Stilton er ein engelsk blåmuggost, ysta av heilfeit pasteurisert kumjølk, som har namn etter byen Stilton i Cambridgeshire i Storbritannia.
stiltən-
Stilton-osten har sidan 1996 vore omfatta av PDO, EUs geografiske opphavsvern.
Metoden for ysting minner om slik ein lagar cheddar. Ostemassen blir drenert, blir aust varsamt over i eit nytt ystekar, blir skoren i rektangulære stykke og står natta over for syrning og framleis drenering. Deretter blir ostemassen kverna og helt over i former. Ein viktig skilnad frå cheddar-metoden er at forholda blir lagde til rette for innvendig modning med muggsopp av slekta Penicillium roqueforti.
Osten har ein gulbrun farge og fuktig overflate. Han blir forma som ein høg sylinder med diameter på 15 cm, veg 8 kilo og modnast minimum 9 veker i kalde, fuktige modningsrom. Feittinnhald i tørrstoffet må minst vere 48 prosent. Det går med om lag 78 liter mjølk til å lage éin ost. Osten blir ikkje pressa og dannar naturleg skorpe.
Det finst òg ein kvit stilton som er mindre kjent. Form, storleik, mjølketype og tilverking er den same som for blue stilton med unntak av tilrettelegginga for at blåmuggsporar skal etablere seg i osten.
Stilton, både blå og kvit kan berre tilverkast i grevskapa Derbyshire, Nottinghamshire og Leicestershire og med mjølk frå desse grevskapa. Dersom det likevel er mangel på mjølk, kan mjølk frå fylgjande områda rundt òg brukast: Cambridgeshire, Northamptonshire, Warwickshire, Staffordshire, Greater Manchester, Cheshire, Yorkshire og Lincolnshire.
Det er i dag seks ysteri som er sertifiserte til å yste blå stilton:
Alle desse ysteria kan òg tilverke kvite stilton. Meieriet Shirevale, tilverkar berre kvit stilton, sjølv om dei òg har lisens til å yste blå stilton. Grunna stor omsetningssvikt under Covid-pandemien har det vesle ysteriet Websters lagt ned verksemda.
Stilton, både blå og kvit, har sidan 1996 hatt EUs geografiske opphavsvern PDO. Markedføring av Stilton blir vareteken av Stilton Cheesemakers’ Association som vart etablert i 1936.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.