Sigvald er eit mannsnamn som går tilbake til det norrøne Sig-valdr. I dette toledda namnet tyder forleddet ‘siger’ og etterleddet ‘herskar’.
Namnet har fleire variantar: Sevald, Sigval, Sigvald.
Namnedag er 19. august. Sigve har også namnedag denne dagen.
Kjende personar med namnet Sigvald
Eit utval personar med namnet Sigvald, og som er omtalt i Store norske leksikon:
- Sigvald Skavlan (1839–1912)
- Sigvald Hasund (1868–1959)
- Sigvald Bernhard Refsum (1907–1991)
- Sigvald Tveit (1945–2019)
- Sigvald Oppebøen Hansen (1950)
- Sigvald Tomin Hauge (1961)
- Sigvald Sveinbjørnsson (1980)
Namnestatistikk
I 2022 var det 208 menn i Noreg som hadde Sigvald som det einaste førenamnet eller som det fyrste av fleire. I 2022 var det 4 gutar som fekk namnet Sigvald.
Utvikling i bruk av namnet
Sigvald høyrer til ei stor gruppe samansette nordiske namn som hadde toppfasen sin i kortare eller lengre tid innanfor perioden 1890–1969. I tillegg til Sigvald, som var på topp i 1890-åra, gjeld dette til dømes Arnfinn, Arnulf, Asbjørn, Dagfinn, Gudmund, Jostein, Kolbjørn, Oddbjørn, Oddvar, Ragnvald, Sigmund og Torbjørn.
Geografisk variasjon på 1800-talet
Sigvald var mest brukt i Vest-Agder og Bergen. (I søylene inngår det også ein eller fleire stavevariantar, til dømes Sigval.)