Sigurd – Guttenavn. Betydning og bruk

Sigurd er eit mannsnamn som går tilbake til det norrøne Sig-urðr. I dette toledda namnet tyder forleddet ‘siger’ og etterleddet ‘vaktar’.

Sigurd har same tyding som Sigvard (med tysk opphav).

Namnet har fleire variantar: Sigur, Sigurd, Sjur, Sjurd.

Namnedag er 23. desember. Sjur har også namnedag denne dagen.

Personar med namnet Sigurd

Kulturell bruk

Skodespela «Sigurd Slembe» (1862) og «Sigurd Jorsalfar» (1872) av Bjørnstjerne Bjørnson.

Kjende personar med namnet Sigurd

Eit utval personar med namnet Sigurd, og som er omtalt i Store norske leksikon:

Sigurd jarl (890–962)
Sigurd Jorsalfare (1090–1130)
Sigurd 2. Munn (1134–1155)
Sigurd Ibsen (1859–1930)
Sigurd Hoel (1890–1960)
Sigurd Resell (1920–2010)
Sigurd Allern (1946)
Sigurd Frisvold (1947–2022)
Sigurd Rushfeldt (1972)
Sigurd Pettersen (1980)
Sigurd Syr (–1020)
Sigurd Slembe (–1139)

Namnestatistikk

I 2022 var det 7 454 menn i Noreg som hadde Sigurd som det einaste førenamnet eller som det fyrste av fleire, og Sigurd var blant dei hundre mest brukte namnet blant norske menn. I 2022 var det 107 gutar som fekk namnet Sigurd.

Utvikling i bruk av namnet

Sigurd er blant dei namna som høyrer til den nordiske namnerenessansen. Namngivinga kan vere inspirert av til dømes segnhelten Sigurd Fåvnesbane eller Bjørnsons verk «Sigurd Slembe» (1862) og «Sigurd Jorsalfar» (1872). Sigurd var dessutan eit kongenamn i mellomalderen (Sigurd Jorsalfare). Sigurd skil seg ut frå dei fleste renessansenamna ved at det har vorte populært att frå 1980-åra.

Geografisk variasjon på 1800-talet

Sigurd var klart mest brukt i Kristiania og Bergen. Til liks med andre namn som kan knytast til den nordiske namnerenessansen, fekk Sigurd fyrst innpass i byen.

Geografisk variasjon i bruk av namnet Sigurd på 1800-talet.

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Sigurd var klart mest brukt i Kristiania og Bergen. (I søylene inngår det også ein eller fleire stavevariantar, til dømes Sigur.) Til liks med andre namn som kan knytast til den nordiske namnerenessansen, fekk Sigurd fyrst innpass i byen.

Historisk bruk av namnet Sigurd

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Les meir i Store norske leksikon

Litteratur

Janzén, Assar 1947: De fornvästnordiska personnamnen. [Nordisk kultur 7].
Otterbjörk, Roland 1974: Ett och annat om Sigurd. Svenska. Festskrift til Sigurd Fries. Umeå.

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

Fagansvarleg for Guttenavn

Gulbrand Alhaug

UiT – Norges arktiske universitet