Urangutan adolah karo gadang nan baasa dari utan ujan Indonesia jo Malaysia. Kini ko, urangutan hanyo disobokan di babarapo bagian Kalimantan jo Sumatra, tapi pado zaman Pleistosen nyo taseba di kasadoan Asia Tenggara hinggo Cino Selatan. Diklasifikasian sabagai genus Pongo, urangutan pado awalnyo dianggap sabagai ciek spesies. Pado tahun 1996, urangutan dibagi manjadi duo spesies, yaitu urangutan Kalimantan (P. pygmaeus, jo tigo subspesies) dan urangutan Sumatra (P. abelii). Spesies katigo, yaitu urangutan Tapanuli (P. tapanuliensis), sacaro definitif diidentifikasi pado tahun 2017. Urang utan marupokan satu-satunyo anggota nan masih batahan dari subfamili Ponginae, nan sacaro genetik tapisah dari hominid lainnyo, takah gorila, simpanse, jo manusia, antaro 19,3 hinggo 15,7 juta tahun nan lampau. Urangutan marupokan binatang nan arboreal, mahabihan sabagian gadang hiduiknyo di ateh batang. Inyo mampunyoi tangan nan panjang, bulu coklat tasirah, jo pola hiduik nan condoang surang-surang. Makanan utamonyo adolah buah-buahan, tapi inyo bisa mamakan tumbuahan lain, madu, siranggo, jo talua buruang. Urangutan dapek hiduik labiah dari 30 tahun. Binatang ko tamasuak primata paliang santiang, mampu manggunoan alaik jo mambangun sarang tampek lalok dari rantiang sarato daun. Katigo spesies nan ado kini ko bastatuih sangaik tarancam punah akibaik paburuan, hilangnyo habitat karano deforestasi jo pakabunan sawit, sarato padagangan satwa liar ilegal.(salangkoknyo...)
"... baso di Athena kuno, pohon zaitun dianggap suci dan sado buahnyo adolah miliak nagara sarato urang nan manabang pohonnyo ka dijatuahi hukuman mati?"
"... baso auman singa gadang dimakasuikkan untuak mamparingaikkan lawan atau mangumpuakan baliak kawanannyo dan dapek tadanga hinggo 8 kilometer?"
"... baso Golden Raspberry Award adolah suatu "pangaragoan" ateh nan taburuak dalam industri pafilman di Amerika Serikat dan biasonyo dibarikan satiok tahun sahari salapeh malam puncak Oscar disalanggarokan?"
"... baso Universitas Hokkaido di Japang pado mulonyo didirikan sabagai suatu sakolah tinggi patanian pado tahun 1876 jo bantuan Rektor Sakolah Tinggi Patanian Massachusetts, Amerika Serikat nan batugas di sinan salamo salapan bulan?"
Wikipedia dalam bahaso lain
Proyek Wikimedia lain
