Ludvig, som er eit mannsnamn (jamfør tysk Ludwig), går tilbake til gammalhøgtysk Hlut-wig. Forleddet tyder ‘høglydt; berømt’ og etterleddet ‘kamp’.
Namnet har fleire variantar: Ludvig, Ludvik, Ludwig.
Namnedag er 25. august. Louise og Lovise har også namnedag denne dagen.
Personar med namnet Ludvig
Kulturell bruk
- Den forsiktige Ludvig i forteljingar av Kjell Aukrust.
Kjende personar med namnet Ludvig
Eit utval personar med namnet Ludvig, og som er omtalt i Store norske leksikon:
- Ludvig 13. (1601–1643)
- Ludvig 14. (1638–1715)
- Ludvig Holberg (1684–1754)
- Ludvig 15. (1710–1774)
- Ludvig 16. (1754–1793)
- Ludvig 18. (1755–1824)
- Ludvig Filip 1. (1773–1850)
- Ludvig Mathias Lindeman (1812–1887)
- Ludvig 2. (konge av Bayern) (1845–1886)
- Ludvig Nessa (1949)
- Jon Ludvig Hammer (1990)
Namnestatistikk
I 2022 var det 2 967 menn i Noreg som hadde Ludvig som det einaste førenamnet eller som det fyrste av fleire. I 2022 var det 224 gutar som fekk namnet Ludvig, og det var blant dei 20 mest populære gutenamna dette året.
Utvikling i bruk av namnet
Namnestatistikken for 1800-talet baserer seg på folketeljingar, og då var det oftast registerføraren som bestemte kva for variant som skulle førast inn i teljinga – ikkje namneberaren sjølv. Derfor er Ludvig og Ludvik slått saman, og dei er presenterte med ei felles kurve for 1800-talet. Hovudtyngda av dei tyske – og nedertyske – mannsnamna hadde toppfasen sin 1860–1874, og ein god del av dei fekk eit nytt oppsving rundt år 2000. I tillegg til Ludvig og Ludvik gjeld dette til dømes Albert, Anton, Didrik, Fredrik, Henrik, Hermann, Jørgen, Konrad, Otto, Sivert og Wilhelm.
Geografisk variasjon på 1800-talet
Ludvig var mest brukt i Østfold, Akershus, Kristiania og Vestfold (I søylene inngår det også ein eller fleire stavevariantar, til dømes Ludwig.)
Les meir i Store norske leksikon
Litteratur
- Janzén, Assar 1947: De fornvästnordiska personnamnen. [Nordisk kultur 7].[/li][li]
- Strid, Jan Paul 1989: Ludvig, Auðun och Oþbjorn. Om ett personnamnselement och den runsvenska utvecklingen av diftongen [au]. Studia anthroponymica Scandinavica 7.