pali:tomo toki

tenpo pini

tomo ni la, sina ken toki e ijo pi lipu Wikipesija.

tomo toki li kepeken ilo lon nasin pi nasa lili. o lukin e lipu sona pi nasin ilo: nasin ilo:tomo toki

lipu nimi pi toki mama Palata Elopa.

toki sin poka: tenpo mun pini 7toki 3jan 2 li toki

tenpo ni la,mi pali e lipu nimi pi toki mama Palata Elopa.mi alasa e sona lon lipu Wiktionary .sina wile pali la,o kama pali e lipu nimi ni! So Sinjo (toki) 2025-03-09T14:06:46 (UTC)o toki tawa ni

kulupu suli "nimi:" o kepeken nimi pi toki ike anu seme? tawa mi la ona o toki lon toki pona taso. -- wan Tansin^{[o toki tawa mi]} 2025-06-26T05:53:07 (UTC)o toki tawa ni

sina ken lukin e toki ni. jan So Sinjo (toki · ante) 2025-06-26T06:07:52 (UTC)o toki tawa ni

nimi pi ma Loma pi tenpo pini

tenpo mute la jan li toki e ni: jan li toki pona e ijo la jan o kepeken nimi wan pi toki pona ala (toki Inli en ma Inli en kulupu Inli li sama). taso lon lipu ni la ma Loma pi tenpo pini li ma pi toki Lasina pi sitelen Lasina pi kulupu Lasina. lipu ni o ma Lasina anu seme?

mi alasa e lipu ni la pakala ni li lon.

toki sin poka: tenpo mun pini 8toki 2jan 2 li toki

mi alasa e lipu ni kepeken nimi alasa "www.wikipesija.org" la, mi ken ala lukin e lipu ni. taso mi kepeken e nimi alasa "wikipesija.org" la mi ken. ken la o pali e ni. -jan TuSiPi (toki) 2025-06-09T04:59:47 (UTC)o toki tawa ni

ni li ike lon, ken la lipu ni li kepeken nasin www ala. jan li ken pana e tawa (redirect) wan. jan So Sinjo/'jän/ /'swɔ/ /'siȵˌɥɔ/ 2025-06-09T07:22:12 (UTC)o toki tawa ni

kipisi:nimi ijo la kepeken ike

toki sin poka: tenpo mun pini 7toki 4jan 3 li toki

mi lukin mute e ilo:lipu pi sona ala, li alasa e toki ike. ike wan la mi lukin e ni: lipu mute li sama ni: toki "ijo (toki Inli la: thing) li...". ni li ike tawa mi. ala la toki Inli li toki pi ma ali. ijo li suli lon toki, la a o kepeken ni. toki "ma Mewika (toki Inli la: the United States of America)" li pona tan ni: ma ni la jan mute li toki Inli. toki "moku soweli palisa lon pan palisa (toki Inli la: hot dog)" li pona tan ni: moku ni li tan ma Mewika. taso ala la ni li ijo pi toki Inli, la o kepeken ala toki Inli. mi weka e toki Inli tan lipu "ilo pi tawa kalama". taso ona li awen lon lipu "tawa nena".

tawa mi la ni li pona: o kepeken e {{nimi ijo}} tan ni taso:

jan li pana e ijo ni kepeken nimi ni sama lipu 1984 (toki Inli la: Nineteen Eighty-Four)
anu ni li nimi ma tawa jan pi ma ni sama ma Mewika (toki Inli la: the United States of America).
anu ni li nimi ijo tawa jan poka sama moku soweli palisa lon pan palisa (toki Inli la: hot dog).
anu jan pi toki mute li kepeken nimi ni sama ni: sona wile la jan pi ma ali li kepeken nimi pi toki Lasina.

jan ante li seme pilin? -- wan Tansin^{[o toki tawa mi]} 2025-06-27T10:25:40 (UTC)o toki tawa ni

mi pilin sama. lipu Wikipesija o tawa jan ale. nimi pi toki pona li poki e kon suli. nimi mute pi toki Inli li poki e kon lili. kepeken ike pi toki Inli li ken kiwen e nimi pi toki pona. Ca (toki) 2025-06-27T17:37:05 (UTC)o toki tawa ni

mi ken lili e nasin tu tu sina tawa nasin wan: mama ijo li nimi e ona la o kepeken nimi ni. jan Tepo (toki) 2025-06-29T18:24:54 (UTC)o toki tawa ni

a. ni li nasin pona. -- wan Tansin^{[o toki tawa mi]} 2025-06-29T18:30:36 (UTC)o toki tawa ni

lipu li kepeken nimi ike lon tenpo suli, la jan li ante e nimi, la mi o weka e nasin tawa anu seme?

