kattepinn

Kattepinnen er opptil tolv centimeter lang, rektangulær med flate sider, og spissa i begge endane. Kvar side har eit tal, tradisjonelt var dette romartala II (2), IIII (4), VI (6) og X (10). Spelarane skal kaste pinnen mot ein sirkel, til dømes eit kumlokk, frå ein avstand på rundt ti meter. Treff ein ikkje ringen, må ein stå over til neste runde. Treff ein inni sirkelen, og sida med X ligg opp, får ein 50 poeng. Ligg II, IIII eller VI opp, skal spelaren vippe pinnen opp med foten så mange gonger som talet tilseier, og sparke han så langt vekk frå sirkelen som mogleg.

Når ein spelar er ferdig med sin tur, skal motspelaren tippe kor mange fot, skritt eller hopp det er frå pinnen og tilbake til sirkelen. Tippar han riktig, får han like mange poeng som talet han har tippa. Tippar han feil, får han ingen poeng. Uansett om det er riktig eller feil, er det då neste mann sin tur.

Reglane var ofte litt ulike, alt etter kvar leiken gjekk føre seg eller kva spelarane vart einige om.

Kattepinn er mest kjend som ein leik frå Bergen, men vart òg nytta andre stader i landet. I Kristiansund og på Sørlandskysten vart leiken kalla «niks».

• leketøy
• spill

• Bergen byleksikon: Kattepinn
• John Steffensen: Kattepinn

• Pettersen, John Roald (2005): Kattepinn og sørphøne: Barn i vest for 100 år sidan. Selja forlag.
• Hoff-Jenssen, Jørgen: Gamle barneleker i Kristiansund. Nordmøre museum, Årbok 2003.