Noqonuniy qurilishlar uchun javobgarlik kuchaytirilmoqda

Mamlakatimizda shaharsozlik sohasida ayrim tizimli muammolar saqlanib qolmoqda. Xususan, noqonuniy qurilishlar, loyiha hujjatlaridan chetga chiqish va urbanizatsiya tamoyillariga amal qilmaslik, qurilish-montaj ishlarini belgilangan tartiblarga rioya etmasdan amalga oshirish holatlari uchramoqda. Bu borada 2024-yilda 9 mingta huquqbuzarlik aniqlangan. 2025-yilda shaharsozlik sohasidagi huquqbuzarliklar uchun 2 ming 653 ta ma’muriy jarima qo‘llanilgan.