toki sin poka: tenpo mun pini 6toki 2jan 2 li toki

nimi li jo e nimi ike sama ni: ona li wuwojiti (kalama ona li ken ala) li jo e ike ante la, ona li nasin tawa li tawa lipu ante la, ona o lon ala lon? o pana e pilin sina. jan So Sinjo (toki · ante) 2025-07-15T10:43:49 (UTC)o toki tawa ni

nimi pini li tawa lipu sin la ni li pona tawa mi. pilin li sama ni: ilo li lukin e nimi ike li ante e ona tawa nimi pona la, ni li pana e sona pi nimi pona. jan Tepo (toki) 2025-08-12T00:47:00 (UTC)o toki tawa ni

ma sin pi ilo Siko li kama

toki sin poka: tenpo mun pini 5toki 1jan 1 li toki

ma "kulupu Wikimesija pi toki pona" la o kama a. mi en jan Tepo en jan Juwan li pali e ni, li wan e kipisi ma majuna pi ilo Siko. -- wan Tansin^{[o toki tawa mi]} 2025-08-18T18:09:31 (UTC)o toki tawa ni

lipu open

toki sin poka: tenpo mun pini 2toki 1jan 1 li toki

mi pana linja tawa "lipu open" tawa jan la sitelen pi Joseph Stalin kama lon a

ChildishGiant (toki) 2025-11-26T23:58:30 (UTC)o toki tawa ni

nimi pi lipu Wikipesija

toki sin poka: tenpo mun pini 2toki 5jan 2 li toki

tenpo ni la nimi lipu li ni:

lipu Wikipesija
li lipu pi jan ale

mi wile ante e ona tawa ni: nimi li pona lon nasin pi kulupu Wikipesija:

lipu Wikipesija
lipu sona open

ona li wile ala e nimi "li" tan ni: ona li nimi lipu taso.

sama la mi pilin e ni: nimi "open" li pona tawa nimi "free" ni pi toki Inli tan lipu ni:

Wikipedia:The Free Encyclopedia#The other meanings of "free"

Some editors understand the "anyone can edit" part of "the free encyclopedia that anyone can edit" as an extension of the word "free". This is wrong, as the sentence encompasses two separate concepts. "Free" refers to licensing, as explained above; "anyone can edit" refers to the fact that Wikipedia is a wiki

en:Wikipedia:Free_encyclopedia

en:Free_knowledge

jan Ne (toki) 2025-11-27T18:46:02 (UTC)o toki tawa ni

nnn nimi sewi lipu li "lipu open" la pilin open la "lipu sona open" li toki e ijo sama anu seme · mi la "pi jan ale" li sama a kon wile pi nimi "free" · la lipu o ante ni ala ~poni Kita (.hecko; toki) 2025-11-28T17:20:44 (UTC)o toki tawa ni

mi toki e ni tan ni: nasin pi kulupu Wikipesija la ni li lon ala. ona li toki wawa e ni: kon tu ante li lon nimi:

This is wrong, as the sentence encompasses two separate concepts.

nimi suli pi toki Inli li ni: "the free encyclopedia that anyone can edit"

ni la nimi suli ni pi toki pona li sama ni: "lipu sona open pi jan ale" (/pi pali jan ale)

lili la ona li ni taso: "the free encyclopedia"

ni la nimi lili pi toki pona li ni: "lipu sona open"

(ken la nimi "lipu pi sona open" anu ijo sama li ken pona sama. taso nasin o awen e kon tu ante.)

jan Ne (toki) 2025-11-30T00:04:09 (UTC)o toki tawa ni

a sona · taaaso toki pona li wan e kon mute la kon tu li ken kama toki wan anu seme :3 ~poni Kita (toki) 2025-11-30T00:07:48 (UTC)o toki tawa ni

tan seme? mi wile ala wan e ona.

mi ken awen e ante pi kon tu. nasin pi lipu Wikipesija li wile e ona. ni la nimi o awen e kon ante.

ona li pali suli ala. taso lukin la ona li suli tawa jan pi kulupu Wikipesija.

pali ilo la jan li toki e kon pi sama lili. toki ilo li open la jan li ken kepeken ona li ken lukin e ona li ken pali kepeken ona li ken pana e ona. sona en lipu sona li open la ni li sama. pilin mi la ni li wile toki pi mama Simi We.

ni la kon li lon a. jan li kepeken ona. mi o kepeken kon ni. jan Ne (toki) 2025-11-30T00:29:30 (UTC)o toki tawa ni

jan lawa o ken pana e ken "pona tawa jan" ("confirmed")

toki sin poka: tenpo mun pini 2toki 10jan 6 li toki

jan mute pi toki pona li kama, li wile pona e nimi lipu. taso ona li ken ala ni. jan li wile tawa e lipu, la ona o jo e ken "pona" wan. ni li ken "pona tawa ilo" ("autoconfirmed") anu "pona tawa jan" ("confirmed"). ken ni li lawa e ijo ante kin: jan "pona" li wile ala kepeken jaki CAPTCHA, li ken sitelen e lipu pi awen lili ("semi-protected"). mi en jan Tbodt en jan Retsamys li wile pana e ken ni tawa jan pi toki pona. taso tenpo ni la mi ken ala. jan lawa AntiCompositeNumber pi kulupu Wikimesija li pana e ken ni tawa jan mute. taso mi ken ala alasa e ni tan ona lon tenpo ali. tan ni la mi toki e wile ni: jan lawa o ken pana e ken "pona tawa jan". (kin mi o ken weka e ni.) jan li wile ala wile e ni? jan li wile, la mi ken toki e ni lon ilo Phabricator. taso jan pi ilo ni li wile kute e kulupu.

