Kambodsja
| Kongeriket Kambodsja | |||
| ព្រះរាជាណាចក្រកម្ពុជា Preah Reacheanachak Kampuchea | |||
|
|
|||
| Adjektiv: kambodsjansk | |||
| Motto | Nasjon, religion, konge | ||
|---|---|---|---|
| Nasjonaldag | 9. november | ||
| Nasjonalsong | «Nokoreach» | ||
| Hovudstad | Phnom Penh | ||
| Offisielle språk | Khmer | ||
| Flatevidd | 181 035 km² | ||
| • vatn | 2,5 % km² | ||
| Folketal | 17 423 880 (2023)[1] | ||
| Sjølvstende frå Frankrike |
9. november 1953 | ||
| Styresett | Konstitusjonelt monarki[2] | ||
| • Konge | Norodom Sihamoni | ||
| • Statsminister | Hun Manet | ||
| BNP | 26 961 061 152 US-dollar (2021)[3] | ||
| HDI | 0,593 (2021)[4] | ||
| Tidssone | UTC +7 | ||
| Valuta | Kambodsjansk riel | ||
| Telefonkode | +855 | ||
| ISO 3166-kode | KH | ||
| Toppnivådomene | .kh | ||
| Wikimedia Commons: Cambodia | |||
Kambodsja, offisielt Kongeriket Kambodsja,[a] er eit kongedøme i Søraust-Asia som grensar til Thailand mot vest, Laos mot nord og Vietnam mot aust.[5][6] I sørvest har det kystline mot Siambukta. Hovudstaden er Phnom Penh, med rundt 1 million innbyggjarar.
Geografi
[endre | endre wikiteksten]
Landet er prega av Mekongelva, som på khmer blir kalla Tonle Thom, 'den store elva', og av Tonle Sap ('ferskvatnelva'), ei viktig fiskeelv.
Klima
[endre | endre wikiteksten]Monsunen gjev ein god del nedbør mellom mai og september eller oktober. Ein har eit lite høgdedrag i sørvest, og sidene som vender mot Siambukta har kraftig nedbør. Den tørre perioden varer frå desember til april, og er varm med mykje sol. I regntida er det meir skya, høgare fukt, og vêret er lummert og trykkjande. Temperaturane held seg ganske høge året rundt i låglandet. Phnom Penh har ein årleg nedbørsnormal på 1407 mm.
Innbyggjarar
[endre | endre wikiteksten]Dei fleste kambodsjanarar er khmerfolk som høyrer til theravada-buddhismen. Landet har òg fleire nasjonale minoritetar der den viktigaste er chamfolk.
Historie
[endre | endre wikiteksten]Landet kan trekkja liner tilbake til Keisardømet Khmer, som herska over store delar av den indokinesiske halvøya frå 1000- til 1300-talet. Den gamle hovudstaden Angkor med tempelkomplekset Angkor Wat er mektige minne om denne tida.
Under kolonitida var Kambodsja, som Khmer-riket, eit fransk protektorat og ein del av føderasjonen Indokina. Landet fekk sjølvstende i 1953.
På 1950- og 1960-talet heldt landet under kong Norodom Sihanouk seg nøytralt under store delar av Vietnamkrigen i nabolandet. Frå 1969 utførte amerikanske bombefly hemmelege åtak på det dei hevda var kommunistiske leirar i landet, slik at 30 000–500 000 sivile blei drepne. Amerikanske styrkar stod òg for ein kortvarig invasjon i 1970.
Indre motsetnader førte til ein borgarkrig på 1970- og 1980-talet. Det forhatte monarkiet blei bytt ut med eit katastrofalt regime leidd av Raude Khmer, som brukte element av kommunistisk tankegods til å forfølgja og drepa svært mange kambodsjanarar.
Medan flyktningar strøymde inn i Thailand blei landet invadert av Vietnam i desember 1978. Raude Khmer-styret blei framleis støtta av USA, og heldt mellom anna på plassen til Kambodsja i SN. Etter kvart stabiliserte situasjonen i landet seg likevel.
Politikk
[endre | endre wikiteksten]Kongen i landet, Norodom Sihamoni, blei utnemnd av eit råd den 14. oktober 2004 etter at far hans, Norodom Sihanouk, abdiserte.
Statsministeren i Kambodsja heiter Hun Manet.
Administrativ inndeling
[endre | endre wikiteksten]Dei 25 fylke er dela inn i distrikt.
Fylka er
|
13. Oddar Meancheay (ឧត្តរមានជ័យ) |
Merknader
[endre | endre wikiteksten]Kjelder
[endre | endre wikiteksten]- ↑ Landkode (ISO 3166-1 numerisk): 116; vitjingsdato: 23. november 2024.
- ↑ Nielsen, John. «Cambodia» (på dansk). Lex på lex.dk.
- ↑ . Verdsbanken https://data.worldbank.org/indicator/NY.GDP.MKTP.CD. Henta 26. august 2023.
{{cite web}}: Missing or empty|title=(hjelp) - ↑ «Human Development Report». 2022.
- ↑ «Kambodsja» i Store norske leksikon, snl.no.
- ↑ «Cambodia» (på engelsk). Britannica. Henta 9. oktober 2026.
- Denne artikkelen bygger på «Cambodia» frå Wikipedia på engelsk, den 1. desember 2005.
- Denne artikkelen bygger på «History of Cambodia (1979-present)» frå Wikipedia på engelsk, den 1. desember 2005.