ZURE WEBGUNEA, PUNTU ZIBERSEGURUA

DNS Abusuaren prebentzio proaktibora bideratzen dugu gure estrategia. Gure lanarekin euskal gizartea iruzurra jasatetik babesten dugu eta .EUS webguneak, gainera, mehatxuetatik babesten ditugu. Gure araudia domeinuak babestera bideratuta dago, NIS2 zuzentaraua aplikatuz. Zibersegurtasunaren ulermena sustatzen dugu, funtsezko tresnak eskaintzen ditugu eta babes-zerbitzuen alde egiten dugu.

HEZKUNTZA

Zibersegurtasunean heztea sustatzen dugu, ikasleei eta profesionalei prestakuntza eskainiz. Gure ekimenen artean ikasleentzako programak eta proiektuak daude, eta lanbide-trebakuntza bideratzen dugu tresna eta tailer espezializatuen bidez.

TRESNAK ETA ZERBITZUAK

.EUS domeinuaren erabiltzaileen webguneen segurtasuna indartzen jarraitu nahi dugu, prebentziorako soluzio eta tresna aurreratuak garatuz eta eskainiz.

MARKEN BABESA

Edozein markarentzat funtsezkoa da online identitatea gordetzea eta hirugarrenen usurpazioa saihestea. Horregatik, PUNTUEUSen zure marka zaintzen dugu, marka ez dadin urratu. Horretarako, modu proaktiboan lan egiten dugu, markentzat babes-zerbitzuak ezarriz.

PUNTUEUSen zeregin garrantzitsuenetako bat .EUS komunitate osoaren segurtasun digitala zaintzea da, webgune guztiak egunero monitorizatuz. Jarduera maltzurrak eta zibererasoak detektatzen ditugu, arriskuak eta mehatxuak saihesteko. Aldi berean, ICANNen DNSaren abusuaren aurka borrokatzeko politika betetzen dela bermatzen dugu.

DOMEINUEN ETENGABEKO ZAINTZA

DNSaren abusua etengabe monitorizatzeko zerbitzuak eta prozesuak integratzen ditugu, azken belaunaldiko tresnak erabiliz. Webguneen erabilera desegokia goiz atzematea eta arriskuen eta mehatxuen prebentzioa funtsezkoak dira erantzun eraginkorra emateko. Konprometitutako webgune bat detektatzen dugunean, zurekin harremanetan jarriko gara.

GARDENTASUNA

Zibergaizkileei aurre hartzeko adierazle nagusiak behatu, ikertu eta aztertzen ditugu. Gardentasunarekin dugun konpromisoaren islada dira zibersegurtasunaren inguruan argitaratzen ditugun datu zehatzak. Horrela, jendarteari segurtasunaren egoerari buruzko informazio baliotsua ematen diogu.

KONPROMISOA

Pornografian haurren abusua eta emakumeen aurkako tratu txarrak saihesteari lehentasuna emateko konpromisoa hartu dugu. Ingurune digitalean, pertsonen ongizatea, eta biztanleria zaurgarriena berariaz, edozein esplotazio edo min motatik babesteko lan egitea dugu helburu.

Detektatutako abusu kasuen aurrean azkar erantzuteak arriskuak murriztea ahalbidetzen digu. Baita, erasoa gertatu aurretik aurreikusteko gai izatea ere.

LANKIDETZA FUNTSEZKO BAZKIDEEKIN

Zibersegurtasunean espezializatutako bazkideekin egindako lankidetza akordioei esker, abusu-kasuei aurre egiten diegu, eta, sarri, kaltea gertatu aurretik mehatxua ebazteko gai gara.

ZERBITZU TEKNIKO ESPEZIALIZATUA

Puntu kritikoetan berehalako laguntza teknikoa eskura jartzen dugu. Kanal guztiak zabalik ditugu: telefonoa, posta elektronikoa, txata edo aurrez aurreko bilerak

.EUS webgune guztien eguneroko monitorizazioa

Tresna aurreratuak integratuz, gure zerbitzuak .EUS komunitatearen segurtasun digitala bermatzen du, webgune guztien eguneroko monitorizazioaren bidez. Ikuspegi oso horrek aukera ematen du jarduera maltzurrak eta eraso zibernetikoak behar bezala identifikatzeko, arrisku potentzialei aurrea hartuta. Gune konprometitu bat detektatuz gero, ebazpenean laguntzeko neurriak hartzen ditugu, baita asmo maltzurren kasuetan domeinua blokeatu ere.

Blokeatu zure .EUS izenaren milaka aldaera

Zerbitzu aurreratu honek identifikazio eta blokeo mekanismoak erabiltzen ditu typosquatting, phishing, iruzur eta markaidentitatearen mehatxuei aurre egiteko. Antzeko domeinu-izen faltsuak eskuratzea saihesteko aukera ematen du, .EUS domeinuaren milaka aldaera blokeatuz phishing-erasoak saihesteko eta arintzeko diseinatutako teknologiaren bidez.

DNS zerbitzariaren segurtasuna hobetzen du DNSSECek, .EUS domeinuek jarduera kaltegarriei aurre egitea ahalbidetuz. Gainera, .EUS domeinu bakoitzak Izenperen SSL ziurtagiri eskaintzen du doan, eta horrek konexio segurua eta zifratua bermatzen du, webgunearen zibersegurtasuna indartuz.