(This bit is in English for the benefit of system administrators: This is a proposal to let local admins grant and remove the "confirmed" right. wile means 'support'. wile ala means 'oppose'. This discussion was advertised on the Toki Pona Discord without a request to !vote either way.) -- wan Tansin^{[pi sijelo Tamzin]} 2025-11-28T15:27:45 (UTC) ante) 2025-11-28T17:01:36 (UTC)o toki tawa ni

wile -- wan Tansin^{[pi sijelo Tamzin]} 2025-11-28T15:28:17 (UTC)o toki tawa ni

wile. jan Ke Tami (toki) 2025-11-28T15:58:35 (UTC)o toki tawa ni

wile Tbodt (toki) 2025-11-28T16:56:29 (UTC)o toki tawa ni

mi ante lili e toki open tan ni: mi o ken weka kin e ni. -- wan Tansin^{[pi sijelo Tamzin]} 2025-11-28T17:01:36 (UTC)o toki tawa ni

wile ala ala la wile · jan li ken kama pona tawa ilo kepeken tenpo lili · taso · ike li ala · jan mute li pali ala lon ma ni anu pali lon ma majuna taso la ken la ona o ken lon open · lipu mute a li wile e nimi sin la jan (en mi ilo :3) o ken tawa

not opposed so support · getting autoconfirmed is easy · but · there's no harm · there are a bunch of trustworthy people who just haven't contributed to tokwiki specifically, or only previous iterations thereof · heaps of articles have suboptimal names that people (and my bot account :3) ought to be free to change ~poni Kita (toki) 2025-12-02T15:42:35 (UTC)o toki tawa ni

wile jan Sunepa (toki) 2025-12-02T16:56:07 (UTC)o toki tawa ni

wile a. lawa o ken lawa. Ookap (toki) 2025-12-02T18:14:18 (UTC)o toki tawa ni

pilin kulupu ni la mi open e alasa phab:T411683. -- wan Tansin^{[pi sijelo Tamzin]} 2025-12-03T21:22:51 (UTC)o toki tawa ni

ni li kama a. sina jo e sijelo sin, li wile ken ante e nimi lipu anu wile e wawa ante ni, la o toki tawa jan lawa. mi sona e pona sina tan ma ante, la ken suli la mi ken wawa ni e sina.

taso o sona e ni: sijelo sina li lon tenpo suno 4, la sina jo e wawa "pona tawa ilo", li wile ala e wawa ni. (wiki Enwiki la ni li ante. ona ante la kin jan o pali e ante 10. mi wile ala e ni.) -- wan Tansin^{[pi sijelo Tamzin]} 2025-12-05T03:17:21 (UTC)o toki tawa ni

mi lawa e lipu "pali:o toki pona", la ni li ike tawa jan anu seme?

toki sin poka: tenpo mun pini 2toki 7jan 3 li toki

pini la mi toki e ni: "lawa alasa 'o toki pona' li pona anu seme?. tawa jan Tbodt tawa jan Palikon tawa jan Citrons.xyz la lipu "pali:o toki pona" li pona. jan ante li ante pilin anu seme? jan ala li wile ala, la mi lawa e ni lon tenpo poka. o sona e ni: mi mute li awen ken pona e lipu ni. ni li ijo pini ala. -- wan Tansin^{[pi sijelo Tamzin]} 2025-11-29T15:38:56 (UTC)o toki tawa ni

lon toki pini la mi toki e ni: ona li open pona. mi sona pona ala e ni: mi la ona li pona ala pona tawa pana :P

o toki e ni: ona li kama lawa la, mi wile ante e ona la, ni li kama pali suli anu seme? mi ken ante e ona kepeken pali lili lon tenpo ni la, mi wile awen lili tawa ni: mi ken lukin pona li ken toki e pilin mi ale. Tbodt (toki) 2025-11-29T17:40:57 (UTC)o toki tawa ni

wiki lili la jan li ken ante e lawa tan wile ona tan sona pona. jan ante li ante pilin, la ona li weka e ante, la jan li toki. ni li sama lipu sona. mi wile ala jo e lawa lawa kiwen sama wiki Enwiki. -- wan Tansin^{[pi sijelo Tamzin]} 2025-11-29T17:57:02 (UTC)o toki tawa ni

nasin pona. Tbodt (toki) 2025-11-29T18:14:47 (UTC)o toki tawa ni

ni la mi pana e kipisi lili sin: pali:o toki pona § o weka e toki ike. -- wan Tansin^{[pi sijelo Tamzin]} 2025-12-02T16:31:02 (UTC)o toki tawa ni

mi la wile ni li suli. ona o lawa. ike li lon la kulupu li ken ante. Ookap (toki) 2025-12-02T18:15:31 (UTC)o toki tawa ni

mi ni e ni kepeken {{lawa taso}}. -- wan Tansin^{[pi sijelo Tamzin]} 2025-12-04T20:23:45 (UTC)o toki tawa ni

nimi lipu pi ma tomo

toki sin poka: tenpo mun pini 2toki 6jan 5 li toki

nimi lipu pi ma tomo mute li jo e nimi "ma tomo". ma tomo Sijate en ma tomo Lonton li tu. taso, mi pilin e ni: ni li kiwen e nimi ona.

