Gjurmimi i ciklit tuaj menstrual në iPhone

Tek aplikacioni Health , mund të gjurmoni ciklin tuaj menstrual për të marrë parashikime për ciklin dhe për ditët e fertilitetit.

Hapat e parë me gjurmimin e cikleve

Prekni Browse djathtas poshtë, pastaj prekni Cycle Tracking.
Prekni Get Started, pastaj ndiqni udhëzimet në ekran.
Për të ndihmuar parashikimet për ciklin dhe ditët tuaja të fertilitetit, jepni informacionin e kërkuar për periodën tuaj të fundit.

Prekni Browse djathtas poshtë, pastaj prekni Cycle Tracking.
Kryeni një nga më poshtë:
- Regjistrimi i një dite të periodës: Prekni një ditë në kronologjinë në krye të ekranit. Për të regjistruar fluksin e ditës, prekni Period poshtë Cycle Log, pastaj zgjidhni një opsion.
  Ose prekni Add Period djathtas lart, pastaj zgjidhni ditët nga kalendari mujor.
  Ditët e regjistruara shënohen në kronologji me rrathë të fortë të kuq. Për të hequr një ditë të regjistruar, prekeni.
- Regjistrimi i simptomave: Tërhiqni kronologjinë në krye të ekranit për të zgjedhur një ditë, prekni Symptoms, pastaj zgjidhni të gjitha rastet përkatëse. Kur të përfundoni, prekni Done. Ditët me simptoma paraqiten me pika rozë.
- Regjistrimi i njollave: Tërhiqni kronologjinë për të zgjedhur një ditë, prekni Spotting, zgjidhni Had Spotting, pastaj prekni Done.
Për të shtuar kategori të tjera, si p.sh. rezultatet e testit të ovulimit dhe temperaturën bazale të trupit, prekni Options, pastaj zgjidhni kategoritë.

Prekni Browse djathtas poshtë, pastaj prekni Cycle Tracking.

Informacioni i kronologjisë shfaqet në formatin e mëposhtëm:

Rrathë të fortë të kuq: Ditët që keni regjistruar për periodën tuaj.
Pikat rozë: Ditët që keni regjistruar për shfaqjen e simptomave.
Rrathë të kuqe të çelët: Parashikimi i periodës suaj.
Për të fshehur apo shfaqur ditët e parashikuara të periodës, prekni Options, pastaj aktivizoni ose çaktivizoni Period Prediction.
Ditët me të kaltër të çelët: Një parashikim i ditëve të mundshme të fertilitetit tuaj. Parashikimet e ditëve të fertilitetit nuk duhen përdorur si formë kontracepsioni.
Për të shfaqur apo fshehur parashikimin e ditëve të fertilitetit, prekni Options, pastaj aktivizoni ose çaktivizoni Fertility Prediction.

Për të zgjedhur ditë të të tjera, tërhiqni kronologjinë. Të dhënat që keni regjistruar për ditën e zgjedhur shfaqen poshtë te Cycle Log.

Prekni Browse djathtas poshtë, pastaj prekni Cycle Tracking.
Kaloni poshtë për të parë kronologjitë për tri periodat tuaja më të fundit; lëvizni dhe më tej për të parë statistikat përkatëse.
Për të parë më shumë detaje dhe informacione më të vjetra për Cycle History ose Statistics, prekni në atë pjesë të ekranit.
Për të gjetur ditët që përkojnë me një simptomë të caktuar apo nivel hemorragjie te Cycle History i detajuar, prekni Filters djathtas lart, zgjidhni një opsion, pastaj prekni Done.

I dobishëm?