Massiel

Massiel
Massiel 2018-yil
Umumiy maʼlumot
Tavalludi	María de los Ángeles Felisa Santamaría Espinosa 1947-yil 2-avgust (1947-08-02) Madrid, Ispaniya
Janrlar	pop
Kasbi	Xonanda
Faoliyat yillari	1966–1996 2006–2007
Fuqaroligi	Ispaniya
Turmush oʻrtogʻi	Pablo Lizcano

María de los Ángeles Felisa Santamaría Espinosa (1947-yil 2-avgustda tugʻilgan), professional sifatida Massiel (ispancha: maˈsjel) nomi bilan tanilgan, ispaniyalik pop va protest qoʻshiqchisi. U 1968-yilgi Eurovision qoʻshiq tanlovida "La, la, la" qoʻshigʻi bilan gʻolib chiqdi va Ispaniyadan tanlovda gʻolib chiqqan birinchi ijrochi boʻldi.

Messiel oʻzining birinchi audioyozuvlarini 1966-yilda chiqargan boʻlishiga qaramay, 1996-yili musiqa karyerasidan voz kechishga qaror qildi, ammo bir yil oʻtgach, yana bir albomini chiqardi. Shuningdek, 2007-yilda yana boshqa bir albomi bilan birga 1970-yillardagi albomlarning ikkita yangi nashri chiqdi.

Biografiyasi

Massiel Ispaniyaning Madrid shahrida tugʻilgan. Uning asturiyalik otasi Emilio Santamariya Martin badiiy menejer boʻlgan, shuning uchun u bolaligidan qoʻshiqchilar va musiqiy guruhlar atrofida boʻlgan va yoshligida qoʻshiqchi, aktrisa va qoʻshiqnavis boʻlishga qaror qilgan. Uning onasi Konsepsion Espinosa Peñas(1920-2011) ham asturiyalik boʻlgan.

Uning birinchi yozuvlari „Di que no“, „No sé porqué“, „Llueve“, „No comprendo“, „Y sais que vi“, „Rufo el pescador“, „Aleluya“ va „El era mi amigo“ boʻlib, 1966-yilda chiqarilgan. 1967-yili doʻsti Luis Eduardo Aute tomonidan yozilgan „Rosas en el mar“ qoʻshigʻi uni Ispaniya va Lotin Amerikasida qoʻshiqchi sifatida tanitdi. Shundan soʻng, Massiel 1967-yilda „Vestida de familiya“ filmida rol ijro etishga taklif qilinadi.