ma tomo mute la nimi ona li sama ala tawa ma ante. nimi "ma tomo" li ken ante pona e nimi tu. ma Nujo en ma tomo Nujo li ni. taso, ma Sijate li lon ala. taso, lipu pi ma tomo li kama ni la jan ala li kama sona pakala. ni ale la, mi wile e ni: nimi lipu pi ma tomo li weka e nimi tomo. sina ale li pilin sama ala sama? lili Lowa a (o toki) 2025-11-30T14:23:01 (UTC)o toki tawa ni

a a, ni li ike ala tawa mi. mi kama pilin sama lon tenpo mute. Ookap (toki) 2025-12-02T18:16:26 (UTC)o toki tawa ni

nimi Tomo o weka lon pilin mi. a lon la [[ma Lusenpu|ma Lusenpu suli]] en ma Lusenpu lili li lon, taso ma lili la nasin nimi mute li ken. jan Ke Tami (toki) 2025-12-03T02:26:39 (UTC)o toki tawa ni

nasin toki pona pi nimi ma la ona tu li ken jo e nimi sama. kepeken toki pona ala la, kepeken sitelen Lasina la, nimi ma tu li ken jo e nimi sama. "ma lawa" anu "ma tomo" anu "ma lili" li wile pona e ni. ~2025-38192-62 (talk) 2025-12-03T12:34:13 (UTC)o toki tawa ni

jan li toki pona tawa jan ante la ona li toki ala a e "ma tomo X". mute la ona li toki e "ma X" taso. tenpo seli pini la mi tawa kulupu suli pi toki pona lon ma Sijato. lon la mi kute ala e nimi "ma tomo Sijato" lon ale pi tenpo kulupu. kulupu li lon ma poka mi kin la jan li toki e "ma Sanpansiko" e "ma Mantanpu" e "ma Okelan" e "ma Sanose" e "ma tomo [ni wan]" ala. ale la—ni li lipu pi toki pona la mi o alasa sama toki pona pi toki jan anu seme.

kin la mi kepeken nimi "ma tomo" la jan li ken kama pilin sama ni: nimi "city" anu nimi "urbo" anu nimi "都市" li nimi "ma tomo" lon tenpo ale sama kiwen. ni li lon ala. mi la kulupu o wile ala ni e nimi. pakala Mapuju en poka • o toki tawa mi o lukin e pali mi 2025-12-03T16:10:12 (UTC)o toki tawa ni

lon. mi toki e nimi "ma tomo" lon tenpo tu: nanpa wan la weka nimi li ken nasa e jan. ni li sama ma tomo Nujo. nimi "tomo" li weka, la ken la mi toki lon ma Nujo suli. (n, nimi lipu "ma lili Nujo" o ante a.) ma nanpa tu la, lon tomo li suli tawa toki mi. mi en jan poka mi li lukin e tomo suli pi ma Kunte, la ken la mi toki e ni: "ma tomo Kunte li suli a".

tan ni la tawa mi kin mi o weka e nimi "tomo" tan nimi lipu mute. (taso o sona e ni: mi en lili Lowa li lon tomo sama. lawa pi wiki mute lon kulupu Wikimesija sama wiki Enwiki la pilin pi mi tu o sama pilin pi jan wan.) -- wan Tansin^{[pi sijelo Tamzin]} 2025-12-03T17:11:53 (UTC)o toki tawa ni

lipu "pona" o jo e tan sona

toki sin poka: tenpo mun pini 2toki 7jan 2 li toki

mi lukin e lipu "ma Mewika en ma Sesesele li utala". ni li lipu ike ala. ona li sama lipu pona pi wiki Enwiki. taso ona li jo ala e tan sona. tawa mi wan la mi kulupu li wile pana e suli "pona" anu suli "pona mute" tawa lipu, la lipu o jo e tan sona. jan ante li seme pilin? -- wan Tansin^{[pi sijelo Tamzin]} 2025-11-30T19:29:15 (UTC)o toki tawa ni

kin ona li jo e toki ike sama toki "mi mute lukin tawa sina mute e mama meli pi kusa", e kalama ike sama kalama "Kusow", e ni tu lon tenpo wan sama toki "jan lawa pi ma Ilan Muwama Mosatik", li kepeken nimi mute pi toki ante. mi alasa pona e ni. taso mi wile weka e suli "pona mute" tan lipu ni. ni li lipu suli. taso ala la ona li lipu pi pona mute. ona li wile e tan sona, e toki pona. -- wan Tansin^{[pi sijelo Tamzin]} 2025-12-01T06:17:33 (UTC)o toki tawa ni

suli la jan wan Saola li pali e lipu · jan sama a li poki pi pona mute e ona · ike! · taaaso lipu pi nasin poki li ken e ni!

lon la lipu li wile e ni anu seme · jan wan "o" ijo tu tu · ijo nanpa tu tu li poki

lipu o toki a e wile pi tan sona e wile pi pakala toki ala e wile pi jan lukin ante · ken la ijo ante kin ~poni Kita (toki) 2025-12-01T19:30:28 (UTC)o toki tawa ni

mi alasa pona e lawa pi lipu pona e lawa pi pona mute · o lukin o toki e ike e pona

1.

← "lipu o suli. sitelen ilo mute ale (2000) li lon la lipu li suli."

←← "lipu li suli (6000+ bytes). kipisi suli li lon lipu;"

seme la nanpa?! · wiki pi toki Inli en wiki pi toki Posuka li nanpa ala · la toki pi utala nanpa o nanpa ala kin

→ "lipu o suli pona. sona suli o lon. sona ale lipu li lon ma Wikinanpa kin la ike."

