Ragnhild Sælthun Fjørtoft

Da ho var 18 år, tok Ragnhild Sælthun ein test som «hallodame» i NRK, men fekk høyre at ho var for ung. I staden blei det lærarstudium i Tønsberg, men i 1969 blei ho tatt opp som stipendiat i NRK, fekk omfattande opplæring i tv-produksjon, og blei tilsett som programmedarbeidar.

Ho er best kjend som programvert, men har òg vore produsent, programleiar, kommentator og omsetjar. Sommaren 2011 var ho reporter i den nesten seks døgn lange direktesendinga Hurtigruten minutt for minutt.

Sælthun Fjørtoft har òg vore leiar for språkarbeidet i NRK.

I 2014 gjekk ho av med pensjon.

Fjørtoft var medlem av forbundsstyret til Norges Studerende Ungdoms Avholdsforbund (NSUA) frå 1969 til 1970, og har vore styremedlem i UNICEF Norge, Strømmestiftelsen, FORUT – solidaritetsaksjon for utvikling, nestleiar i Antislaveriselskapet og leiar for foreneinga Venner av Det Norske Teatret.

Ho mottok Kringkastingsprisen i 1994, Storegutprisen i 2004, heidersprisen under Gullruten i 2006, Kringkastingssjefens språkpris for 2010 og Kongens fortenstmedalje i 2014.

I 2002 gav Sælthun Fjørtoft ut Under bergfall, ei samling av dei kjæraste dikta hennar.

Ho er gift med Arne Fjørtoft

• NRK