Përshkrim
Përdorni MailPoet-in që të krijoni, dërgoni, administroni dhe fuqizoni fushatat tuaja të marketing-ut me email – krejt kjo pa dalë faqe nga pulti i WordPress-it tuaj.
Krijuesi ynë i buletineve integrohet paq me WordPress-in, kështu që çdo zotërues sajti mund të krijojë email-e të hijshëm që nga zeroja, ose duke përdorur gjedhet tona reaguese, të cilët shfaqen pa cen në krejt pajisjet.
Planifikoni përmes vetëm pak klikimesh dërgimin e buletineve tuaj, dërgojini ata menjëherë ose rregullojeni që të dërgohen automatikisht njoftime postimesh të rinj blogu.
Besuar nga 500 mijë sajte WordPress që nga 2011-a.
Me një plan falas për t’ia filluar dhe plane të përshkallëzuar me pagesë që japin funksionim të thelluar, MailPoet-i është një zgjidhje marketingu me email e përshtatshme si për fillestarët ashtu edhe për të sprovuarit.
Për më tepër hollësi mbi plane dhe çmime, vizitoni sajtin tonë
Krejt veçoritë
- Krijoni dhe shtoni te sajti juaj një formular pajtimesh te buletini
- Administroni në WordPress pajtimtarët dhe listat e pajtimtarëve tuaj
- Hartoni dhe dërgoni buletine me WordPress
- Krijoni email-e të automatizuar për të dërguar njoftime postimesh të reja
- Dërgoni email-e mirëseardhjeje të automatizuar
- Mundësi segmentimi pajtimtarësh sipas sjelljes dhe interesave
- Gjedhe email-esh dhe formularësh pajtimi të përgatitur paraprakisht dhe që mund të përpunohen
- Vendosje të shumta të formularëve të pajtimit: nën faqe, shtylla të fiksuara, dritare flluska, “slide-in”, kod të shkurtër, “on exit intent”
- Email-e WooCommerce: shportë e braktisur, blerja e parë, produkt specifik, kategori produktesh, ndryshim gjendjeje porosie, u shtua shqyrtim
- Përshtatni email-e transaksionesh WooCommerce-i
- Automatizoni administrim pajtimtarësh (shtoni/hiqni nga listë, shtoni/hiqni etiketa, përditësoni të dhëna pajtimtarësh) (lyp plan me pagesë)
- Krijoni shkaktues dhe veprime vetjake automatizimi (lyp plan me pagesë)
- Degëzojini automatizimet tuaja me kushte if/else, që të përmirësoni angazhimin (lyp plan me pagesë)
- Dërgim i besueshëm email-esh me Shërbimin MailPoet të Dërgimeve (falas – lyp një plan)
- Statistika elementare për angazhimin (falas) dhe statistika të hollësishme angazhimi (lyp plan me pagesë)
- Segmentim sipas shumë kushtesh (lyp plan me pagesë)
- Integrim me Google Analytics (lyp plan me pagesë)
- Asistencë përmes Bazës sonë të Dijeve dhe Forumeve tanë të Bashkësisë (falas), apo Asistence Klientësh Me Përparësi (lyp plan me pagesë).
Pse të zgjidhet MailPoet-i
- Krijues buletinesh WordPress i lehtë për t’u përdorur
- Gjedhe të hijshme që funksionojnë në mënyrë të përsosur nëpër krejt pajisjet
- S’lyp formësim: funksionon fill sa hapet
- Administroni gjithçka brenda pultit WordPress
- Shkallë më të larta dërgimi me Shërbimin MailPoet të Dërgimit
- Në pajtim me GDPR-në
- Plane falas për dërgues të vegjël, ose për ata që sapo po ia fillojnë
- Ka funksione të thelluara, për të ndihmuar të arrihet rritje.
Email-e WooCommerce
Promovoni biznesin tuaj, shitni më tepër produkte dhe zgjeroni shërbimin tuaj të klientëve, me veçori MailPoet për WooCommerce-in.
