Ragnvald er eit mannsnamn som går tilbake til det norrøne Ragn-valdr. I dette toledda namnet tyder forleddet ‘råd, avgjerd’ og etterleddet ‘herskar’.
Namnet har fleire variantar: Ragnvald, Rangvald, Rognald.
Namnedag er 21. august. Ragni har også namnedag denne dagen.
Kjende personar med namnet Ragnvald
Eit utval personar med namnet Ragnvald, og som er omtalt i Store norske leksikon:
- Ragnvald Kale den hellige (1100–1158)
- Ragnvald Blix (1882–1958)
- Ragnvald Iversen (1882–1960)
- Ragnvald Vaage (1889–1966)
- Ragnvald Indrebø (1891–1984)
- Ragnvald Alfred Roscher Lund (1899–1975)
- Ragnvald Skrede (1904–1983)
- Gunnar Ragnvald Brostigen (1930–2014)
- Ragnvald Mørejarl (–900)
- Ragnvald Brusesson (–1045)
Namnestatistikk
I 2022 var det 465 menn i Noreg som hadde Ragnvald som det einaste førenamnet eller som det fyrste av fleire.
Utvikling i bruk av namnet
Ragnvald høyrer til ei stor gruppe samansette nordiske namn som hadde toppfasen sin i kortare eller lengre tid innanfor perioden 1890–1969. I tillegg til Ragnvald, som var på topp 1900–1904, gjeld dette til dømes Arnfinn, Arnulf, Asbjørn, Dagfinn, Gudmund, Jostein, Kolbjørn, Oddbjørn, Oddvar, Sigmund og Torbjørn.
Geografisk variasjon på 1800-talet
Ragnvald var mest brukt i Kristiania. (I søylene inngår det også ein eller fleire stavevariantar, til dømes Ragnval.)