Sander er eit mannsnamn som er kortform av Aleksander med opphav i gresk Alex-andros der forleddet tyder ‘forsvare’ og etterleddet ‘menneske, mann’.
Namnet har fleire variantar: Sander, Xander, Zander.
Namnedag er 18. mars. Aleksander og Edvard har også namnedag denne dagen.
Kjende personar med namnet Sander
Eit utval personar med namnet Sander, og som er omtalt i Store norske leksikon:
- Kjell Sander Johannessen (1936)
- Sander Sagosen (1995)
- Sander Berge (1998)
Namnestatistikk
I 2022 var det 10 064 menn i Noreg som hadde Sander som det einaste førenamnet eller som det fyrste av fleire, og Sander var blant dei hundre mest brukte namnet blant norske menn. I 2022 var det 205 gutar som fekk namnet Sander, og det var blant dei 50 mest populære gutenamna dette året.
Utvikling i bruk av namnet
Sander (av Aleksander) har til felles med nokre andre kortformer at namnet fekk toppfasen sin på 2000-talet. Andre døme på populære kortformer på denne tida er Olai og Theo (av Nikolai og Theodor).
Geografisk variasjon på 1800-talet
Sander var klart mest brukt i Buskerud og Nordland.