze rifondowe).
   • — I frît tot l’ minme ine saqwè tot mètant on cay’wê è leû boke po djâser l’ wastate; mins, n’âyîz nou risse, les Djanèsses èt les Von Bissing tinèt à gogne nos fîrs Walons d’âs tchambes, qui s’ ont lèyî mète ine brâye èt, dèm-dè-dèm, riv’vnèt so l’deûgt dè flamingant come in’ oûhê so l’ crosse! — JVtt, (1924), Ine sicole flaminde po nos Députés walons, p.50.

Mots d’ aplacaedje

• pice-crosse
• cache-ås-crosses

Sinonimeye

• (boket d’ pwin) : croxhon

Ortografeyes

Divant 1900 :

• cross : E177a ^(lére)

Après 1900, foû rfondou (Feller, Feller ricandjî, nén Feller) :

• crosse : C1, E1, G201
• = crœ̆̀sse (creusse) : E145
• creusse : G201
• crèsse : G201
• crousse : C8, G201, O0, O4, S117

E rfondou walon :

• crosse : R9 ^(lére), R10 ^(lére), R13

Ratournaedjes

coûtche difoûtrinne d’ on pwin

• Arabe marokin : قرشة ^(ary) = قرْشة =‎ qercha
• Almand : Kruste ^(de)
• Inglès : crust ^(en)
• Espagnol : costra ^(es), corteza ^(es)
• Francès : croûte ^(fr)
• Itålyin : crosta ^(it)
• Neyerlandès : krost ^(nl)

Etimolodjeye 2

Tayon-bodje vî francike « krukkja » (baston å recrolé dbout).

Prononçaedje

• AFE :
  • diferins prononçaedjes : /kʀɔs/ /kʀɔʃ/ (minme prononçaedje cåzu pattavå)
  • prononçaedje zero-cnoxheu : /kʀɔs/
• Ricepeures : nén rcepåve

Sustantif

singulî	pluriyal
crosse	crosses

crosse femrin

1. baston arondi å dbout.
   • Les martchands d’ vatche avnént todi avou leu crosse.
2. (pus stroetmint) (e l’ eglijhe catolike) grand hôt baston d’ eveke (ossu grand l’ lu), recrolé å dbout.
   • On rprezinte todi sint Nicolai avou ene crosse.
3. (mot d’ medcén) baston (pu ahesse medicåle especiåle) avou èn aspoya å dzeu, po les clepeus awè pus åjhey a roter.
   • Sol tere, on n' vike pus k' e dandjî :
     On språtche, on rviesse a tot spiyî ;
     Biesses et djins rotront vite a crosses ; — Jean Dessard, D'ine cohe so l'aute, 1939, p.77, Lès dj’vås dè fond (1938) (fråze rifondowe).
4. mantche di bwès d’ on fizik.

Parintaedje

• crossî
• crossete, crostî, crosteu

Mots d’ aplacaedje

a crosse (roter a crosse)

• côp d’ crosse

Ortografeyes

Divant 1900 :

• cross : E177a ^(lére)

Après 1900, foû rfondou (Feller, Feller ricandjî, nén Feller) :

• croche : O4

E rfondou walon :

• crosse : R9 ^(lére), R10 ^(lére), R13

Ratournaedjes

hôt baston simbolike d’ èn eveke

• Inglès : crook ^(en), crosier ^(en)
• Francès : crosse ^(fr)

baston po les clepeus awè pus åjhey a roter

• Almand : Krücke ^(de)
• Inglès : crutch ^(en)
• Espagnol : muleta ^(es)
• Francès : béquille ^(fr)
• Neyerlandès : kruk ^(nl)

mantche di bwès d’ on fizik

• Inglès : butt ^(en)
• Francès : crosse ^(fr)