Reidar er eit mannsnamn som går tilbake til det norrøne (H)reið-arr. Namn som byrjar på Reid-, går tilbake til det norrøne ordet hreiðr som tyder ‘reir’. I namn kan forleddet Reid- truleg omsetjast med ‘hus’. Det er usikkert kva -ar tyder i Reidar.
Namnet har fleire variantar: Reiar, Reidar, Reier.
Namnedag er 28. juli. Reidun har også namnedag denne dagen.
Kjende personar med namnet Reidar
Eit utval personar med namnet Reidar, og som er omtalt i Store norske leksikon:
- Reidar Holtermann (1895)
- Reidar Aulie (1904)
- Reidar Myhre (1917)
- Reidar Fritzvold (1920)
- Reidar Finsrud (1946)
- Kåre Reidar Aas (1955)
- Reidar Larsen (1955)
- Reidar Sørensen (1956)
- Odd Reidar Humlegård (1961)
- Kurt Foss og Reidar Bøe
Namnestatistikk
I 2022 var det 5 097 menn i Noreg som hadde Reidar som det einaste førenamnet eller som det fyrste av fleire.
Utvikling i bruk av namnet
Reidar var på topp 1905–1924. Døme på andre namn på -ar som hadde toppfasen sin i fyrste halvdel av 1900-talet, er Gunnar, Einar, Idar, Agnar, Ingar, Ingvar, Yngvar, Magnar, Ottar og Ragnar.
Geografisk variasjon på 1800-talet
Reidar var klart mest brukt i Kristiania. (I søylene inngår det også ein eller fleire stavevariantar, til dømes Rejdar.)
Les meir i Store norske leksikon
Litteratur
- Fredriksson, Ingwar 196: [Svenska personnamnsstudier]. Acta Universitatis Upsaliensis. Studia Philologiae Scandinavicae Upsaliensia 2. Stockholm–Göteborg–Uppsala.