Explorar l’espaci occitan sus una mapa unica: legir lei toponims autentics, chausir una vision tematica e preparar un trabalh en classa ò sus lo territòri.
La mapa principala
La mapa occitana es lo ponch de partença dau Geoportau. S’emplèga directament dins la pagina, sensa durbir una mapa pesanta a despart.
- Desplaçatz-vos en fasent esquilhar la mapa e zoomatz amb lei botons, la rodeta ò dos dets.
- Emplegatz la cibla per centrar la mapa sus vòstra posicion.
- Passatz en plen ecran per presentar la mapa ò trabalhar en classa.
- Cambiatz de fons quand avètz besonh de comparar lo rendut occitan amb lo fons OSM.
Chausir una jaça tematica
Lo boton « Jaças » duerbe lei visions disponiblas. Lei donadas se cargan solament dins la zòna visibla.
- Vilas e vilatges: vilas, vilòtas, vilatges, masatges e quartiers.
- Idronimia: rius, canaus, valats e autrei cors d’aiga.
- Relèu: cimas, bauç, crestencs, còlas, pas e vaus.
- Patrimòni: castèus, sites arqueologics, monuments, roínas e luòcs de memòria.
- Transpòrts: arrèsts d’autobús cartografiats en occitan.
- Luòcs de practica: escòlas, associacions, librariás e servicis ont la lenga se practica.
Preparar un trabalh en classa
L’ensenhaire pòt centrar la mapa sus un territòri, chausir una jaça e passar en plen ecran. Cada simbòle duerbe una ficha amb lo toponim e la caracterizacion occitana de l’objècte.
- Chausissètz lo territòri estudiat.
- Activatz una jaça tematica.
- Durbètz quauquei fichas e comparatz lei noms e lei tipes de luòcs.
- Notatz lei noms de verificar ò de completar.
Veire çò que demòra de cartografiar
Partent d’un zoom pròche, leis objèctes sensa lo nom occitan apareisson amb un simbòle pus discret. La mencion « Nom occitan de completar » convida a verificar lo luòc e a contribuir.