Jump to content

Decay product

Frae Wikipedia, the free beuk o knawledge

In nuclear physics, a decay product (kent as a dochter product, dochter isotope, radio-dochter or dochter nuclide an aw) is the nuclide that is left ower efter radioactive decay. Radioactive decay aften gangs throu a string o steps (a decay chain). For example, 238U decays tae 234Th, that decays tae 234mPa, that decays in its turn, an sae on, doon tae 206Pb (that is stable):

A238A22238U⟶A234A22234Th⏟dochter o A238A22238U⟶A234mA22234mPa⏟granddochter o A238A22238U⟶⋯⟶206Pb⏞decay products o A238A22238U
The decay chain frae leid-212 doon tae leid-208, shawin the intermediate decay products

In this example:

  • 234Th, 234mPa,...,206Pb are the decay products o 238U.
  • 234Th is the dochter o the parent 238U.
  • 234mPa (234 metastable) is the granddochter o 238U.

Thir micht be cried the dochter products o 238U an aw.[1]

Decay products are important for unnerstaundin radioactive decay an for the management o radioactive waste.

For elements abuin leid in atomic nummer, the decay chain uisually ends wi an isotope o leid or bismuth. Bismuth itsel decays tae thallium, but the decay is that slow that it can near eneuch be ignored.

In monie cases, single members o the decay chain are as radioactive as the parent, but faur smaller in volume or mass. For that reason, awthou uranium isnae dangerously radioactive when it is pure, some pieces o naiturally occurrin pitchblende are gey dangerous acause o the radium-226 in them.[2] Radium dissolves in watter, an it isnae a ceramic lik the parent. In the same wey, thorium gas mantles are only a wee bit radioactive when they are new, but they get mair radioactive efter juist a few months in storage, as the dochters o 232Th build up.

Naebody can predict whether ony gien atom o a radioactive substance will decay at ony gien time, but the decay products o a radioactive substance can be predicted extremely weel. Acause o this, decay products are important tae scientists in monie fields that need tae ken the quantity or type o the parent product. Sic studies are done tae measure pollution levels (in an aroon nuclear facilities) an for ither maitters.

References

[eedit | edit soorce]
  1. ↑ Glossary of Volume 7 Archived 2017-01-03 at the Wayback Machine (Depleted Uranium — authors: Naomi H. Harley, Ernest C. Foulkes, Lee H. Hilborne, Arlene Hudson, and C. Ross Anthony) of A review of the scientific literature as it pertains to gulf war illnesses.
  2. ↑ Peh, W. C. G. (1996). "The Discovery of Radioactivity and Radium" (PDF). Singapore Medical Journal. 37 (6): 627–630. PMID 9104065.