Henrik Greve Hille var ein norsk teolog og biskop. Han var biskop i Hamar frå 1934. Under andre verdskrigen var Hille medlem av den mellombelse kyrkjeleiinga, som frå juli 1942 koordinerte kyrkjekampen og markerte det endelege brotet mellom kyrkja og NS-staten. I februar 1942 la han ned embetet saman med dei andre biskopane.
Henrik Greve Hille
Faktaboks
Henrik Greve Hille
- Fødd
- 1. oktober 1881, Vang ved Hamar
- Død
- 31. mai 1946, Hamar
Biskop Henrik Greve Hille.
Biskop
Han vart cand.theol. i 1905, og etter nokre år som lærer byrja han som hjelpeprest ved Vår Frelsers kyrkje i Oslo i 1913. Han var sokneprest i Varteig frå 1919, tilbake til Oslo i 1927, frå 1931 som domprost. Frå 1934 var Hille biskop i Hamar bispedømme. Under andre verdskrigen la dei norske biskopane ned embeta sine 24. februar 1942 og oppretta den mellombelse kyrkjeleiinga i juni same år. Hille vart då ein av dei tre biskopane i leiinga, og vart forvist i desember 1942.
Han var son av Hamar-biskop Arnoldus Marius Hille og far til Georg Hille, også han biskop i Hamar.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.