Adult contemporary

Adult contemporary (AC) is a category o popular muisic makkit for adult listeners. The nem is also uised for the record charts an radio formats that concentrate on sic muisic.
Whit gangs intae adult contemporary at ony time is shapit maistly bi the popular muisic trends o the day, an bi which trends an genres appeal mair strangly tae young fowk. It wis first established as a continuation o the easy listenin an soft rock soonds o the 1960s an 1970s, as a coonterwecht tae the haurd rock o thon time, an later tae hivy metal an hip-hop. At first it concentratit on sangs wi mair or less influence frae easy listenin, pop, soul, R&B, quiet storm an rock. In the 1990s adult contemporary stairtit tae tak in a hetter soond that makkit mair room for contemporary pop, an it developit sub-categories for particular genres.
In radio braidcastin, adult contemporary formats uisually aim at adults atween 25 an 44, acause advertisers favour thaim. The formats are telt apairt maistly bi thair playlists. "Hot AC" stations uisually concentrate on uptempo mainstream muisic, sic as dance-pop, contemporary R&B, pop, alternative, indie an soft rock. They leave oot the mair specialised kinds o hip-hop, haurd rock, teen pop an electronic dance muisic that appeal less tae aulder listeners. "Mainstream AC" balances new muisic wi established hits frae past decades, an "soft AC" haes a mair conservative soond. AC stations can play pop hits frae earlier decades an aw, that thair listeners find nostalgic.
Ither sub-categories o AC hae also come forrit: rhythmic adult contemporary, that concentrates on dance muisic; urban adult contemporary, that concentrates on R&B an soul muisic; an Christian adult contemporary.
History
[eedit | edit soorce]1960s
[eedit | edit soorce]Adult contemporary haes its ruits in the easy listenin format o the 1960s, that played a mix o 70–80% instrumentals tae 20–30% vocals. The easy listenin format, as it wis first kent, cam oot o the wish o some radio stations in the late 1950s an early 1960s tae keep playin new hit sangs. They didnae want tae be brandit as rock an roll stations. Billboard first published its Easy Listening chart on 17 July 1961, wi 20 sangs. The first nummer ane wis "Boll Weevil Song" bi Brook Benton. The chart describit itsel as "not too far out in either direction".[2]
Efter 1965 the differences atween the Hot 100 chart an the Easy Listening chart grew mair merkit. As rock muisic got haurder, there wis faur less crossower atween the twa charts than in the first hauf o the 1960s. Roger Miller, Barbra Streisand an Bobby Vinton were amang the chart's maist popular performers.[2]
1970s
[eedit | edit soorce]Bi the late 1960s haurd rock haed been established as ane o the rock genres.[3] Haurd rock an soft rock becam separate popular forms in rock,[4] an major radio formats in the US.[5] Soft rock wis aften drawn frae folk rock. It uised acoustic instruments an pit mair weicht on melody an harmony. Its major artists includit Carole King, Cat Stevens, James Taylor[6] an Bread.[7][8]
In the early 1970s, safter sangs bi The Carpenters, Anne Murray, John Denver, Barry Manilow an even Barbra Streisand stairtit tae be played mair aften on Top 40 radio. The Hot 100 an the Easy Listening/AC charts becam mair alike. AC stations stairtit tae play safter sangs bi Elvis Presley, Elton John, Billy Joel an ither rock artists. Suin efter, rock acts sic as Chicago an the Eagles cam tae be associatit wi the format.[2]
Soft rock reached its heichest commercial pynt in the mid tae late 1970s, wi acts sic as Toto, Air Supply an the reformed Fleetwood Mac, whase album Rumours (1977) wis ane o the best-sellin albums o the decade.[9] Bi 1977 some radio stations, amang thaim WTFM an WYNY in New York an WEEI in Boston, haed chynged tae an aa-soft rock format.[10]
1980s
[eedit | edit soorce]On 7 Aprile 1979 the Easy Listening chart wis offeecially renamed Adult Contemporary.[2] Adult contemporary muisic becam ane o the maist popular radio formats o the 1980s. As the decade gaed on, traditional AC artists sic as Barbra Streisand, The Carpenters, Barry Manilow, John Denver an Olivia Newton-John fund it harder tae hae major Top 40 hits. Some artists were staples o contemporary hit radio, sic as Richard Marx, Michael Jackson, Bonnie Tyler, George Michael, Phil Collins, Laura Branigan an Journey.[11][12] Throu the influence o MTV, they stairtit tae cross ower tae the AC charts mair aften.
1990s
[eedit | edit soorce]Unlike maist mainstream sangsters o the 1980s, the mainstream pop an R&B sangsters o the 1990s generally crossed ower tae the AC charts. Amang them were All-4-One,[13] Boyz II Men, Christina Aguilera,[14] the Backstreet Boys an Savage Garden.[14] Laitin pop artists sic as Lynda Thomas,[15] Ricky Martin, Marc Anthony, Selena, Enrique Iglesias an Luis Miguel did weel on the AC charts an aw.
