Þjórsá er Islands lengste elv. Elva har sitt utspring frå Hofsjökull og fell i havet på sørkysten, 50 kilometer søraust for Reykjavík. Dei to største bielvene er Tungnaá som har tilsig frå Vatnajökulls vestside og Köldukvísl.
Þjórsárver på sørsida av Hofsjökull med Þjórsás mange smeltevasstilløp er verna som naturreservat.
Langs elva ligg fleire vakre vassfall, blant desse Kjalkaversfoss, Dynkur eller Búðarhálsfoss, Gljufurleitarfoss, Búðafoss, Hestfoss og Urriðafoss.
Elva har fem vasskraftverk, ved Búrfellsstöð, Sultartangastöð, Hrauneyjafossastöð, Sigoldustöð og Vatnsfellstöð. Fleire omstridde vasskraftprosjekt er under planlegging i den nedre delen av Þjórsá; Hvammsvirkjun, Holtavirkjun og Urriaðfossvirkjun. Búrfell var i si tid landets største elvekraftverk med ein installert effekt på 270 MW.
Nedre delen av Þjórsádalen er vid og fruktbar, og blei tidlig rydda og busett. Ved Heklas utbrot i 1104 blei ein stor del av dalen dekt av lava og oske, og mange gardar kom bort. Ein av gardane, Stöng, er seinare arkeologisk undersøkt og rekonstruert.
Þjórsá er ei populær fiskeelv med laks, ørret, stingsild, vassflyndre og ålefisk.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.