→→ "lipu o suli wawa. sona suli ale o lon. sona lili kin o lon. sona ale a li ken lon la sona ale a o lon." [ni o kama pona]

2.

← "nasin toki lipu o pakala ala."

←← "lipu li kepeken toki pona;"

ni li suli · taso pakala li ken lon nasin toki ala kin · lawa pi sina [Tansin] li pona la mi kepeken ona :3

→ "lipu o toki pona. nasin toki o pakala wawa ala. tan sona o lon."

→→ "lipu o toki pona. nasin toki o pakala ala o wile ala e wawa tan jan lukin. tan sona mute o lon."

3.

← "sitelen li lon lipu la wawa."

←← "sitelen li lon la sitelen li lon lipu;"

ni li ike ala tawa mi

4.

← [ala]

←← "o pana e kipisi:lipu pi pona mute lon anpa lipu e kulupu:lipu pi pona mute."

la jan pi pali lipu o ni anu seme?!?! · ike wawa · alasa pakala li wile e jan namako

→ "lipu o pona tawa jan pona ante wan pi sin ala. (sin ala la jan o wawa ni: ona li ken ante e lipu pi awen lili li ken tawa e lipu.) sina pali wawa lon lipu la sina ken ala pana e ona lon kulupu. o toki tawa jan ante. ona li lukin e lipu la ona li ken pana."

→→ "lipu o pona mute tawa jan pona ante tu pi sin ala. (sin ala la jan o wawa ni: ona li ken ante e lipu pi awen lili li ken tawa e lipu.) o toki e wile lon tomo toki. jan tu li lukin e lipu li toki e pona la lipu li ken kama lon kulupu. sina pali wawa lon lipu la sina ken ala toki e pona."

~poni Kita (toki) 2025-12-03T17:32:26 (UTC)o toki tawa ni

...a mi lukin ala e ni → lipu pona la "jan lawa li ken la ona li pana e kipisi:lipu pona lon anpa pi lipu sina" · ni la ike li tu :p · lipu pi pona lili li wile e jan lawa a · lipu pi pona mute li wile e ala · keeen la pona mute o wile e jan lawa · taso pona lili la mi la jan mute o ken anu seme ~poni Kita (toki) 2025-12-03T18:52:35 (UTC)o toki tawa ni

mi weka e sike "pona" tan lipu "ma telo Sumata" tan ni: ni li pona ala. ken la mi o weka e sike "pona" ali e mun "pona mute" ali, o open sin e nasin ni? -- wan Tansin^{[pi sijelo Tamzin]} 2025-12-05T07:22:43 (UTC)o toki tawa ni

lipu "jan Jeko Leto" li jo e kipisi {{nasin toki ike}}, e kipisi {{lipu pona}}. seme li nasa? mi lukin mute e weka pi nimi "pi", e weka pi nimi "li", la mi weka e kipisi {{lipu pona}}. -- wan Tansin^{[pi sijelo Tamzin]} 2025-12-06T06:44:01 (UTC)o toki tawa ni

"lili ike" -> "open"

toki sin poka: tenpo mun pini 2toki 4jan 4 li toki

lipu mute la jan pali li pana e nimi 'lili ike' lon ona, li toki e ni: jan pali ante o suli e ona. taso nimi ante li ken pona mute pilin.

mi sona wawa ala e wile mi lon ni, taso mi wile open e toki. Tbodt (toki) 2025-11-30T22:17:07 (UTC)o toki tawa ni

sina wile wan e ijo "lili ike" e ijo "open" la nimi "open" taso li pona lili taso, taso nimi "open taso" li ken pona a tawa mi. jan Ke Tami (toki) 2025-12-01T01:45:03 (UTC)o toki tawa ni

kin. -- wan Tansin^{[pi sijelo Tamzin]} 2025-12-07T07:17:53 (UTC)o toki tawa ni

ni li pona tawa mi. "open" taso li ken a toki e toki nanpa wan lipu e ijo ante. pakala Mapuju en poka • o toki tawa mi o lukin e pali mi 2025-12-07T07:25:32 (UTC)o toki tawa ni

lipu sona

toki sin poka: tenpo mun pini 2toki 3jan 2 li toki

toki.

mi wile pali e lipu tawa ma ni. taso, mi wile e sona e ni: lipu pi ma ni li toki sona la, nasin lipu pi sona ni li kepeken toki seme? tenpo mute la, lipu sona pi toki pona li lon ala.

sina lukin e ni la, sina pona a. Cawfeecrow (toki) 2025-11-30T23:46:08 (UTC)o toki tawa ni

"nasin lipu" la sina toki ala toki e ni: lipu o toki e ni: sona li tan seme?

