Menaxhimi i thirrjeve në ardhje në iPhone

Në aplikacionin Phone , thirrjeve hyrëse mund t'u përgjigjeni, t'u çaktivizoni zërin ose t'i refuzoni. Mund dhe t'u përgjigjeni me mesazh teksti ose të vendosni rikujtesë për të kthyer thirrjen.

Ekrani i marrjes së telefonatës. Ka dy rreshta me butona pranë fundit. Në radhën e parë, nga e majta në të djathtë ndodhen butonat Remind Me dhe Message. Në radhën e dytë, nga e majta në të djathtë ndodhen butonat Decline dhe Accept.

Përgjigja ndaj thirrjes

Kryeni një nga më poshtë:

Prekni Accept ose zvarritni rrëshqitësin (nëse iPhone është i kyçur).
Tek EarPods, shtypni butonin qendror.

Këshillë: Mund të bëni që iPhone t'i lajmërojë të gjitha thirrjet ose thjesht ato që merrni kur përdorni kufje apo Bluetooth në automjet. Shkoni te Settings > Phone > Announce Calls.

Çaktivizimi i zërit të thirrjes

Shtypni butonin anësor ose butonin Gjumë/Zgjim (në varësi të modelit tuaj) ose një nga butonat e volumit.

Mund t'i përgjigjeni gjithsesi thirrjeve pa zë përpara se të kalojnë te posta zanore.

Refuzimi i një thirrjeje dhe dërgimi i saj drejt te posta zanore

Kryeni një nga më poshtë:

Nëse iPhone është i shkyçur, prekni Decline.
Nëse iPhone është i kyçur, shtypni dy herë shpejt butonin anësor Gjumë/Zgjim (në varësi të modelit tuaj).
Tek EarPods, shtypni e mbani butonin qendror derisa të dëgjoni dy sinjalizime të ulëta.
Për të marrë rikujtesë për kthim të thirrjes, prekni Remind Me, pastaj zgjidhni kur dëshironi të rikujtoheni.
Për t'u përgjigjur me mesazh teksti, në vend të thirrjes, prekni Message, pastaj zgjidhni një përgjigje ose prekni Custom.
Për të krijuar përgjigjet tuaja standarde personale, shkoni te Settings > Phone > Respond with Text, pastaj prekni një prej mesazheve standarde dhe zëvendësojeni me tekstin tuaj.

Shënim: Në disa rajone, thirrjet e refuzuara shkëputen pa u dërguar te posta zanore.

Konfigurimi i përcjelljes së thirrjeve ose i vënies së thirrjeve në pritje (GSM)

Shkoni te Settings > Phone.
Prekni një nga më poshtë:
- Call Forwarding: shfaqet në shiritin e statusit kur aktivizohet përcjellja e thirrjeve. Duhet të jeni në rrezen e një rrjeti celular kur vendosni iPhone të përcjellë telefonatat, ndryshe telefonatat nuk do të përcillen.
  Në modelet me Dual SIM, zgjidhni një linjë.
- Call Waiting: Nëse jeni duke folur dhe pritja e telefonatave është e çaktivizuar, thirrjet hyrëse shkojnë direkt te posta zanore.
  Në modelet me Dual SIM, telefonata në pritje funksionon vetëm për telefonatat hyrëse në të njëjtën linjë.

Për llogaritë CDMA, kontaktoni me operatorin tuaj për informacion mbi aktivizimin dhe përdorimin e këtyre veçorive.

Për informacion rreth përcjelljes së kushtëzuar të thirrjeve (nëse ofrohet nga operatori juaj) kur linja është e zënë apo jashtë shërbimit, kontaktoni operatorin për informacionin e konfigurimit.

Shmangja e thirrjeve të padëshiruara

Bllokimi i telefonuesve të padëshiruar: Te Favorites, Recents ose Voicemail, prekni për të parë kartën e kontaktit të telefonuesit, më pas prekni Block this Caller. Ose shkoni te Settings > Phone > Call Blocking & Identification. Ju nuk merrni thirrje zanore, thirrje FaceTime apo mesazhe me tekst nga thirrësit e bllokuar.
Identifikimi i thirrjeve spam: Shkarkoni një aplikacion për bllokimin e spamit nga App Store dhe iPhone ju sinjalizon rreth thirrjeve të mundshme spam.
Për të parë aplikacionet që bllokojnë thirrjet e bezdisshme në iPhone, shkoni te Settings > Phone > Call Blocking & Identification.
Nëse keni disa aplikacione që bllokojnë spamin, mund të ndryshoni se cili aplikacion do ta kontrollojë në fillim një numër të panjohur. Prekni Edit, në pas zvarritni në pozicion.

Shihni gjithashtu Përgjigjja ndaj një telefonate të dytë në të njëjtën linjë.

I dobishëm?

Manuali i përdorimit të iPhone