Kyrre er eit mannsnamn som opphavleg er eit tilnamn laga til norrønt kyrri, svak form av adjektivet kyrr som tyder ‘fredeleg’. Kyrre tyder såleis ‘den fredelege’.
Kyrre (mannsnamn)
Personar med namnet Kyrre
Fyrste namneberar
Den fyrste som vart registrert med namnet i nyare tid, var Olaf Kyrre Wulfsberg fødd 1856 i Kristiania. Foreldra har altså gitt sonen kongenamnet Olaf Kyrre. På 1800-talet vart forma Olaf brukt i dette kongenamnet. På slutten av 1800-talet kom Olav Kyrre inn i nyare Snorre-utgåver.
Kjende personar med namnet Kyrre
Eit utval personar med namnet Kyrre, og som er omtalt i Store norske leksikon:
- Kyrre Grepp (1879–1922)
- Kristen Kyrre Bremer (1925–2013)
- Kyrre Andersen (1958)
- Kyrre Andreassen (1971)
Namnestatistikk
I 2022 var det 911 menn i Noreg som hadde Kyrre som det einaste førenamnet eller som det fyrste av fleire. I 2022 var det 6 gutar som fekk namnet Kyrre.
Utvikling i bruk av namnet
Tostava namn som endar på -e, er ein typisk nordisk namnetype, for av dei nærmare 50 mest vanlege namna av denne typen er det berre eitt utanlandsk, det tyske Heine. Kyrre og Gaute er blant dei få namna på -e som hadde toppfasen sin på slutten av 1900-talet.
Utvikling i bruk av namnet Kyrre frå 1880
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Les meir i Store norske leksikon
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.