lon la sona li ken ala tan lipu pi toki pona taso la o pana e ni: ona li tan lipu sona pi toki ante. ni li ken e ni: ma ni li ken jo e lipu pona. :) Tbodt (toki) 2025-12-01T01:04:23 (UTC)o toki tawa ni

sina pona a! Cawfeecrow (toki) 2025-12-01T03:00:42 (UTC)o toki tawa ni

lili Lowa li wile kama jan lawa

toki sin poka: tenpo mun pini 1toki 4jan 3 li toki

toki a. tenpo poka la mi wile ante e nimi lipu, li nimi pona e ona. taso, lipu ante li kepeken nimi la mi ken ala jasima e nasin. ni li sama ni: mi wile tawa e lipu “ma lili Junan” tawa nimi “ma Unan”. taso tenpo ni la lipu “ma Unan” li tawa lipu “ma lili Pulan”. ma ni li jo ala e wawa “pagemover” la jan lawa taso li ken ni. ni la mi wile kama jan lawa. ante la mi ken weka e lipu jaki, li ken ken ala e jan jaki.

mi toki lili lon mi: mi lili Lowa. mi jan pi pana sona tan ma Mewika. tenpo lon la mi lon ma Tawi. mi pali mute lon lipu Wikipesija pi toki Inli. tenpo pini la mi pali lon lipu Wikipesija.org majuna. lipu Wikipesija li kama lon kulupu Wikimesija la mi open sin e pali mi. mi mama e lipu sin mute. mi la jan Enwi Take li pona mute.

mi wile awen pona e ma ni. :3 lili Lowa a (o toki) 2025-12-05T09:58:07 (UTC)o toki tawa ni

mi la sina pona a. ken lawa o lon sina! pakala Mapuju en poka • o toki tawa mi o lukin e pali mi 2025-12-07T07:27:22 (UTC)o toki tawa ni

mi open e m:Steward requests/Permissions § Generalissima@tokwiki. jan li awen ken toki e pilin ona lon toki ni. -- wan Tansin^{[{{jan|Tamzin}}]} 2025-12-20T11:32:36 (UTC)o toki tawa ni

ni li kama. toki li pini. jan lawa sin o lawa pona. -- wan Tansin^{[{{jan|Tamzin}}]} 2025-12-20T13:19:55 (UTC)o toki tawa ni

mi ken ante e poki lipu kepeken nasin seme?

toki sin poka: tenpo mun pini 2toki 3jan 3 li toki

mi sin tawa ilo Wikimedia la, mi sona ala e nasin ale. mi wile ante e poki pi toki mute, taso mi sona ala e nasin. jan ante li ken ala ken pana e sona? mi pali e lipu pi jan Camellia la, mi wile ni.

(mi toki Inli kin tan ni: mi toki pona ala lon tenpo mute. im new to wikimedia, so i dont know everything. how do i change the language list of an article? ive just created the page for the musician Camellia, so i want to edit that box to link to other languages.) Eightbitgiraffe (toki) 2025-12-05T15:18:06 (UTC)o toki tawa ni

sina ken ni lon ma Wikinanpa · o alasa e nanpa pi ijo sina · jan [Kamelija] la nanpa li Q40857248 · anpa la poki "lipu Wikipesija" li lon · o luka e nena pi ante ona · o pana e nanpa toki "tok" e nimi pi lipu sina · o pana e ante · tenpo poka la sina lukin sin e lipu sina la linja ale li lon :3 ~poni Kita (toki) 2025-12-05T15:31:40 (UTC)o toki tawa ni

ni. taso o sona e ni: tenpo mute la sina pana e nanpa "tok", la ilo Wikinanpa li alasa pana e toki Topisin pi nanpa "tpi". ni li kama, la o luka e nimi "toki pona". -- wan Tansin^{[pi sijelo Tamzin]} 2025-12-05T15:41:53 (UTC)o toki tawa ni

"lipu tawa jan pali" -> "lipu open pali"

toki sin poka: tenpo mun pini 2toki 2jan 2 li toki

mi ante e nimi. jan li pilin seme? nimi pini anu nimi sin li pona nanpa wan? ona tu li nasa la, nimi seme li pona tawa sina? Tbodt (toki) 2025-12-05T17:46:52 (UTC)o toki tawa ni

nimi sin li pona tawa mi. -- wan Tansin^{[pi sijelo Tamzin]} 2025-12-07T07:18:47 (UTC)o toki tawa ni

toki wile pi pali lipu.

toki sin poka: tenpo mun pini 2toki 4jan 3 li toki

toki.

mi wile e lipu sin. taso, nasin sona pi lipu ni la, mi sona lili a! ni la, mi ken nimi ala e lipu ni a.

mi wile toki e ni: jan o pali e lipu ni. mi o ni kepeken nasin seme?

sina lukin e ni la, sina pona a. Cawfeecrow (toki) 2025-12-08T22:38:32 (UTC)o toki tawa ni

sina ken toki e ni, e ale, lon tomo toki ni. sina wile e lipu seme? Tbodt (toki) 2025-12-08T23:15:15 (UTC)o toki tawa ni

mi wile e lipu "mass-energy equivalence" . lipu ni li pona tawa lipu pi jan Ape Ansan. Cawfeecrow (toki) 2025-12-09T20:28:46 (UTC)o toki tawa ni

ken la nimi pona li sijelo en wawa li sama. jan Sunepa (toki) 2025-12-09T22:07:03 (UTC)o toki tawa ni

lipu "janKaKo" o awen lon anu seme?

