bon

Walon (Rifondou)

Prononçaedje

• AFE :
  • diferins prononçaedjes : /bɔ̃/ /boː/ /bwɛ/ (minme prononçaedje cåzu pattavå)
  • prononçaedje zero-cnoxheu : /bɔ̃/  ^{aschoûtez lu}
• Ricepeures : nén rcepåve

Etimolodjeye 1

Tayon-bodje latén « bonus » .

Addjectif

	singulî	pluriyal
omrin	bon	bons
femrin padrî	boune	bounes
femrin padvant	boune	bounès

bon omrin

1. k’ est plaijhant, k’ onz inme, k’ est agreyåve.
   • Cisse bouboune la n’ est nén boune, mins cisse-lale a bon gosse.
   • Les efants k’ avént stî si bons,
     Si doûs, si crustins, djusk’ adon,
     Candjît tot d’on côp d’ caractere,
     Divnît caegnaesses, metchants, vireus. — Joseph Vrindts, Vîx Lîge, (1901), p.85, “Li Vôye di l’Eglise” (fråze rifondowe).
   • Mins dj’ ô bén k’ adon
     On n’ saveut nén çou k’ c’ est do haire
     Tolmonde esteut bon. — Louis Lagauche, Amon nos autes, tchansons tchusèyes, (1908-1912), «Mi grand-pere» p.50 (fråze rifondowe).
   • Bondjou !
2. (tinrûlmint), (camaerådreçmint) binamé, k' on-z inme bén.
   • Ricmandans nos å bon roy k' e-st al tiesse,
     Ki n' schoûte ki l' bén et ki passe houte do må ;
     Ossu, tot s' peupe est contin k' i tént s' plaece ;
     Tot wice ki passe, on n' ôt k' braire ki : vivå ! — François Barillié, Li camarad′ dè l'joie, 1852, Li prouve, p.110 (fråze rifondowe).
3. k’ est come i fåt, k’ est bén, k’ est corek.
   • — C’ est ene boune response, mwaisse ?
     — Oyi, c’ est bon !
   • C’ e-st on foirt bon valet, mins il est si pawoureus ki dj’ a cåzu dvou saetchî les paroles foû del boke. — Henri Simon, Li bleû-bîhe, 1886, p.20 (fråze rifondowe).
4. mindjåve, k’ on pout mindjî sins risse.
   • I gn a les bons et les måvas tchampions. — Jules Defresne, Vocabulaire du règne végétal à Coo et aux environs, a « tchampion » (fråze rifondowe et rarindjeye).
5. k' on-z î atént.
   • Pus tård, cwand les shijh eures sounît
     Å bon clokî do viyaedje,
     Dji m' dixhombra d' aler rvey
     Mi feme, mes efants, tot m' manaedje. — Jean Dessard, D'ine cohe so l'aute, 1939, p.18, Matinêye di prétins (1904) (fråze rifondowe).
6. (eployî avou l' divancete « a ») ki n' sieve k' a ene sacwè.
   • Li troejhinme dizo s' påpire, c' e-st ene frambåjhe boune a côper. — Jean Dessard, D'ine cohe so l'aute, 1939, p.168, L’afaîre èst faîte (1928) (fråze rifondowe).

Ratourneures

1. bon vénrdi : Loukîz a : « vénrdi ».
2. c’ est pol bon
3. esse bon : (eployî avou on sustantif) esse midone, råjhonåve.
   • Divnou pus grandiveus, paski vos vs alîz maryî,
     Divins l' hôte volêye vos vs avoz stou bouter,
     Vos avoz-st elaidi tos vos ancyins cpagnons
     Mins vos rgretroz l' hapå, ca vs estoz bon colon. — Toussaint Brahy, Toussaint Brahy, œuvres wallonnes posthumes, A m' camarâde P. L..... Pol joû di s'Mariège, li 22 Setpimbe 1877, 1877, p.9 (fråze rifondowe et rarindjeye).
     
   1. esse bon prince
4. t’ es bon

Mots d’ aplacaedje

• Bon Diu
• bondiu
• podbon
• bon-por-lu
• bon ki

Ortografeyes

Après 1900, foû rfondou (Feller, Feller ricandjî, nén Feller) :

• bon : C8, E1, E34, O4
• boun : O4

E rfondou walon :

• bon : R9 ^(lére), R10 ^(lére), R13

Ratournaedjes

bon

• Francès : bon ^(fr)

mindjåve

• Francès : comestible ^(fr)

Sustantif

singulî	pluriyal
bon	bons

bon omrin

1. sacwè k’ est bén.
   • Gn a do bon eyet do måva dins ç-n istwere la.

Ratourneures

1. a bon : podbon.
   • Dj’ aveu pinsé d’ tourner ene crake a m’ feme e lyi djhant ki dj’ aveu må m’ vinte, mins vla ki dj’ l’ a må a bon, asteure. — J. Wyns (fråze rifondowe)..
2. c’ est d’ bon
3. esse al boune : esse bén luné (esse binåjhe, djinti et k’ on n’ î est nén sovint).

Ratournaedjes

esse al boune

• Francès : être de bonne humeur, dans de bonnes dispositions

Mot-fråze

bon (nén candjåve)

1. si dit divant d' kimincî ene fråze.
   • I n' î est nén. Hinri a cwerou tocosté après. (I bouxhe li sånî djus di l' årmå). Bon ! Vola l' sé ståré. C' est co ene samwinne ki cmince bén. — Antoine Bouhon, Les Brixhes da Gèrâ, 1900, sinne III, p.9 (fråze rifondowe).

Ratournaedjes

si dit divant d' kimincî ene fråze

• Francès : bon ^(fr), eh bien ^(fr), soit ^(fr)

Etimolodjeye 2

Sustantivaedje di l’ addjectif, dins l’ sinse di bon a u bon po (payî) dins on accoird comierçå.

Sustantif

bon omrin

1. documint ki dene droet a-z esse discandjî conte ene sacwè.
   • Dj’ a discôpé dins l’ gazete on bon po-z aveur des rabats.

Ortografeyes

Après 1900, foû rfondou (Feller, Feller ricandjî, nén Feller) :

• bon : E34

E rfondou walon :

• bon : R10 ^(lére)

Li mot n’ est nén dins : C8, R13

Etimolodjeye 3

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

bodje gayelike

bon-pa, boune-mame : tayons.