Përdorni mundësitë email-esh të automatizuar për:
- T’u uroni mirëseardhjen klientëve të rinj kur bëjnë blerjen e tyre të parë
- Të shtoni shitjet duke u dërguar email-e klientëve që kanë blerë një produkt të dhënë ose prej një kategorie të dhënë produktesh
- Shndërroni më tepër vizitorë në klientë, duke dërguar një seri email-esh për shporta të braktisura
- Riangazhoni klientë që s’kanë bërë ndonjë blerje këtu e ca kohë, me oferta të personalizuara (lyp plan me pagesë)
- Vazhdoni të merreni me klientë që lanë një shqyrtim, për t’i nxitur për më tepër angazhim (lyp plan me pagesë).
Dhe me mundësi segmentimi enkas për WooCommerce-in, do të jeni në gjendje të dërgoni te klientët tuaj email-e me synim të caktuar, bazuar në kritere të tilla si vendi i tyre, numri i porosive që kanë bërë, sa kanë shpenzuar dhe nëse kanë aktiv ndonjë pajtim produkti (bazuar në Pajtime WooCommerce), ose ndonjë anëtarësim (bazuar në WooCommerce Memberships).
Veç kësaj, do të jeni në gjendje të shtoni njohjen e markës tuaj, duke përshtatur email-et tuaj për transaksione WooCommerce. Krijoni një paraqitje të njësuar të markës duke ndryshuar skemën, ngjyrat dhe shkronjat e përdorura në email-et tuaja, si dhe duke shtuar çfarëdo figure dhe informacioni shtesë.
Shërbim Dërgimi MailPoet
Shërbimi MailPoet i Dërgimeve është falas, nëse keni pak pajtimtarë, me plane të përshkallëzuar më pas. Lexoni më tepër.
Dërgimi i email-eve dhe buletineve përmes shërbyesit ku strehohet sajti juaj s’është ide e mirë. Mund të përballeni me kufizime shpejtësie dërgimi dhe t’i shihni email-et tuaj të përfundojnë te kutia e mesazheve të padëshiruar.
Për t’ju ndihmuar që dërgimi juaj të bëhet pa defekt, kemi krijuar një infrastrukturë të përparuar shpërndarjeje email-esh enkas për WordPress-in. Teknologjia jonë ju lejon të:
- Reach inboxes, not spam boxes
- Dërgojini email-et tuaj si rrufe (deri në 50 mijë email-e në orë)
- Ruani reputacionin e dërguesit tuaj dhe përmirësoni shkallët e angazhimit të përdoruesve, me trajtim të automatizuar të kthimeve prapa, apo ankesave për email-et. Reshtni së dërguari te adresa ku s’dërgohet dot dhe te adresa që ankohen, automatikisht
- Bëni mirëfilltësimin e email-eve tuaj (me SPF dhe DKIM), që të përmirësohet shkalla e dërgimit dhe të shmanget përfundimi te të padëshiruarit.
Shërbimi MailPoet i Dërgimeve është shumë i lehtë për t’u ujdisur, thjesht ju duhet të jepni një kyç pulti juaj WordPress dhe kaq!
Plan MailPoet dhe çmime
MailPoet-i mund të kihet falas. Shkarkimi ynë falas përfshin krejt veçoritë e radhitura më sipër (me përjashtim të atyre që tregojnë domosdoshmëri të një plani) sipas kritereve vijuese:
- Deri në 1000 pajtimtarë
- Elementë marke MailPoet në email-e
- Dërgoni email-e me metodën tuaj të dërgimit (strehë, SendGrid, Amazon SES, etj).
Nëse zgjidhni një plan MailPoet, do të keni mundësi të përdorni Shërbimin MailPoet të Dërgimit.
Ka një plan falas për ata që duan t’ia fillojnë me pak pajtimtarë dhe do të donin të përdornin Shërbimin MailPoet të Dërgimit. Dhe planet tona me pagesë ofrojnë veçori dhe funksione për ata me lista më të gjata, që po kërkojnë të shtojnë biznesin e tyre duke përdorur marketing me email.
Për hollësi të plota se ç’përfshihet te secili plan, hidhni një sy te faqja jonë e çmimeve.
Përpara se të instaloni
Ju lutemi, kini parasysh:
- Mbulimi për instanca shumësajtëshe është i kufizuar
- Shihni domosdoshmëritë tona minimale.