toki sin poka: tenpo mun pini 2toki 2jan 2 li toki

tawa mi la lipu "jan JanKaKo" li suli ala. wiki ante li toki ala lon jan ni. lipu li kepeken ala tan sona wawa. tan tu li tan jan ni. tan wan li tan jan musi ante pi suli lili. tan wan li tan ilo Discogs; ni li toki ala e suli jan. ilo sin pi esun Kuku li toki ala lon jan ni. tan ni ali la tawa mi la lipu ni o weka. taso toki "jan la toki:Tamzin § jan JanKaKo" la mi en mama lipu jan DigiSpaceProductions en jan Tbodt li kama ala tawa pilin kulupu. ni la mi alasa e pilin pi kulupu suli: lipu ni o awen lon anu seme? -- wan Tansin^{[{{jan|Tamzin}}]} 2025-12-10T03:15:06 (UTC)o toki tawa ni

lipu tenpo pi soweli jan li kama mute ala.

lipu ni li ala lipu Wikipesija pi toki Inli.
lipu ni li jo e lipu nasin pi ijo suli.

lipu nasin pi ijo suli li lon la, lipu mute pi toki pona li weka.

jan Usawi li suli ala.
kulupu toki pona la ona li suli.
lipu tenpo li toki ala e ona

lipu ni li wile e lipu nasin pi ijo suli, taso: ona li ken pakala e jan pali musi linluwi.
DigiSpaceProductions (toki) 2025-12-10T10:36:26 (UTC)o toki tawa ni

tawa wan Tansin la poni Kita o kama lawa

toki sin poka: tenpo mun pini 1toki 6jan 3 li toki

ilo Siko la tenpo mute la poni Kita^jan:.hecko li wile e ijo tan mi lawa. ni li wile pona. ona li sona pona e wile pi wiki ni. taso mi jan ike pi wile pali ala,^/musi la mi wile ala ni. tawa mi la ona o kama lawa, la ona li ken pali e pona ni, la mi ken lape.^/musi

tenpo ni la kulupu o open ala e toki wile. open la mi o toki e ni: poni Kita o, kulupu li wile lawa e sina, la sina wile ala wile? -- wan Tansin^{[{{jan|Tamzin}}]} 2025-12-10T15:12:39 (UTC)o toki tawa ni

poni li pona. wile. jan Ke Tami (toki) 2025-12-10T16:09:12 (UTC)o toki tawa ni

a,, · nn wile ala ala · mi sona ilo (li open e ma pi ilo sama) li sona toki · mi sona ala lawa e kulupu la monsuta · taso ni pini li suli ala tawa nasin lawa ni la ken ~poni Kita (toki) 2025-12-10T16:11:18 (UTC)o toki tawa ni

sina wile ala lawa e jan, la sina ken lawa ala e jan. wiki Enwiki la jan lawa mute li kepeken ala ilo:Block, li toki lawa ala tawa jan. taso la ona li pona e ilo. -- wan Tansin^{[{{jan|Tamzin}}]} 2025-12-10T16:43:11 (UTC)o toki tawa ni

mi open e m:Steward requests/Permissions § .hecko@tokwiki. jan li awen ken toki e pilin ona lon toki ni. -- wan Tansin^{[{{jan|Tamzin}}]} 2025-12-20T11:33:13 (UTC)o toki tawa ni

ni li kama. toki li pini. poni lawa sin o lawa pona. -- wan Tansin^{[{{jan|Tamzin}}]} 2025-12-20T13:19:55 (UTC)o toki tawa ni

lipu "selo pi palisa mute" li nasa li ike tawa jan mute

toki sin poka: tenpo mun pini 2toki 1jan 1 li toki

lipu "selo pi palisa mute" li nasa. ona li toki kin e nimi "leko". lipu Wikinanpa la, ona li tawa wikidata:Q747980 (toki Inli la: "polytope").

pilin mi la, nimi "selo pi palisa mute" li ken toki e sijelo lipu taso. nimi "leko" li toki e sijelo pi poka tu tu taso.

mi wile e ni:

lipu selo pi palisa mute o toki e ni:
1. sijelo lipu li jo e poka palisa taso. wikidata:Q37555
lipu leko o toki e ni:
1. sijelo lipu li jo e poka palisa tu tu. pini poka ale li sama. wikidata:Q164, wikidata:Q209
2. sijelo pi ma sijelo li jo e sinpin supa luka wan. sinpin ale ona li wan lon pini poka leko. wikidata:Q812880, wikidata:Q262959
3. jan ni li lon: ona li kepeken nimi "leko" tawa selo ale pi palisa mute tawa sijelo ale pi sinpin supa. linja o lon tawa ni.
lipu sijelo pi sinpin supa o toki e ni:
1. sijelo li lon nasin tu wan. sinpin ale ona li sike ala. wikidata:Q172937
2. jan li ken suli e kon ni tawa ma pi nasin mute. wikidata:Q747980

SuperminerJG (toki) 2025-12-12T20:59:00 (UTC)o toki tawa ni

poki ko

toki sin poka: tenpo mun pini 2toki 2jan 2 li toki

lipu pi poki ko li lon ala lon? poki ko li lon la, ona li lon seme? HyperAnd (toki) 2025-12-13T23:37:47 (UTC)o toki tawa ni

pali:poki pi kama sona. (taso tan toki sina la mi pana e ni: nimi pali:poki ko li tawa ni.) Tbodt (toki) 2025-12-14T00:12:58 (UTC)o toki tawa ni

lawa nimi

toki sin poka: tenpo mun pini 1toki 1jan 1 li toki

mi wile ala e utala nimi. taso mi wile ala lukin e nimi pi kepeken lili. tan ni la mi wile pana e ni lon pali:o toki pona:

jan 100 la jan 50 li kepeken ala nimi tawa lipu Linku, la ken suli la o kepeken ala. sina kepeken tan wile nasa, la o kepeken kipisi {{nimi}}. jan 100 la jan 25 li kepeken ala nimi, la nimi ante pi kepeken suli li ken ala ken? ona li ken, la o kepeken nimi suli. ala, la o kepeken nimi lili.

