Hamlet
The Tragedy of Hamlet, Pangèran Denmark, otabâ biasana èpapandâ' dâddhi Hamlet, panèka sandiwara tragèdi karyana William Shakespeare sè ètolès è rakèrah taon 1599-1601. Drama panèka aropaaghi sala sèttong tragèdi Shakespeare sè palèng kasohor. Terjema'ânna bhâsa Indonèsiana ajudul Hamlet, Pangeran Denmark bân èlakonè sareng Trisno Sumardjo.[1]
Tragèdi panèka nyarèta'aghi sèttong rato sè matè kalabân cara sè misterius, saèngghâna randhâna akabin sareng tarètanna. Hantuna rato ajhâlân è karaton, nemmonè ana'na, Hamlet, pas nyo'on bâlessaghi dendamma. Pangeran Hamlet sè andi' jiwa sensitif ajhânji bhâkal males kalabân cara apa bhâi sè akhèrra kodhu èbâjâr kalabân arghâ sè larang.
Carètana Hamlet
[beccè' | beccè' sombher]Tokoh-tokona
[beccè' | beccè' sombher]- Hamlet, Pangeran Denmark
- Rato Klaudius, paman Hamlet.
- Ratu Gertrude, ebuna Hamlet.
- Horatio, kancana Hamlet.
- Polonius, panasehadda rato.
- Ophelia, pottrana Polonius.
- Laertes, pottrana Polonius.
Bâkto bân kennengenna
[beccè' | beccè' sombher]Ratosan taon sè tapongkor è Denmark.
Sinopsis Hamlet
[beccè' | beccè' sombher]Hamlet panèka pangeran è Denmark. Eppa'na ghi' buru sèdhâ, bân pamanna Klaudius ampon ongghâ tahta. Salaèn jârèya, pamanna ampon akabin bân embu'na Hamlet, Gertrude. Arèya aghâbây Hamlet sanget sossa. È bâkto sè padâ, sabbhân kancana Hamlet nangalè hantu sè ngakoh ramana Hamlet. Bâkto Hamlet jhughân nangalè hantu panèka, salèrana èsoro males dendam polana Claudius ampon dhâddhi sè matè'è. Hamlet apura-pura ghilâh kaangghuy ajebbak Claudius.
Hamlet jhughân ngajak pan-bârâmpan aktor kaangghuy mèntassaghi sèttong carèta sè ètolès dhibi'. Carèta jarèya parkara orèng sè matè’è rato kalabân cara nyabâ' racon ka kopèngnga rato jarèya. È bâkto penampilanna, Claudius arassa cè' salana bân ondhur sabellunna penampilan lastarè. Hamlet ngadhep ka Gertrude parkara sèdhâna ramana. Bâkto Gertrude ta' poron ngako, Hamlet pegghel bân, è bâkto nangalè orèng sè ngitek è budina kerrèh, pas langsong ècocco. Ta' èsangka, orèng panèka Polonius, panasèhaddâ Klaudius. Polonius matè, bân ana'na sè duwâ', Laertes bân Ophelia, sè kasossa'an. Ophelia la èkasennengi Hamlet, tapè polana jârèya, Ophelia ghâpanèka dhâddhi ghilâh bân tasèllem è songay.
Saellana jârèya, Claudius ngèrèm Hamlet ka Inggris kaangghuy ajhâr, sanajân tojjuwan sè saongghuna èngghi panèka ngusir Hamlet dâri Denmark. Salèrana bân sahabatta Horatio pas buruh dâri kapal sè ngèba ka Inggris bân abâli ka Denmark. È dissa', Hamlet ta' sengaja nyaksè'è prosesi pemakamanna Ophelia bân polana kasossa'anna, Hamlet alonca' ka koburanna Ophelia. Laertes, sè nangalè jârèya, dhâddhi peggèllè bân terro malessa kamatèanna ramana. Saellana jârèya nantang Hamlet kaangghuy duèl peddhang.