Përkthime
- Shqip
- Arabe
- Katalanisht
- Çekisht
- Danisht
- Holandisht
- Holandisht (Formale)
- Frëngjisht (Kanada)
- Frëngjisht (Francë)
- Gjermanisht
- Gjermanisht (Zvicër)
- Gjermanisht (Formale)
- Greqisht
- Indisht
- Italisht
- Japonisht
- Polonisht
- Portugalisht (Brazil)
- Portugulisht (Portugal)
- Rumanisht
- Rusisht
- Serbe
- Sllovakisht
- Spanjisht (Meksikë)
- Spanjisht (Spanjë)
- Suedisht
- Turqisht
- Ukrainisht
I ftojmë përkthyesit me përvojë të përkthejnë drejt e te projekti ynë në Transifex. Ju lutemi, mbani parasysh që çfarëdo përkthimesh të parashtruar përmes sajtit “Translating WordPress” nuk do të bëjnë punë.
Siguri
Depoja jonë është publike në GitHub.
Keni një pyetje për ne? Na shkruani te security@ përkatësia jonë, ose njoftoni probleme sigurie te programi ynë Bug Bounty.
Përdorim Shërbimesh Palë të 3-ta
MailPoet-i përdor shërbimet vijues që janë të domosdoshme për funksionimin e plotë të tij:
- Translate WordPress.com – përdorur për të shkarkuar përkthime për shtojcën.
Që të përmirësojë përdorimin, MailPoet-i mund të përdorë biblioteka palësh të 3-ta, nëse është aktivizuar rregullimi Ngarko biblioteka palësh të 3-ta:
-
Google Fonts – përdorur në Përpunues Formulari, të cilin mund ta përdorni për të përshtatur formularët tuaj dhe te Përpunuesi i Email-eve, për të stilizuar email-et. Kjo mund të çaktivizohet individualisht për lloje shkronjash, përmes një filtri. Kushte Shërbimi dhe Rregulla Privatësie
-
WordPress.com – i përdorur për kërkim te Bazë Dijesh me ndihmën e IA-së.
-
Mixpanel – përdorur për të dërguar të dhëna rreth përdorimi të shtojcës MailPoet, kur pranoni të ndani të dhëna përdorimi me ne. Kushte Shërbimi dhe Rregulla Privatësie
-
Satismeter – përdorur për të kërkuar përshtypje. Kushte Shërbimi dhe Rregulla Privatësie
-
Crowdsignal – përdorur për të ngarkuar pyetësorin tonë të çaktivizimit, për të përmirësuar shtojcën. Kushte Shërbimi dhe Rregulla Privatësie
Ngarkim i krejt këtyre bibliotekave është i çaktivizuar, si parazgjedhje. Mundësia mund të aktivizohet te Rregullimet e MailPoet-it > Të mëtejshme > Ngarko biblioteka palësh të 3-ta.
Foto ekrani
Shembuj buletinesh 
Hartues email-esh në stil merrini-dhe-vërini 
Lloje email-esh MailPoet 
Statistika buletinesh (Me Pagesë) 
Importim pajtimtarësh (përmes një kartele CSV ose drejtpërsëdrejti nga MailChimp) 
Përpunues automatizimesh (Me pagesë)
Blloqe
Kjo shtojcë furnizon 1 bllok.
- MailPoet Marketing Opt-in
PBR
-
A depoziton MailPoet-i të dhënat e pajtimtarëve si përdorues?
-
Nuk depozitojmë apo mbajmë ndonjë të dhënë prej pajtimtarëve tuaj. Sidoqoftë, nëse dërgoni me shërbimin tonë, i përpunojmë krejt email-et që duhen dërguar. Që do të thotë se MailPoet-i regjistron vetëm adresat email, për të siguruar funksionimin e rrjedhshëm të shërbimit tonë. Nuk gjurmojmë ndonjë gjë tjetër.
-
Ç’është Shërbimi MailPoet i Dërgimeve?
-
Shërbimi MailPoet i Dërgimit është ndërtuar përjashtimisht për dërgime email-esh WordPress dhe WooCommerce. Teknologjia e krijuar prej nesh jep shpejtësi të pashoqe (mbi 50 mijë email-e në orë) dhe sukses, 99% kohë shërbimi dhe zero humbje.