ni li pona anu seme? -- wan Tansin^{[{{jan|Tamzin}}]} 2025-12-17T10:42:18 (UTC)o toki tawa ni

lipu majuna mi

toki sin poka: tenpo mun pini 1toki 4jan 2 li toki

tenpo pini la mi ante e lipu Wikipesija kepeken lipu pi lipu Wikipesija mi. taso, tenpo ni la, mi ken taso ante e lipu tok.wikipedia.org kepeken lipu ni.lipu ni li lipu sin tawa tok.wikipedia.org. mi ken ala lukin e ante mi pi tempo pini. mi ken ala ken tawa e ante mi pi lipu Wikipesija tawa lipu ni? ken la, mi ken pali e ni kepeken seme? lipu majuna mi li jan:Carrot2333~wikipesija.org Carrot2333 (toki) 2025-12-19T02:08:25 (UTC)o toki tawa ni

jan Carrot2333 o, sina toki e nimi sina pi ilo Siko [Discord] lon lipu "jan:Carrot2333~wikipesija.org", la ken suli la mi ken wan e sijelo majuna sina, e sijelo sina pi kulupu Wikimesija ale. o kama tawa pali:ma mi lon ilo Siko, o pona e sona pi sijelo sina. -- wan Tansin^{[{{jan|Tamzin}}]} 2025-12-19T09:28:42 (UTC)o toki tawa ni

@Carrot2333: Account confirmation needs to be in English, which we normally do on Meta, but since you currently can't edit Meta, could you just reply here in English to confirm that you previously operated the Wikipesija.org account Carrot2333? -- wan Tansin^{[{{jan|Tamzin}}]} 2025-12-19T09:42:28 (UTC)o toki tawa ni

I am Carrot2333 on Wikipesija.org and I want to migrate data from that account to this one. Carrot2333 (toki) 2025-12-19T09:44:08 (UTC)o toki tawa ni

jan lawa o, sina ken ala ken pana e lipu tan mi?

toki sin poka: tenpo mun pini 1toki 4jan 2 li toki

mi pana e sitelen tawa. ni li “bfdi” lon toki pona, o lukin lon ni: https://www.youtube.com/watch?v=8ZghcBcT_YQ

lon tenpo 1:39 la, jan Sike Jasima li toki e ni: “ona li kasi Okoma.”

jan lawa o, sina ken ala ken pana e lipu pi kasi Okoma? lipu ni pi toki Inli li lon ni: https://en.wikipedia.org/wiki/Ochroma Qazwsxedcrfvtgbyhnujmikolpplokimjunhybgtvfrcdexswzaq (toki) 2025-12-20T02:06:18 (UTC)o toki tawa ni

jan Qazwsxedcrfvtgbyhnujmikolpplokimjunhybgtvfrcdexswzaq o, tan seme la sina wile e jan lawa? sina wile ante toki e lipu ni, la o kepeken ilo:ContentTranslation. anu sina wile e ijo ante, la mi sona ala e wile sina. -- wan Tansin^{[{{jan|Tamzin}}]} 2025-12-20T04:15:21 (UTC)o toki tawa ni

sina sona ala e wile mi. mi wile ante ala li wile pana e lipu sin. taso, mi sona ala e ni: mi pana e lipu pi toki pona tawa lipu pi toki Inli.

jan lawa li ken sona la, mi wile jan pi sona pi lipu Wikipesija. ona ken pali la pakala li lon ala. Qazwsxedcrfvtgbyhnujmikolpplokimjunhybgtvfrcdexswzaq (toki) 2025-12-27T21:26:28 (UTC)o toki tawa ni

"mi pana e lipu pi toki pona tawa lipu pi toki Inli" la ni li seme? sina toki ala toki e ni?: sina wile ante e toki Inli tawa toki pona. -- wan Tansin^{{{jan|Tamzin}}} 2025-12-27T21:35:00 (UTC)o toki tawa ni

lipu ike

toki sin poka: tenpo suno pini 27toki 3jan 3 li toki

jan sama li pali e lipu whoo lee shet e lipu netanyahu. taso lipu ni li ike mute li sitelen kepeken toki pona ala. ni la ijo ante li ken pona e ona tu anu seme?

pona o tawa sina! mi kisa Papesike. o toki tawa mi lon ni. 2026-01-18T23:39:31 (UTC)o toki tawa ni

mi la ijo lawa o weka e ona tu, nanpa wan li ijo suli ala, nanpa tu la lipu pona tan toki ona li lon. Modahabbab (toki) 2026-01-18T23:47:38 (UTC)o toki tawa ni

mi weka e ona Tbodt (toki) 2026-01-19T00:45:33 (UTC)o toki tawa ni