Gjermund er eit mannsnamn som går tilbake til det norrøne Geir-mundr. I dette toledda namnet tyder forleddet ‘spyd’ og etterleddet ‘vern; vernar’.
Gjermund (mannsnamn)
Kjende personar med namnet Gjermund
Eit utval personar med namnet Gjermund, og som er omtalt i Store norske leksikon:
- Gjermund Haugen (1914)
- Gjermund Barstad (1919)
- Gjermund Eggen (1941)
- Gjermund Hagesæter (1960)
- Thor Gjermund Eriksen (1966)
- Gjermund Larsen (1981)
- Gjermund Bråten (1990)
Namnestatistikk
I 2022 var det 1 311 menn i Noreg som hadde Gjermund som det einaste førenamnet eller som det fyrste av fleire. I 2022 var det 7 gutar som fekk namnet Gjermund.
Utvikling i bruk av namnet
Gjermund høyrer til ei stor gruppe samansette nordiske namn som hadde toppfasen sin i kortare eller lengre tid innanfor perioden 1890–1969. I tillegg til Gjermund gjeld dette til dømes Arnfinn, Arnulf, Asbjørn, Dagfinn, Jostein, Kolbjørn, Oddbjørn, Oddvar, Ragnvald, Sigmund og Torbjørn. Når Gjermund fekk eit så sterkt oppsving i 1966, heng det saman med at Gjermund Eggen (1941–2019) tok tre gull under VM på ski i 1966.
Utvikling i bruk av namnet Gjermund frå 1800
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Geografisk variasjon på 1800-talet
Gjermund var klart mest brukt i Telemark.
Geografisk variasjon i bruk av namnet Gjermund på 1800-talet.
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Gjermund var klart mest brukt i Telemark. (I søylene inngår det også ein eller fleire stavevariantar, til dømes Giermund.)
Historisk bruk av namnet Gjermund
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Les meir i Store norske leksikon
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.