Forby Céline Dion, ither artists wi mair nor ae nummer ane on the AC chart in the 1990s include Mariah Carey, Phil Collins, Michael Bolton, Bryan Adams, Whitney Houston an Shania Twain. New female sangwriters o adult album alternative, sic as Sarah McLachlan, Natalie Merchant, Jewel, Melissa Etheridge an Sheryl Crow, broke throu on the AC chart at this time an aw.[16]
2000s tae the present
[eedit | edit soorce]Josh Groban's single "You Raise Me Up" an Michael Bublé's cover o "Fever" are aften gien as key examples o the heich production values an ballad-hivy soond that merkit AC in the 2000s.[2] Key tae the success o AC in the 2000s wis listeners atween 25 an 34, that haed ootgrown the pop muisic o the time. Maist new rock haed becam ower alternative an harsh for AC radio, an maist new pop wis nou hivily influenced bi dance-pop, hip-hop an electronic dance muisic.[17]
In the late 2000s, some pop sangs stairtit tae enter the AC charts, uisually efter they haed recently drappit aff the Hot 100. Raither nor concentratin on aulder sangs, adult contemporary nou played monie o the same sangs as Top 40 an adult Top 40 stations, but anly efter the hits haed become established.[2]
The shift o AC radio taewart mainstream pop wis a result o chynges in braidcastin efter the Great Recession. Advertisers preferred mair profitable chart-based formats, an monie AC formats, maistly thaim aimed at aulder listeners, cam tae an end. Fawin sales o physical records throu the 2010s wis a major blaw tae AC an aw.[18]
Adult contemporary formats
[eedit | edit soorce]In radio braidcastin, adult contemporary is dividit intae several sub-formats, ilk ane wi its ain muisical direction an its ain target listeners. In hot adult contemporary formats the rotation is generally uptempo, wi recent hits that appeal tae a wide adult audience.[19] A station formatted as "adult contemporary" wi nae qualifier, kent forby as "mainstream" AC, generally haes a playlist lik hot AC stations, but wi a wider rotation o classic hits frae past decades.[20][19]
Soft adult contemporary formats hae a mair conservative soond, aimed maistly at adult weemen. Urban AC concentrates on R&B an soul muisic that appeal tae African American adults, an rhythmic AC concentrates on dance muisic an ither rhythmic genres.
Christmas muisic
[eedit | edit soorce]Syne the 1990s it haes become common for monie AC stations, soft AC stations abuin aw, tae play maistly or anly Christmas muisic in the Christmas season, in November an December.
Notes
[eedit | edit soorce]References
[eedit | edit soorce]- ↑ Proefrock, Stacia. "Celine Dion - Music Biography, Credits and Discography". AllMusic. Retrieved 3 October 2012.
- 1 2 3 4 5 6 Trust, Gary (23 Julie 2011). "Vanilla Is Licking the Competition". Billboard. Vol. 123 no. 25.
- ↑ "1960s Music History including Sixties Styles, Bands and Artists". Archived frae the original on 29 Julie 2019. Retrieved 16 Julie 2019.
- ↑ Browne, R. B.; Browne, P., eds. (2001). The Guide to United States Popular Culture. Popular Press. p. 687. ISBN 0-87972-821-3.
- ↑ Keith, M. C. (2009). The Radio Station: Broadcast, Satellite and Internet (8th ed.). Focal Press. p. 14. ISBN 978-0-240-81186-4.
- ↑ Curtis, J. M. (1987). Rock eras: interpretations of music and society, 1954–1984. Popular Press. p. 236.
- ↑ "Soft Rock : Significant Albums, Artists and Songs, Most Viewed". AllMusic. Archived frae the original on 27 Februar 2021. Retrieved 9 Januar 2013.
- ↑ "Soft Rock – Profile of the Mellow, Romantic Soft Rock of the '70s and Early '80s". 80music.about.com. 12 Apryle 2012. Archived frae the original on 16 Januar 2013. Retrieved 9 Januar 2013.
- ↑ Buckley, P. (2003). The Rough Guide to Rock (3rd ed.). Rough Guides. p. 378.
- ↑ Sterling, C. H.; Keith, M. C. (2008). Sounds of Change: a History of FM broadcasting in America. UNC Press. pp. 136–7.
- ↑ "Journey: The band who did not stop believing". BBC News. 12 November 2010. Archived frae the original on 16 November 2010. Retrieved 6 December 2010.
- ↑ "10 Best Soft Rock Ballads". Made Man. 2 November 2010. Archived frae the original on 13 November 2010. Retrieved 6 December 2010. "Journey fans can easily list a dozen soft rock ballads from the band..."
- ↑ "All-4-One Album & Song Chart History". Billboard. Archived frae the original on 22 Mey 2013. Retrieved 3 October 2012.
- 1 2 "Mariah Carey Music News & Info". Billboard. Archived frae the original on 18 Juin 2010. Retrieved 3 October 2012.
- ↑ "Lynda realiza su internacionalización" (in Spainish). terra.com.mx. Archived frae the original on 23 October 2013. Retrieved 27 Mairch 2015.
- ↑ Hyatt, Wesley (1999). The Billboard Book of Number One Adult Contemporary Hits. New York City: Billboard Books. ISBN 978-0-8230-7693-2.
- ↑ Whitburn, Joel (2007). Billboard Top Adult Songs 1961–2006. Record Research Inc. p. 373.
- ↑ Boudway, Ira (14 Juin 2016). "The Queen of FM Fights for Her Throne". Bloomberg Business Week. Archived frae the original on 23 Juin 2017. Retrieved 15 Juin 2016.
It's destroying radio in general, and especially shows that don't play for the meter.
- 1 2 Leight, Elias (20 October 2018). "Adult Radio Was Once the Butt of Jokes. Now It's the Hottest Radio Format". Rolling Stone (in Inglis). Archived frae the original on 12 November 2018. Retrieved 12 November 2018.
- ↑ "With CHR Polarizing, Are AC & Hot AC The New Top 40?". Insideradio.com (in Inglis). Archived frae the original on 13 Mey 2021. Retrieved 13 November 2018.