-
Jeni të lirë të zgjidhni se si i dërgoni email-et tuaj: përmes strehës tuaj (parazgjedhja, por jo e rekomanduara), Shërbimit MailPoet të Dërgimit, SendGrid, Amazon SES, ose shumica e shërbimeve SMTP, përfshi MailGun-in, etj.
-
Pse duhet të përdor Shërbimin MailPoet të Dërgimit?
-
Shkalla jonë e dërgimit globalisht është 98.5%, duke tejkaluar shpesh standarde të industrisë. Ne vëzhgojmë secilin prej miliona email-eve që dërgojmë për përdoruesit tanë.
Qoftë kur dërgoni 10 apo 100 mijë email-e në ditë, Shërbimi MailPoet i Dërgimeve trajton normalisht nga buletine biznesesh të vegjël e deri te lista të stërmëdha postimesh me dhjetëra mijë pajtimtarë.
Ju nxisim me forcë të mos bëni dërgim me shërbimin e strehimit tuaj, ja pse.
Nëse sapo po ia nisni me buletinin tuaj, ofrojmë një plan falas që t’ia filloni.
-
A mund të filtroj kategori specifike nga njoftimi për postimin tim?
-
Po! Në MailPoet mund të caktoni qoftë kategori, qoftë etiketa për t’u përfshirë/përjashtuar. Kjo ju lejon të dërgoni postime vetëm prej kategorish ose etiketash specifike, duke garantuar që postimet pa lidhje me temën të mbeten jashtë email-eve tuaj. Mundeni edhe të ujdisni email-e të shumtë njoftimesh postimesh, për t’u përqendruar më mirë te interesat e pajtimtarëve tuaj.
-
A është MailPoet-i në pajtueshmëri me GDPR-në?
-
Po, është në pajtueshmëri me GDPR-në. Por nuk kemi Marrëveshje Përpunimi të Dhënash. Si një marrëveshje mund të shërbejë shënimi ynë mbi privatësinë dhe GDPR-ja e merr në konsideratë këtë gjë. Duke përdorur shërbimin tonë, pranoni Njoftimin tonë mbi Privatësinë.
Sugjerojmë të shtoni në faqen tuaj të Njoftimit mbi Privatësinë një lidhje te Shënimi ynë mbi Privatësinë. Ajo që ka rëndësi është të garantohet se pajtimtarët tuaj janë të ndërgjegjshëm se MailPoet-i i dërgon email-in tuaj, nëse e dërgoni me MailPoet-in, kuptohet.
Mund të lexoni edhe Udhërrëfyesin tonë për Pajtueshmëri me GDPR-në.
-
Po, me MailPoet-in klientët tuaj mund të pajtohen te lista juaj e postimeve gjatë përfundimit të blerjes. Do të jeni madje në gjendje t’u dërgoni kujtues shporte të braktisur, nëse harruan të përfundojnë blerjen e tyre.
-
Është MailPoet apo Mail poet?
-
Është MailPoet, jo mail poet. Por do t’ju përgjigjemi në të dy rastet!
-
Ju duhet ndihmë?
-
Shihni te Baza jonë e Dijes ose lidhuni me ne përmes sajtit tonë të asistencës.
Shqyrtime
Kontribues & Zhvillues
“MailPoet – Buletine, Marketing Me Email dhe Automatizim” është software me burim të hapur. Në këtë shtojcë kanë dhënë ndihmesë personat vijues.
Kontribues
“MailPoet – Buletine, Marketing Me Email dhe Automatizim” është përkthyer në 27 gjuhë. Faleminderit përkthyesve për ndihmesën e tyre.
Përkthejeni “MailPoet – Buletine, Marketing Me Email dhe Automatizim” në gjuhën tuaj.
Ju intereson zhvillimi?
Shfletoni kodin, shkarkoni depon SVN, ose pajtohuni përmes RSS-je te regjistri i zhvillimeve.
Regjistër ndryshimesh
5.21.2 – 2026-02-16
- Changed: Automation emails after non-delay actions (add tag, if/else, add to list) are now treated as transactional when using transactional triggers. Only the delay action converts emails to marketing;
- Fixed: Ensure automation emails consistently use ‘private’ post status and prevent duplicate newsletter records;
- Fixed: Cron heartbeat action not being rescheduled after plugin updates;
- Fixed: Fix open tracking for emails created with the new email editor (Alpha).